احبني خاطف ( مكتمله)

البارت الثاني (2)

لكنني أريد بُرهانًا واحدًا يدل على أنني مازلتُ على قيد الحياة وأن هناك في الأفق البعيد أملًا يلوح لي لم تبتر بعد الأيام يده .

ــــــــــــــــــــــــــــــــــــــــــــــــ

سلمان: اني رجعتت

ايديث: هلا عمو يلا بدل ملابسك وتعال العشا جاهز

سلمان: ميصير اكل قبل لا ابدل؟

ايديث: لا حتى تكمل وتروح تنام يلا بسرعه روح بدل حيبرد الاكل

سلمان: ولله وكت خله ام 19 سنه تتحكم بالبيت هههه رايح يابة رايح

ايديث: ايفيي.. وينج تعالي

ايفلين: شبيج شكو.. حجتها بنثره

ايديث: اولا شنو هل اسلوب وياية من شوكت؟

ايفلين: اسفه بس جنت مندمجه بالموبايل و صحتيني..

ايديث: تمام.. كملتي دراسة؟

ايفلين: اي كملت.. وانتِ

ايديث: بعدني ولله متشوفين دا اسوي بالعشا واريدكم بموضوع انتِ وعمو هسة من نگعد ع العشا

ايفلين: تمام خو ماكو شي؟

ايديث: لا ماكو شي يقلق لتخافين.. يلة اخذي هذا الصحن وروحي..

ايفلين: تمام حياتم.. اخذت الصحن من ايديث و تجمعنا ع ميز الطعام..

ايديث: يلا تفضلوا

سلمان: عاشت ايدج حبيبتي

ايفلين: الله مسوية اكلتي المفضله

ايديث: ههه الف عافيه

وبلشنا ناكل مثل كل مره..

ايفلين: صدك ايدو مو گلتي عندي موضوع وياكم اليوم

سلمان: هاي شنو دتصير مواضيع اني ما ادري بيها

ايديث: احمم اي عندي موضوع وياكم صارلي هواية دا افكر بيه

سلمان: گولي عيوني

ايديث: عمو بصراحه...

ايفلين: احجي شبيج مراح ناكلج ليش خايفه

ايديث: بصراحه اني اريد اشتغل واساعد عمو بمصاريف البيت كبرت اني وعيب احد يشيل مسؤوليتي غير اهلي الله يرحمهم...

سلمان: ليش محسسكم بنقص اني لو مقصر وياكم ؟ اشو الحمدالله بس انتوا عندي؟ و راتبي خير من الله يكفينا ويزيد شكو بعد

ايديث: لا عمو حشاك من التقصير.. بس اني دا احس انو اني واختي عبئ عليك و انت شاب ووراك زواج واطفال قابل تتحمل مسؤوليتنه طول عمرك شنو ذنبك ف ادور شغل واعين اختي احسن..

ايفلين: ايدو بس عمو عنده فلوس هوا...

ايديث: گرصت ايفي قبل لتكمل كلامها وخزرتها يعني اسكتي