احبني خاطف ( مكتمله)

البارت التاسع (9)

ما دمتُ بقربكِ، فلن تحزني لثانيةٍ أبدًا ♥.
ـــــــــــــــــــــــــــــــــــــــــــــــــــــــ

سلمان: نگدر ندخللها؟

الدكتور: عادي بس بدون ازعاج الها من تگعد حاچوها..

سلمان: شكرا..- راح الدكتور ودخلنا ل ايديث.. الكانيولا بأيدها.. صارت عندها عادي تعودت بين يوم ويوم كانيولا جديده.. راحت ايفلين گعدت ع الكرويته و تبجي بهدوء.. واني گعدت يمها ولازم ايدها واباوعلها منتظرها تگعد.. ساعه.. ساعتين.. تلاثه.. انتظرتها ماگعدت الظاهر ضلت نايمة... من التعب ما حسيت ع نفسي و نمت ع الكرسي..

ايديث:.. گعدت من النوم بالگوة فتحت عيوني حيل نعسانه.. اباوع عمو نايم و رگبته مكسورة ولازم ايدي ما انتبهت انو جانت ايفلين هم موجوده.. ف عدلت گعدتي و عمو ما حس عليه علكيف تحركت ف ما انطاني گلبي اعوفه ع حاله ف گلت اگعده و اخليه ينام ع الكرويته.. عمو..- حجيت بهدوء وحركت ايده هو فز بسرعه..

سلمان: ها ايديث حبيبتي بيج شي محتاجة شي؟

ايديث: اسم الله اسم الله عمو گوم نام ع الكرويته رگبتك انكسرت..

سلمان:- تنهدت- لا حبيبي هاي ارتاحيت شوية.. بشريني شلون صرتي..

ايديث: اصلا ليش جبتوني هنا عادي اغماء مثل كل مره بالبيت وخلي المغذي انتَ..

سلمان: ربج ستر وجبتج هنا وما تصرفت وحدي..

ايديث: ليش شكو..

سلمان: بعدين اشرحلج..هسة گليلي محتاجة شي؟

ايديث: بس انطيني مي من يمك ما الوح..

سلمان: صار..- انطيتها المي بأيدها وانتبهت ل أيفلين گعدت و رادت تجي لأختها.. خزرتها ضلت بمكانها..

ايديث: شكرا.. يلا عمو درتاحلك شويه هنا..- التفتت ع الكرويته وانتبهت لأيفلين موجوده.. تغيرت ملامح وجهي للعصبيه

سلمان: ايديث.. ايديث.. شو اعصابج.. باوعيلي..- لزمت وجهها و خليتها تباوعلي.. لگيتها مدمعه وملامح غضب ثنينهم سوة.. اهدأي حببيبي انتِ

ايديث: ما اريد اشوفها.. عمو طلعها برا ما اريدها.. بسرعه- نزلن دموعي مره ثانيه-

سلمان: اشرت ل أيفلين تطلع..وطلعت.. مسحت دموع ايديث.. لتبچين فدوة ولله مو زين عليج..

ايديث: لعد شكو تجيبها اذا تخاف عليه..

سلمان: قابل راح تقاطعين اختج طول العمر؟

ايديث: لا بس اكيد هل فتره اضوج منها وتتعب نفسيتي من وراها.. ومن اتذكر شلون خلته يتحرش بيه ويتلمسني القذر..

سلمان: كافي لتقهرين بنفسج هسة حالتج تعبانه.. خلي اجيب الدكتور يفحصج ونشوف اذا تبقين لو نرجع للبيت..