احبني خاطف ( مكتمله)

البارت العاشر( 10)

يعرفني، يعرف جيدًا متى أصمت
ومتى أغضب، ومتى أحمل قلبي
على كفي وأركض نحوه بحثًا عن الطمأنينة .

ـــــــــــــــــــــــ

سلمان: متحملت ودخلت للغرفه بدون ما استأذن وهم زين مجانت قافلتها.. دخلت وانصدمت بأيديث.. بالگوة تتنفس تريد بس تلقط النفس.. ركضت الها ولگيت دموعها تنزل بدون كلام وتأشرلي. مأكددر اتنفس.. توترت كلش شسوي ماعرف كلشي طار من بالي.. ايديث.. اسمعيني.. اخذي نفس علكيفج

ايديث: ماكدر اسوي اي شي مجرد دموعي تنزل واريد بس اتنفس اگدر اخذ نفس بس ما اگدر ازفره.. تتعبت ودخت اريد نفس ضاق عليه كلش يارب ساعدني ماكدر حتى احجي.. اشرت لعمو ما اگدر بس ما فهمني.. افهمني الله يخليك اذا اخذ نفس بعد اختنك شلون افهمه..

سلمان: انتظري بس لحظة انتظري اصيح الدكاترة..- گمت بسرعه من يمها وصحت اي دكتور گدامي بس خلي يساعدني راح تموت البنيه... دخلت الدكتور للغرفه.. اول ما شافها عرفها... ركض و شغل الاوكسجين وخلاه الها حتى تكدر. تتنفس.. دكتور شكو فهمني..

الدكتور: صابتها حالة هلع مؤقته.. خافت من شي.. او ضاجت؟

سلمان: ها.. اي اي هسة ضاجت وعصبت..

الدكتور: ميصير تتعرض لأي حاله نفسيه سيئه ترا حالتها تحت الصفر ديروا بالكم.

سلمان: هسة شلونها الله يخليك راح تروح مني البنيه خرب يومي..

،،،،،،،،

ايديث:.. حط الدكتور الاوكسجين الي.. يلا شوية گدرت اتنفس .. متت تعب بهل دقايق لا أكدر اصيح لعمو. و هو بره و اني گلتلهم لحد يدخل للغرفه.. شسويت بحالي اني.. لو اموت مو احسن.. لحظات ما اتمناها لعدوي ليش هيج فجأه وگعت وامراض الدنيا صارت كلها بيه.. اختي معليها بس واحد من الاسباب الي خلتني اوگع هي صح مو ذاك الموقف الجبير.. بس حز بنفسي يعني اقرب الناس الي من بعد امي وابوية ورب العالمين.. وشخص انت ثاق بيه وتحبه واقرب الك واعز من روحك .. لكن مع الوقت تكتشف انو هو يدور الزله عليك.. ويتمنالك كل سوء ويدز ناس عليك حتى يأذوك.. شلون ممكن يكون موقفي وهي اختي الي سووت كل هذا بيه غير عن من جانوا اهلي عايشين شلون تتبله عليه بشغلات اني ممسويتها....- بين التفكير والتعب نمت..-

فلاش باك ( قبل ثلاث سنوات..حيث كان عمر ايديث 17 و ايفلين 15...)

ايديث: جنت كاعدة بغرفتي ادرس اني وصديقتي مراسله او فويسات.. وملتهية جان وقت مراجعه قبل الامتحانات كلش حريصه ع دراستي واخاف اطلع درجة محلوة وانزل راس اهلي واخيب ظنهم بيه.. ف اني گايلتلهم بهل فتره لحد يجي يمي ويحجي لو يسألني حالتي النفسيه مو زينه واعصب عليكم كلكم..

ايفلين: ايديث.. كافي عاد اربعه وعشرين ساعه ع التلفون عيب عليج ماما تريدج..

ايديث: دا ادرس عوفيني گليلها تكمل وتجيج روحي انتي بدالي ولتجين بعد قطعتي تركيزي..