مَن وراء الفخ ؟

١٠ | لعبة مكشوفة

[ خارج بوابه الدرسه ]  ( زيـاد )

لمن عرفت هويتو قلت : معـاذ؟

رفعتو من الارض وقلت : بتسوي في شنو هنا؟

التوتر كان واضح في نبره صوتو لمن قال : لا بس انا كنت بتمشى

تلقائي ضحكت وقلت  : يا صحبي تتمشى 1 صباحاً قايل نفسك في باريس؟ مافي زول عاقل بيحوم فالبلد دي بالليل ارجع

ضحك و رد  : لا انا بس متعود على اني اتمشى فالحتت البجيها جديد وخلاص برجع بعد التراب المسحتني بيها دي

ضربت كتفو بخفه  : العفو معليش

ودعتو ورجعت للبيت وارتميت على سريري بإنهاك وغطيت في نوم عميق

_________________

[ الساعه 8:00ص / مدرسه البنات ]

دخلت عليهم الاستاذه وسلمت عليهم وقالت  : عايزاكم تتقسمو لي كل 3 مع بعض يلا

جـودي عاينت ليـمنى  : امشي لروابي وسـ..

قبل ما تتم كلامها يـمنى قالت  : روابي وسماح معاهم صحبتنا ندى وانا معاك انتي دي

جـودي اتنفست وختت راسها فالكتاب

يـمنى : يع للدرجه دي ما عاجباك؟ غايتو

عاينت ليها بطرف عينها  : لا يا ذكيه بس عايزه انوم

يـمنى كانت بتقلد جـودي بس على الصامت وسرعان ما قالت بصوت مسموع : هلا ناديه

جـودي رفعت راسها ولقت نـاديه قدامها

نـاديه بإبتسامه : كيفكم؟

يـمنى بنفس ابتسامتها  : تمام

جـودي : آمري

نـاديه اتنفست شويه ورجعت ابتسمت  : عايزه اكون معاكم اذا محتاجين لفرد ثالث

جـودي : طيب ( في نفس الوقت )  يـمنى : لا

عاينو لبعض بإستغراب

نـاديه عاينت ليـمنى : اح ما اكون زعلتك في حاجه؟

يـمنى هزت يدينها بنفي  : لا بالعكس بس كنت قايله جـودي ما عايزه

نـاديه رجعت ابتسمت وقالت بهظار : لا شكلها جـودي بدت تتقبلني

جـودي ابتسمت  : طبعاً لازم

يـمنى كانت فاتحه خشمها من الصدمه والاستغراب

نـاديه فرحت وقامت وهي حاسه كأن في شي غلط بس اتجاهلت احساسها دا ورجعت لمكانها

يـمنى دفرت جـودي : عايزه تشوهيها عشان عاينت لراجلك امس صح؟ بعرفك ما بتعملي شي ساي

جـودي عاينت ليـمنى بجديه : بتحبي المهمات صح؟ اعتبري دي مهمه ودورك فيها انك تجاريني طيب؟