မောင့်ရင်ခွင်[ 𝙲𝚘𝚖𝚙𝚕𝚎𝚝𝚎𝚍 ]

Episode - 7

ထွဋ် dinner သွားရမည်ဖြစ်လို့ ရေမိုးချိုးပြီး ဇွဲမာန် ပြင်ဆင်ပေးထားတဲ့ suit အနက်ရောင်ကို ၀တ်ကာ လက်တွင် Rolex နာရီကိုပတ်လိုက်သည်။ ဆံပင်ကို ဂျယ်ဖြင့် အနောက်သို့သပ်ရပ်စွာ လှန်တင်ထားလိုက်သည်။ နားတွင် စိန်ပွင့်ပါသော နားကပ်အသေးလေးကို ပန်ဆင်လိုက်သဖြင့် လူငယ်ဆန်ဆန်နှင့် အရှိန်အ၀ါတစ်ခုထွက်နေသလိုပင်..။ ထွဋ်ပြင်ဆင်ပြီးတော့ နောက်ဆုံးပေါ် BMW အနက်ရောင်ကို ဇွဲမာန်ကို မောင်းစေပြီး လွန်းအိမ်သို့ထွက်လာလိုက်သည်။ ဇွဲမာန်လဲ မိမိနည်းတူ suit ဖြစ်ပေမယ့် nektile မတပ်ထားတာကြောင့် ပို၍ပင် လူငယ်ဆန်နေသေးသည်။

သို့နှင့် လွန်းအိမ်သို့ရောက်လာလေသည်။ လွန်းအိမ်ရှေ့၌ ကားအဖြူတစ်စီးရပ်ထားသည်ကို တွေ့သောကြောင့် ဇွဲမာန်အားမေးရန်ပြင်လိုက်စဥ် ကားပေါ်မှ ဆင်းလာသော ဖြူဖြူသေးသေးလေးကို အသည်းအသန်လိုက်ကြည့်နေသော ဇွဲမာန်ကြောင့် မေးမည့် စကားလုံးတွေ ရပ်တန့်လိုက်သည်။

ဇွဲမာန် ဒီနေ့ boss နှင့်အတူ party သို့လိုက်ရမည်ဖြစ်သည်။ ထို့ကြောင့် Boss ကိုကြိုပြီး ကားကို လွန်း အိမ်ဘက်သို့ မောင်းထွက်လာခဲ့သည်။ အိမ်ရှေ့ရောက်ရောက်ခြင်း ရပ်ထားတဲ့ ကားထဲကနေ ထွက်လာတဲ့ အဖြူရောင်အရိပ်လေး..မနေ့ကမှ တွေ့ခဲ့တာ ဆိုပေမယ့် ထပ်တွေ့တော့လဲ ရင်ခုန်သံက မနေ့ကအတိုင်း စည်းချက်မညီ ကဆုန်ပေါက်လျက်..။

ထွဋ် ဇွဲမာန်ကို ကြည့်နေရင်းကားပေါ်မှ ဆင်းလိုက်တော့ ဇွဲမာန်ပါလိုက်ဆင်းလာသည်။ ထိုအဖြူလုံးလေးကလဲ ထွဋ်တို့ဘက်လှည့်ကြည့်လာသည်။ထိုစဥ်အိမ်ထဲမှ ထွက်လာသူအား မြင်လိုက်ရစဥ်
ထွဋ်အသက်ရှူရန်ပင် မေ့သွားသလို နှလုံးသားကလဲ ပိုင်ရှင်ကို မှတ်မိတယ် ထင်ပါရဲ့ တဒုတ်ဒုတ်နှင့်.. လှရက်လိုက်တာ မောင့်လွန်းရယ်..အမျိုးသားတစ်ဦးက လှသည်ဆိုသော စကားလုံးနှင့်မသက်ဆိုင်သောညားလဲ ထိုအမျိုးသားလေးက နတ်သားတစ်ပါးအလား အရောင်အ၀ါနှင့် သိပ်လှတယ်..ဖြူဖွေးဥနေသော အသားရောင်နှင့်လိုက်ဖက်စွာ ထွဋ်နှင့် couple suit အနက်ရောင်ဖြင့် ဆံပင်တွေကို ဂျယ်နှင့် သပ်ထားသည်။ လက်က သားသားလေးကို ဆွဲကာ ထွက်လာသည်။