မောင့်ရင်ခွင်[ 𝙲𝚘𝚖𝚙𝚕𝚎𝚝𝚎𝚍 ]

Episode - 27

ခန်းစီးစတွေကို ကျော်လွန်ရင်း ဖြာကျလာတဲ့ အလင်းတန်းက တကယ်ကို ဆွဲမက်ဖွယ်အတိ။

အိပ်ရာထက်မှာတော့ ပူးကပ်စွာ အိပ်မောကျနေတဲ့ လူနှစ်ဦးရှိလေသည်။

ထွဋ် နိုးလာတော့ ရင်ခွင်ထဲမှာ အိပ်မောကျနေတဲ့ လွန်းကို ကြည့်ရင်း ပြုံးလိုက်မိသည်။
တစ်ဆက်တည်းမှာပဲ မနေ့ညက အကြောင်းလေးတွေကို ပြန်တွေးမိရင် သဘောတကျရယ်လိုက်မိသည်။

ထိုစဥ်...

Ring...Ring....Ring...

* ကျစ်!! ဘယ်က ဖုန်းလဲကွာ၊ လွန်းနိုးသွားတော့မှာပဲ *

စုတ်သပ်ရင်း လွန်းမနိုးအောင် ရင်ခွင်ထဲက အသာထုတ်ရင်း ဖုန်းဖြေလိုက်သည်။

' Hello '

' Boss! သတင်းအမြန်ကြည့်လိုက်၊ မြန်မြန် !! '

' ဘာ!! အေအေ '

ဇွဲမာန် အလောတကြီးဖုန်းဆက်ရင်း သတင်းကြည့်ခိုင်းတော့ Company ကိစ္စပဲ ထင်လိုက်ကာ ပေါ့ပေါ့ပါးပါးပဲ ဖုန်းဖွင့်ကြည့်လိုက်မိသည်။

သို့ပေမယ့် မြင်လိုက်ရတဲ့ သတင်းကြောင့် မျက်နှာတွေပင် နီရဲကာ၊ လည်ပင်းကြောတွေပါ ထောင်တက်လာသည်။

တက်ခေါက်လိုက်ရင်း ဇွဲမာန်ကို ဖုန်းဆက်ကာ ဂိုဏ်းက hacker တွေကို သတင်းဖြုတ်ချရန် စေခိုင်းလိုက်သည်။ ထို့နောက် သတင်းတင်သူကိုပါစုံစမ်းခိုင်းပြီး၊ သတင်းပေးသူပါ တစ်ဆက်တည်း စုံစမ်းခိုင်းလိုက်သည်။

ဒီသတင်းကို လွန်းတွေ့လို့မဖြစ်ပေ။

ဒီကောင်လေးက သန်မာချင်ယောင်ဆောင်နေပေမယ့် သိပ်အားငယ်တတ်သည်။

မနာကျင်စေတော့ပါဘူး ကလေးငယ်ရယ်။
မင်းနာကျင်ရင် ကိုယ့်ရင်ဘတ်ထဲက အကောင်က မင်းထက် အဆပေါင်းများစွာ နာကျင်ငိုကြွေးရတယ်။

ဟင့်! *

အတွေးလွန်နေတုန်း အနောက်ဘက်က ရှိုက်သံကြားလိုက်တော့မှ အတွေးတွေ ပြန်အနည်ထိုင်သွားရင်း အနောက်ကို အလန့်တကြားလှည့်ကြည့်လိုက်မိသည်။

လွန်း!

ဖုန်းကိုကိုင်ထားရင်း မျက်လုံးတွေနီရဲကာ၊ အံကိုကြိတ်ရင်း မျက်ရည်မကျအောင်၊ ရှိုက်သံမထွက်အောင် ထိန်းချုပ်နေသည်။