" ستبقى دائما و أبدا الجزء الأجمل فى قلبى ... ❤ "
داكش : دلوقتى اللى فهمته ان انيكا عايشه مش مايته زى ما قولتلنا و ان انتوا مسافرين تجيبوها و تيجوا معنى الكلام داه انك عارف مكانها
كيلانى : لا .. بس هسافر ل الراجل اللى بعتها ليه و هشوفوا عمل فيها ايه او اداها لمين .. المهم انى هرجعها ب أى تمن
تيا ب غيط : اشمعنى دلوقتى
راجينى ب غيرة : صح اشمعنى دلوقتى يا جدو
كيلانى : عايز ارجع حفيدتى ل حضنى تعوضنى عن ابنى يمكن ذنبى يقل عايزها تسامحنى
تيا : مش يمكن تكون مات...
قاطعها شيفاى : اوعى تقولى الكلمه دى انيكا لسه عايشه انا متأكد
جانفى ب دموع : يا حبيبتى ية بنتى جرالك كل داه
بينكى : مش قادرة اصدق مش قادرة
جلس شيفاى وسطهم و مسك أيديهم
شيفاى : اوعدكم بكره هترجع انيكا وسطينا و نعوضها عن كل اللى فات
بينكى : ترجع بس لحضننا
جانفى : انا متأكدة انها هترجع شيفاى واعدنا انا واثقه فيه
أبتسم شيفاى
كيلانى : سامحونى ياريت تسامحونى كلكوا
تيا : جدو انت معملتش حاجه غلط عشان تعتذر و اكيد اللى عمتله كان ف مصلحه الكل
كيلانى : ربنا يسامح الكل
صعد شيفاى بغضب إلى غرفته و تبعه الكل تبقى كيلانى و كابير
كابير : ليه يا عمى ليه
كيلانى : عشان ندمت
كابير : مكنش كلامك من سنين
كيلانى : السنين بتعلم و تفوق
صعد كيلانى و تبقى كابير
كابير ب غل : مش هيحصل مش بعد السنين دى انا متدبستش ف الجوازة دى عشان مخدش حاجه هخلص على الكل واحد واحد و اهو اللى اسمها انيكا دى تيجى عشان تاخد اللى فيه النصيب و ميتبقاش حد نهائى غيرى
و ضحك ب شر
_______________________________
بعد عدة أيام فى مصر
امينه : براحه يا دكتور
الدكتور : متقلقيش يا مدام متخوفيهاش مفيش حاجه لكل داه
شيتال : لا لا انا مش خايفه يا دكتور
الدكتور : شطورة يا كتكوته
شيتال ب خفوت : كتكوته ف عينك يا بعيد
الدكتور : بتقولى حاجه يا كتكوته
شيتال ب خفوت : بردو هيقولى كتكوته اقوم اضربه على وشه الراجل داه
امينه : لا يا دكتور بس هى مبتحبش كلمه كتكوته دى
الدكتور : اوه مكنتش اعرف سورى قمورة
شيتال ب خفوت : هو بيكلم بنت اخته ايه داه دكتور معندوش ذوق
جاوبت امينه بعدما طال صمت شيتال : و لا يهمك يا دكتور
اكمل الدكتور شغله فى فك جبس شيتال
الدكتور : مبروك يا قمورة و ابقى خدى بالك من نفسك بقى بعد كده
ساعدها على الوقوف و اعطاها حلوى
الدكتور : اتفضلى دى يا قمورة
شيتال ب خفوت : هيقولى قمورة تانى بس مش مشكله فدام فيها مصاصه
امينه : مكنش له لزوم يا دكتور هى كبرت على الحاجات دى
الدكتور : و لا تعب و لا حاجه و بعدين كبرت ايه دى لسه صغيرة
امينه : صغيرت ايه يا دكتور ... هو حضرتك فاكر عندها كام سنه ؟
الدكتور ب استغراب : متكملش 10 سنين او 11 سنه
امينه : لا يا دكتور عندها 17 سنه
الدكتور ب صدمه : افندم
امينه : ايه حضرتك استغربت كده ليه
الدكتور بعدما تدارك نفسه : انا اسف بس ميبنش عليها .. انا اسف يا انسه بس فعلا مكنتش اعرف
شيتال : لا لا حضرتك مش محتاج تعتذر اكيد حضرتك مكنتش تعرف .. حصل خير
امينه : تمام يلا بينا .. شكرا يا دكتور
الدكتور : العفو على ايه داه واجبى
رحلت امينه و معاها شيتال
الدكتور ب صدمه : دى عندها 17 سنه يالهوى .. بس ايه قمر بنت الايه
عند شيتال و امينه
شيتال ب ضحك : انا مسكت نفسى بالعافيه عن الضحك على منظر الدكتور
امينه ب ضحك هى الأخرى : بس بقى عيب
شيتال : مش قادرة منظرة لما عرف ان عندى 17 سنه مسخره
امينه ب ضحك : يا لهوى 10 سنين ايه اللى عندك
شيتال : هنروح فين دلوقتى
امينه : هنروح ناكل و بعدين نحلى عازماكى بمناسبه فك الجبس
شيتال : يا لهوى يا جدعان اكل و تحليه مره واحده داه الواحد يتجبس كل يوم على كده
امينه : بعد الشر ربنا ما يكررها
شيتال : امين
_______________________________
فى الهند
فى مكتب القصر
شيفاى : عرفت توصل للى اسمه كيفن داه
كيلانى : مش عايز يرد عليا بس كابير او روهان عارفين مكانه ف فرنسا
شيفاى : يعنى وجهتنا الاولى فرنسا
كيلانى : بالظبط
شيفاى : انت تعرف العنوان محدش هيجى معانا انا و انت بس
كيلانى : اشمعنى
شيفاى : مش شغلك كويس انى واخدك معايا اصلا
كيلانى ب حزن : طيب .. روح احجزلنا على اول طيارة طالعه على فرنسا و رتب الدنيا عقبال ما اخلى حد يجهزلنا الشنط
شيفاى : ملكش دعوه بيا ياريت بعد كده لما تتكلم اتكلم عن نفسك و بس
كيلانى : براحتك
رحل شيفاى تاركا كيلانى وحيدا
كيلانى فى نفسه : استفدت ايه بكل اللى عملته داه مستفدتش حاجه بالعكس خسرت .. خسرت كتير اوى .. يا ترى عامله ايه يا حفيدتى ارجعى لحضنى ارجعى لمكانك .... يتبع
رأيكوا ؟! 🌚❤
تتوقعكوا ايه اللى جاى ؟
أنت تقرأ
عذاب حبك 💔
Romanceهل يمكن لحادثة أن تغير حياة الكثير ؟! هل يوجد أهل تكره السعادة لأبنائها ؟! هل يوجد سبب يجعل الأهل تقسى على أولادها ؟! هل .. هل .. هل .. هناك أسئلة كثيرة البعض لها إجابة و البعض لا و لكن الأكيد أن من يتحمل ذنب الأهل الأطفال ...💔