" و كأنها دعت الله أن لا تفارق عقلى ...
و جميع سكان العالم رددت أمين !!💔💤 "
فى مطار القاهرة الدولى
كيلانى : كيفن بعتلى رسالة بيقولى أن اللى أسمة محمد ساهر داه ناوى يرجع القاهرة أنهاردة بدل بكرة
شيفاى ب لهفة : بجد
كيلانى : بجد و كمان كيفن قالى أنة أخدلنا معاة معاد أنهاردة بليل بس معرفهوش الموضوع قالى أنة قاله أن فى ناس عايزاه ف موضوع مهم
شيفاى ب توتر : كويس
كيلانى : طب فدام كويس أنت متوتر لية
شيفاى : متوتر لأنى مش هستحمل أسمع حاجة أسوء من اللى سمعتها ، بس تعرف قلبى بيقولى أنها هنا انا نفسى أسمع جملة أيوة هى موجودة هنا هبقى فرحان عشان بس بتنفس أنا و هى نفس النفس من نفس البلد ، أنا مش قادر أستنى اليوم اللى هشوفها فية قدامى .. أنا وجعى أنها مش هتفتكرنى داه أكبر وجع من مجرد كلام إنما بقى لو شوفتها قدام عينى و مش عارف أجرى عليها و أخدها ف حضنى عشان هى مش فكرانى ، مجرد التفكير وجعنى لما يحصل بقى أنا هتقتل ألف مرة ف الثانية .. بس يكفينى حاليا أنى أشوفها و أملى عينى منها و أطمن أنها بخير الأول و بعدين أنا هرجعها ليا بطريقتى
كيلانى : هترجع .. هضحى بكل حاجة عشان ترجع ...
_______________________________
فى مصر خاصا فى بيت عمر
عمر : يا بابا مش كنا قاعدنا كام يوم تانى البحر كان حلو اوى
أب عمر : معلش يا بنى عندى شغل أوعدك فى إجازة نصف السنة هأخدك و نسافر الحتة اللى أنت عايزاها الإجازة كلها أية رأيك
عمر : إذا كان كدة ماشى كلها كام شهر
أب عمر : أنا لازم أمشى دلوقتى عشان هروح المستشفى أشوف العمليات المتأجلة و أشوف المرضى
عمر : تمام يا بابا ربنا معاك
نظر أب عمر ل عمر نظرة فرح و فخر .. نعم لقد تغير عمر كثيرا فى آخر فترة ، فكر أب عمر لسبب هذا التغير و لم يجد سوى كلام شيتال فشكرها كثيرا ف نفسة ...
عمر : بقولك أية يا بابا
أب عمر : قول
عمر : ممكن بعد معاد المدرسة إنهاردة أكلم صحابى و نخرج
أب عمر : معنديش مشكلة طبعا بس ...
قاطعة عمر : عارف انت عايز تقول أية متقلقش أنا و على بعدنا تماما عن مرام و هنا أحنا هنخرج مع شيتال و أصحابها
أب عمر : طب تمام أنا كده مرتاح سلام أنا بقى
و رحل أب عمر إلى عملة ....
_______________________________
فى أحد الفنادق المطلة على النيل فى مصر
《 عرفت الحب لأول مرة فى حياتى ، إنه كالموت تسمع عنه كل حين خبرا و لكنك لا تعرفه إلا إذا حضر ، و هو قوة طاغيه ، يلتهم فريسته ، يسلبه أى قوة دفاع ، يطمس عقلة و إدراكه ، يصب الجنون فى جوفه حتى يطفح به ، إنه العذاب و السرور الانهائى ... 》
كانت هذة كلمات التى كتبها شيفاى فى دفتر يعبر عن ما يشعر بة و فى أول الدفتر نجد صورة لها و كتب فى أول صفحة من صفحات الدفتر 《 حبك اسر قلبى ....
فلا محب بقلبي غيرك ....
و لا اسير اسرنى سواك ....
أنيكا ❤ 》
كان يجلس شيفاى فى شرفة الغرفة أمام النيل و الغروب و يفكر بها ، مجرد أنها تشاركة نفس النفس من نفس البلد هذا يسعده أخذ نفس كأنه يشم نفسها قاطع تفكيرة أتصال من عمة تيج ف رد
شيفاى : أزيك يا عمى
تيج : أنا الحمد لله أنتوا عاملين أية وصلتوا
شيفاى : أيوة وصلنا
تيج : طب الحمد لله ، شيفاى أمك و جانفى عايزين يكلموك عشان قلقانين عليك من إمبارح يا بنى
شيفاى : أفتح الإسبيكر يا عمى
فتح تيج الإسبيكر
بينكى : كده يا بنى مترنش عليا خالص و تقلقنى عليك
شيفاى : صدقينى غصب عنى يا أمى اليومين اللى فاتوا كانوا صعبين عليا أوى و إمبارح بليل ركبنا الطيارة و وصلنا إنهاردة
جانفى : عامل أيه يا حبيبى بتاكل كويس
أتى أدى و رودرا و أومكارا و راجينى و تيا
رودرا : الله الله يا ست ماما يعنى بتسألى على الراجل اللى بعيد عنك و ابنك مبتسأليش علية إذا كان كل و لا لا يعينى عليك يا رودرا
جانفى : خلصت الدراما بتاعتك
رودرا : أحم أحم أيوة
أومكارا : سيبك منة يا ماما ، شيفاى عامل أية
شيفاى : أنا الحمد لله أنتوا عاملين أية و الشغل ماشى تمام و لا فى حاجة
أدى : الشغل ماشى تمام يا بوس متقلقش أنت طمنا وصلتوا لحاجة
شيفاى ب تنهيدة : المفروض إنهاردة الساعه 8 بليل بتوقيت مصر طبعا هنقابل الشخص اللى المفروض يدلنا عليها
رودرا : بإذن الله توصلولها و ترجعولهنا بالسلامة
شيفاى : مش بالسهولة دى يا رودرا
تيج : فى أية يا شيفاى أنت مخبى علينا حاجة
سكت شيفاى لا يعلم هل يخبرهم بما حدث لأنيكا أم يسكت
أدى : شيفاى متقلقناش قول مخبى علينا أية
جانفى : البت جرالها حاجة
تيا ب خفوت : ياريت ربنا ياخدها
شيفاى : أهدوا كل الحكاية إن ...
حكالهم شيفاى كل ما قالة كيفن لهم
أومكارا ب صدمة : يعنى أية
أدى : واضحة يا أوم كهربوها عشان تفقد الذاكرة
رودرا : أنتوا عارفين داه غلط إزاى على طفلة أدعوا أنها تكون عايشة
أنتبه شيفاى ل كلام رودرا
شيفاى : قصدك أية يا رودرا
رودرا : مش قصدى أخوفك بس الصدمات دى ليها جوانب سلبية أكتر من جوانب إيجابية على الأطفال بالذات حتى لو مسببش ليهم ضرر فى الصغر ممكن لو حاولت تفكرها ب حاجة أو حتى تصدمها داه هيبقى له أثر جانبى سلبى
شيفاى : زى أية
رودرا ب تنهيدة : لقدر الله ممكن تدخل فى غيبوبة متقومش منها و لو قامت منها بتبقى مشلولة
أنصدم شيفاى من كلام رودرا كثيرا إن كان من الصعب رجوعها ف بات رجوعها الآن مستحيل و لكنه لن يستسلم .... يتبع
رأيكوا ؟! 🌚❤
توقعاتكوا ؟
تفتكروا مين هو محمد ساهر ؟
أنت تقرأ
عذاب حبك 💔
Romanceهل يمكن لحادثة أن تغير حياة الكثير ؟! هل يوجد أهل تكره السعادة لأبنائها ؟! هل يوجد سبب يجعل الأهل تقسى على أولادها ؟! هل .. هل .. هل .. هناك أسئلة كثيرة البعض لها إجابة و البعض لا و لكن الأكيد أن من يتحمل ذنب الأهل الأطفال ...💔