" لكل فعل ردة فعل ، لسنا مجانين لنتغير فجأة ... "
《 هل يمكن للمرء ان يكون ميتا بينما هو يتنفس ....
هل يمكن ان تتوقف دقات قلبه دون انذار لينتظر صاحبه .. الموت دون أن يناله .... 》
كانت هذة الكلمات التى كانت تدور فى ذهن شيفاى قطع تفكيره صوت نداء يعلن عن وصولهم اراض باريس
شيفاى : اصحى خلاص وصلنا يا جدى
كيلانى : انا صحيت اه...
توقف عن الكلام فجأة و قال
كيلانى : انت قولت ايه
شيفاى : قولتلك اصحى عشان وصلنا
كيلانى : يا ايه ناديتنى ب ايه
شيفاى : كيلانى
كيلانى : لا انت قولت يا جدى صح انا سمعتك و انت بتقولى يا جدى
قالها كيلانى ب حماس رهيب فاجئ شيفاى
شيفاى : انا مبنديكش كده يبقى ازاى سمعتها و بعدين ليه محسسنى انك عايز تسمعها منى اوى كده
كيلانى : طبعا انت اول احفادى و ابن شاكتى الله يرحمه ابنى الغالى
شيفاى : طول عمرك بتفرق ما بين ولادك و احفادك وش وف آخرتها وصلتنا ل ايه .. عموما مش مهم داه دلوقتى ياريت تربط حزام الامان عشان خلاص وصلنا
كيلانى : معاك حق انا قصرت ف حق ناس كتيره اوى من عيلتى بس انا ناوى اصلح كل حاجه هتساعدنى
شيفاى : لو نيتك سليمه و فعلا ناوى تتغير و تصلح كل حاجه هتلاقى معاك و يمكن لو اتغيرت اقدر اسامحك و ارجع اناديك زى ما انت عايز
كيلانى ب امل : هتغير و هصلح كل حاجه اوعدك
شيفاى : تمام يلا اربط حزام الامان
كيلانى : تمام
تهجزوا ل نزول الطائرة فى أراضى باريس عاصمه فرنسا
_______________________________
فى مصر
فى فيلا عمر على طاولة الفطور
عمر : بابا انا اسف
اب عمر : على ايه
عمر : على حاجات كتيرة اوى اولهم انى بعدت عنكم و صاحبت ناس متستهلش
اب عمر : ايه اللى غيرك فجأة كده .. و لا يمكن تكون تمثيليه جديدة من تمثيلياتك
قال آخر جمله ب سخريه
عمر : عارف انك مش مصدقنى بس هحاول ارجع ثقتك فيا تانى انت و ماما و هركز على دراستى و هجيب مجموع السنه الجايه و هرفع رأسك
ام عمر : و ايه بقى التغير المفاجئ داه ايه بين يوم و ليله فوقت ل نفسك
عمر : التغير داه بسبب كلام حد فوقنى
اب عمر ب تساؤل : مين بقى ان شاء الله متقوليش اللى اسمها هنا دى عشان لايمكن اصدقك
عمر : لا مش هنا اصلا انا و على قطعنا علاقتنا بيهم عشان عموا موضوع كده مش حلو نهائى
ام عمر : عملوا مصيبه ايه
عمر : انت عرفتى منين انها مصيبه
ام عمر : بصراحه ميجيش من وراهم غير المصايب
اب عمر : دلوقتى انا عايز اعرف ايه المصيبه اللى حصلت و مين اللى فوقك
عمر ب تنهيدة : حاضر اولا اللى فوقتنى هى .. شيتال
اب عمر ب استغراب : شيتااال .. ازاى و لا انت بطقها و لا هى بطيقك
عمر : عارف انكم مستغربين بس داه اللى حصل و على العكس تماما هى مش مش بطقنا هى بتحاول تبقى بعيدة عن مشاكل هنا و مرام
ام عمر : قالتلك ايه او اتقابلتوا فين اصلا و امتى
عمر ب ضحك : لو ادتينى فرصه هجاوبك
ام عمر : بقالى فتره مشوفتكش بتضحك كده وحشتنى ضحكتك
عمر ب ابتسامه : متقلقيش هتلاقينى بضحك على طول بعد كده و هرجع لحضنكوا تانى .. المهم هحكيلكوا كل حاجه من الاول
اب عمر : سامعينك
عمر : امبارح سمعت ان شيتال و اصحابها خارجين و كان ف اليوم داه عرفنا المصيبه اللى عملوها هنا و مرام
ام عمر : ايه هى المصيبه
عمر : هحكيلك
و حكى لهم عمر عن اتفاق مرام و هنا على زق شيتال من على السلم و لكن لم يحدث لها شئ سوى كسر رجلها
اب عمر : مش قولتلك اكيد المصيبه دى وراها حد تبع ابنك
عمر : و انت عرفت منين يا بابا انها اتكسرت ؟
اب عمر : هقولك بعدين بس سؤال انت تعرف حاجه او ليك دخل ف الموضوع داه ؟
عمر : صدقنى ابدا حتى لما عرفنا انا و على قطعنا علاقتنا بيهم و كمان لما عرفنا مكان شيتال و اصحابها رحنالهم و كلامها فوقنى
ام عمر : قالتلك ايه
اب عمر : انا عايز اعرف التفاصيل
عمر : هحكيلكوا ...
فلاش باك
شيتال : و اخيرا الاسبوع خلص
طارق : كان اسبوع ممل اوى
آسر : بقولكوا ايه انا جعان يلاااا
ندى : انت اول ما وصلنا بتدور على الاكل
شيتال : مش لوحده على فكره انا كمان جعانه
منه : انا نفسى افهم الاكل اللى بتاكليه داه كله بيروح فين داه انتى ارفع واحده فينا
شيتال : هنقر و لا ايه كفايه حسد يا وليه
منه : بس يا ماما
سرين : بس يا بت انت و هى و يلا عشان انا كمان جعانه
شيتال : بما ان الاغلبيه جعانين ف هنروح ناكل الاول و اتجهوا الى مكان الاكل
و فى طريقهم نده عليهم عمر و على
ف التفتوا إليهم
تامر : اعوذ بالله
على : ايه شوفت عفريت
تامر : لا و انت الصادق شيطان
عمر : على تامر ممكن تهدوا
تامر : لا و الله و انت اللى هتقولى اعمل ايه
عمر : لوسمحت انا مش جى اكلمك انا جى اكلم شيتال
آسر : افندم روح العب ف حته تانيه يا شاطر
شيتال : آسر تامر ممكن تهدوا و تستنوا و نسمع هما عايزين ايه عشان شكل الموضوع بجد
وجهت كلامها ل عمر
شيتال : قول اللى عندك
عمر : اولا احنا حابين نعتذرلك
شيتال ب استغراب : تعتذروا !! .. على ايه
على : على كسر رجلك
شيتال : و انتوا مالكوا
عمر : مرام و هنا هما السبب
شيتال : طب ما انا عارفه ايه الجديد
على ب صدمه : عارفه .. طب ليه لما سألوكى قولتى انك متعرفيش
شيتال : عشان مش عايزة اعمل مشاكل
عمر : احنا اسفين بس بجد احنا مكناش نعرف
طارق : وحياة امك منك ليه فاكرنا هنصدقكوا يعنى
شيتال : طارق لوسمحت ممكن تصبر .. تمام انا قابلة اعتذاركوا .. فى حاجه تانى
عمر : بصراكه ايوه
شيتال : ايه تانى
عمر : احنا قطعنا علاقتنا ب مرام و هنا و دلوقتى احنا ملناش حد ينفع تقبلوا تكونوا صحابنا
آسر : لا عرفتوا الجواب يلا من هنا بقى
على : ممكن تسمعونا
تامر : سمعناكوا و اظن كده كفايه
شيتال : ممكن طب تسيبونا ٥ دقايق
على و عمر : طبعا
و بعدوا قليلا عن تجمعهم
شيتال : ينفع اللى عملتوه داه
آسر : شيتال مستمعيش كلامهم اكيد دى لعبه و ...
قاطعته شيتال : آسر انت متعرفش النوايا و بعدين باين ف عنيهم اوى صدقهم
سرين : بصراحه انا مع شيتال باين اوى حزنهم و صدقهم
طارق : بصراحه انا كمان معاكوا
شيتال : عايزين رأى .. تعالوا نديهم فرصه
منه : انا رأى شيتال
طارق : و انا كمان
سرين : و انا كمان
ندى : و انا
و مروه : انا مقلقه شويه بس معاكوا
شيتال : مش لوحدك بس احنا بنقول فرصه الانسان مش ملاك كلنا بنغلط بس لازم ندى فرص لبعض
آسر : مع انى مش مقتنع بس انا بقول يا تامر خلينا نسمع كلام شيتال عمرها ما قالت حاجه غلط
تامر : بس انا مش بطيقهم
آسر : و لا انا بس احنا اللى هنخسر لو رافضنا
اقتنع تامر قليلا
تامر و آسر بعد تفكير عدة ثوانى
تامر و آسر : تمام بس لو حصل اى حاجه م...
شيتال : لو حصل حاجه هتلاقينى انا اللى وقفتلهم اول واحده تمام
الكل : تمام
نادت عليهم شيتال
شيتال : بصراحه احنا وافقنا نديكوا فرصه بس لو حصل حاجه ضايقت حد فينا مش هيحصل كويس
عمر ب فرحه : متقلقيش احنا ناويين نتغير
على ب فرحه لا تقل عن عمر : متخافوش مش هتندموا
طارق : ياريت
شيتال : طب يلا بقى عشان انا مت من الجوع
سرين : و انا كمان يلااا بقى
ذهب الكل الى الاكل
و كل واحد بقى يحكى ما حدث معه فى الاسبوع
حتى ما بقى سوى عمر و على
ندى : دلوقتى دور واحد فيكوا
على : ف ايه بالظبط
ندى : انه يحكى حصل ايه معاه ف الاسبوع مواقفه مع عيلته كل حاجه
عمر : انا مش بقعد مع عيلتى نهائى
شيتال : ازاى ؟
عمر : عادى يعنى و لا انا و لا على قريبين من عيلتنا
شيتال : ثانيه واحده يعنى مثلا مش بتخرجوا يوم مع العيله يوم مخصص ف الاسبوع مثلا او حتى تنزلوا تجيبوا حاجه مع امك او ابوك او...
قاطعها على : مفيش حاجه من دى حتى الاكل مش بناكل معاهم
شيتال : انتوا اكيد بتهزروا انتوا عايشين ازاى من غير عيله .. العيله دى اهم حاجه عيلتك اول ناس هتفرحلك فى نجاحك ف فرحك .. اول ناس تزعل ل زعلك و حزنك و يحاولوا يخرجوك من حزنك .. انتوا من غير عيله مش عارفين معنى السعادة متقولوليش ان الصحاب كفايه لا مش كفايه .. ان يبقى عندك ولاد خاله مثلا دول اخواتك هتلاقيهم ف ظهرك اذا كانوا صغيرين او كبار .. انتوا مضيعين سعادتكوا و انتوا بعاد عن عيلتكم .. مفكرتش لحظه ايه شعورهم و ابنهم بعيد عنهم مفكرتش بيحسوا ب ايه مفكرتش نفسهم ف ايه .. بعد الشر افرض حد منهم راح منك يارترى ايه شعورك و انت مثلا أمك راحت و هى غضبانه عليك او حتى ملحقتش تحضنك عارف الندم سعاتها ازاى قربوا من عيلتكوا يمكن هما بعاد و سايبنكوا على راحتكوا ليه انتوا اللى متقدموش على الخطوة الاولى ...
بعد انتهائها من كلامها نظرت لهم وجدت الكثير من .. الندم و الحزن و الكثير و الكثير من الأسئلة
شيتال : انا شايفه أسئله كتيرة اوى ف عيونكوا ليه متروحوش و تسألوها ل عيلتكوا انتوا بعدتوا ليه .. سيبتونى ليه اغرق .. اللى انتوا فيه داه اسمه غرق استنجدوا ب عيلتكوا هتلاقوهم اول ناس تنقذكوا صدقونى
عمر : معاكى حق انا بعدت عن اهلى و كسرتهم اوى
و تذكر عمر كل المواقف اللى زعق ل ابوه فيها و ضايق امه و كلامهم بيرن ف ودانه
على لم يقل عن عمر
على ب سرحان : فعلا بعدت اوى
شيتال : على اظن ان عندك اخت صغيرة صح
على : صح
شيتال : انت عارف الاخت او عموما الاخ الاصغر بيشوف الاخ او الاخت الكبير ازاى
على : ازاى
شيتال : قدوه .. ايوه انت قدوتها يعنى هتلاقى علاقتك ب عيلتك هى هى علاقت اختك بيهم لانها شايفاك و بتقلدك عشان انت قدوتها روح البيت هتلاقيك شوفت نفسك ف اختك و شوف انت راضى عن داه و لا لا
صمت الاثنين ب ندم و خجل و مشاعر كثرة
سرين : احنا مش محتاجين نتكلم بعد كلام شيتال لان احنا كنا زيكوا ف يوم من الايام و بردو شيتال هى اللى انقذتنا .. اسمعوا كلامها عشان متخسروش اكتر ما خسرتوا و اعتبروا ان دى بدايه ليكوا من تانى و ابدئوا صفحه جديدة من تانى مع عيلتكوا ... الكلام داه مش كلامى
عمر : امال كلام مين ؟
سرين : شيتال
عمر : انا حابب اشكرك على حاجات كتيرة اوى .. شكلنا اخدنا اول خطوة صح و هى ان احنا قربنا منكوا .. انا همشى دلوقتى
على : و انا كمان
شيتال : ازاى احنا لسه ف بدايه الخروجه
عمر : تتعوض بس دلوقتى لازم نصلح اللى احنا عملناه
على : عمر معاه حق .. كلموا انتوا يومكوا بس لازم تتعوض الاسبوع الجاى
شيتال : خلاص براحتكوا و اكيد لما تكونوا فاضيين قولوا و نخرج و لما نروح هنضيفكوا ف الجروب بتاعنا اشطا
عمر و على : اشطا
رحل عمر و على
على : احنا غلطنا ف حق نفسنا و عيلتنا اوى
عمر : فعلا و غلطنا الاكبر هى صحوبيتنا ب مرام و هنا .. انا مش قادر اصدق انى كنت ف وهم كبير اوى
على : الحمد لله فوقنا منه
عمر : انا لازم ارتب افكارى و اصلح كل حاجه
على : و انا كمان
باك
عمر : دى كل الحكايه
ام عمر : انا مش قادرة اصدق
اب عمر : عايز أقولك انك اخدت القرار الصح و انا و امك معاك و ف ظهرك دايما
ام عمر : بقولك ايه يا حبيبى ما تعزمهم على الغداء انهاردة عايزة اشكرها بنفسى انها رجعتلى ابنى
اب عمر : و انا كمان فكره حلوة
عمر : انهاردة مش هينفع اللى عرفته ان شيتال بتقضى انهاردة مع عيلتها ممكن بكره هشوفهم فاضيين لو كده هقولهم و يجوا
ام عمر : تمام بس متنساش
عمر : مش هنسى .. انتوا مسامحينى
اب عمر : عمرنا ما زعلنا منك عشان نسامحك احنا كنا زعلانين عليك بس خلاص دلوقتى كل حاجه رجعت ل طبيعيتها .. ايه رأيكوا نخرج احنا التلاته سوا انهاردة
عمر : اكيد طبعا
ام عمر : فكره حلوه طبعا اكيد
و قضى عمر اول يوم مع عيلته ب مرح و ضحك و رجعوا عليه طبيعيه و كل من ام و اب عمر يشكوا شيتال ف سرهم و يدعون لها و يحسدوا عيلتها عليها ... يتبع
رأيكوا ؟! 🌚❤
توقاعتكوا ايه ؟
أنت تقرأ
عذاب حبك 💔
Romanceهل يمكن لحادثة أن تغير حياة الكثير ؟! هل يوجد أهل تكره السعادة لأبنائها ؟! هل يوجد سبب يجعل الأهل تقسى على أولادها ؟! هل .. هل .. هل .. هناك أسئلة كثيرة البعض لها إجابة و البعض لا و لكن الأكيد أن من يتحمل ذنب الأهل الأطفال ...💔