The Love Of Mine
ဇာလိုက်ကာပါးကိုဖြတ်ကျော်ပြီးမျက်လုံးပေါ်ဖြာကျလာတဲ့နေရောင်တို့ကြောင့် Jungkook စောစောနိုးလာခဲ့သည် အလုပ်နားရပ်မို့လဲအေးဆေးအိပ်မည်စိတ်ကူးသော်လည်းကျင့်သားကျနေသောမျက်လုံးနဲ့အလိုက်မသိတဲ့နေရောင်တို့ကြောင့်ဆက်အိပ်မရ ရင်ခွင်ထဲကအကောင်ပေါက်လေးကတော့ တရှူးရှူးနဲ့အိပ်မောကျနေဆဲ မျက်လုံးမှိတ်ထားတဲ့အခါ မျက်တောင်စင်းစင်းတို့ကခပ်စိတ်စိတ်လေးကော့ညွတ်လို့ နှာတံပေါ်ကမှဲ့လေးကလဲ ချစ်စဖွယ် ဘယ်သူကများ ပြစ်မျိုးမှဲ့မထင်ဆိုတဲ့စကားကိုထွင်ခဲ့ပါလိမ့် သူတို့အပြစ်မျိုးဟုသတ်မှတ်တဲ့မှဲ့လေးကိုတောင် ဒီကကောင်ကချစ်မဝ....
ဘာမှမလိမ်းမခြယ်ပဲတောင်လှရက်လွန်းတဲ့ Taeကမပြုစားလဲခဏခဏကြွေရစမြဲ ဒီလိုအလှလေးကိုမနက်နိုးထတိုင်းမြင်တွေ့ခွင့်ရတာနည်းတဲ့ ကုသိုလ်ကံလား ကျွန်တော်အရင်ဘဝကနိုင်ငံတော်ကိုများကယ်တင်ခဲ့လေသလား အခုလဲ ကိုယ့် T shirtပွပွကိုယူဝတ်ကာညအိပ်ဝတ်စုံလုပ်ပစ်သောကလေးက Jeon အနံ့လေးကိုကြိုက်လို့တဲ့လေ အဲ့လိုချွဲသေးတာ
ကျွန်တော့်အိမ်ကိုအပြီးတိုင်ခေါ်ခဲ့သည့်နေ့ကစ၍တစ်ပတ်အတောအတွင်း ချစ်စရာအချွဲလေးဖြစ်လာသည် အင်းလေ သူ့မှာတွယ်တာစရာကိုယ်ပဲရှိတာကို မိဘနှစ်ပါးလုံးကားမှောက်လို့တိမ်းပါး ကံအနည်းငယ်ပိုကောင်းရှာတဲ့ Taeလေးကတော့အသက်မသေပေမယ့်မျက်ကြည်လွှာထိခိုက်ကာ မျက်စိအလင်းမရရှာတော့ ဒီလောက်သနားဖို့ကောင်းတဲ့ကလေးကိုကံကြမ္မာကမျက်နှာသာမပေး အဒေါ်နှိပ်စက်သမျှခံရပြီးအရင်တစ်ပတ်ကလိုပါ ကြောက်စရာအခြေအနေကကြုံရသေး Taeပစ္စည်းတချို့နဲ့ Tannieလေးကိုသွားခေါ်သည့်နေ့ထဲက Taeအဒေါ်ကိုအပြတ်ပင်ပြောခဲ့သည် Taeလေးတစ်သက်တာကိုသူသာစောင့်ရှောက်တော့မည်ဟု မပူပါနဲ့တော့ ကလေးရယ် ကိုယ်ရှိနေသရွေ့ဘယ်သူမှအနိုင်မကျင့်စေရတော့ဘူး
မနက်စာပြင်ဖို့အသာထပြီးနဖူးလေးကိုဖွဖွနမ်းတော့ အအိပ်ဆတ်တဲ့ ကလေးမှာချက်ချင်းနိုးလာသည်
"ဟင့် Jeon နိုးနေပြီလား ဘယ်သွားမလို့လဲ"
"Tae လေးအတွက်မနက်စာပြင်မလို့လေ ကိုယ့်ကြောင့်နိုးသွားတာ ကလေးလေး ပြန်အိပ်ဉီးလေ"
