(Unicode)
"မောင်ပြောသလိုဆိုရင် ဦးငယ်လည်းသနားပါတယ်နော်"
ကိုသူရရဲ့ပြောပြချက်တချို့ကိုပြန်ပြောပြမိတော့ စိတ်မကောင်းသလိုမျက်နှာလေးကမှိုင်းညှို့ညှို့။အေမီမပြောနဲ့ ပြယုဂ်ကိုယ်တိုင်လည်းစိတ်ထဲမကောင်းပါ။ဘယ်မိဘကသားသမီးကိုမချစ်ဘဲရှိပါ့မလဲ။
ထိုသို့တွေးမိသည်နှင့်တပြိုင်နက် ပြယုဂ်ဖေဖေ့ကိုသတိရသွားမိသည်။ ဖေဖေ့ဆီသွားမယ်လို့တွေးထားပေမဲ့ရှုပ်ထွေးလှတဲ့ပြဿနာတွေကြောင့်မသွားဖြစ်သေး။
တကယ်ဆို ဖေဖေကဂရုစိုက်ဖို့အချိန်မပေးခဲ့တာကလွဲရင် ပြယုဂ်ကိုလိုလေသေးမရှိထားခဲ့တာအမှန်။ ပြယုဂ်ကိုယ်တိုင်ကသာ ဖေဖေ့အမျိုးတွေကိုစိတ်ပျက်ပျက်နဲ့နေချင်သလိုနေခဲ့တာ။ ဘာပဲဖြစ်ဖြစ် လူငယ်တွေကအရင်လျှော့ခဲ့သင့်တယ်မလား။
အခုလောလောဆယ်တော့ ဦးငယ်တို့ရဲ့ပြဿနာကိုဝိုင်းဖြေရှင်းပေးချင်ပါသေးသည်။
"အရမ်းစိတ်မညစ်ပါနဲ့ ဒီအကြောင်းတွေမောင်အေမီ့ကိုပြောပြတယ်ဆိုတာဝမ်းနည်းစေချင်လို့မှမဟုတ်တာ တခြားအကြောင်းအရင်းကြောင့်..."
သူ့အပြောကြောင့်အေမီကမှိုင်းညှို့နေရာမှ မျက်ဝန်းတောက်တောက်လေးတွေနှင့်ကြည့်လာသည်။ ထိုသို့ချစ်စဖွယ်အမူအရာလေးကြောင့် ပြယုဂ်အသည်းယားကာအေမီ့ပါးလေးနှစ်ဖက်ကိုဖျစ်ညစ်လိုက်တော့၏။
"အား မောင်အသည်းယားလာပြီ အေမီလေးရယ်"
အိစက်နေတဲ့ပါးပြင်လေးနှစ်ဖက်ကဂျုံနယ်နေရသလို ပျော့ပျော့အိအိလေး။
"အွန့် မောင် လွှတ် ငါနာနေပြီ"
အားပါသွားတဲ့ပြယုဂ်ရဲ့အသည်းယားမှုကြောင့် အေမီကဝူးဝူးဝါးဝါး မပီမပြင်အသံလေးနဲ့ရုန်းကန်လာ၏။ လှုပ်စိလှုပ်စိနှုတ်ခမ်းပါးလေးကစတွေ့ကာစတုန်းကလို ပြယုဂ်ရဲ့စိတ်ကိုညို့ငင်နိုင်စွမ်းရှိနေဆဲပင်။ ဖြူသွယ်သွယ်လက်ချောင်းလေးတွေကပြယုဂ်ရဲ့လက်ဖျံကြီးကြီးပေါ်သို့ တဖျက်ဖျက်ရိုက်ကာလွှတ်ပေးရန်အချက်ပြလာတာကြောင့်ပြယုဂ်လည်းလွှတ်ပေးလိုက်တော့သည်။
YOU ARE READING
Proof Of Love
Romanceအာဏာပြယုဂ်+အေမီမင်းမြတ် ဘုန်းမီးနေခ+လွှမ်းဒီရေလှိုင်း They proved that their love is true❤ Stard Date-25.9.2021 End Date-6.12.2021 အာဏာျပယုဂ္+ေအမီမင္းျမတ္ ဘုန္းမီးေနခ+လႊမ္းဒီေရလွိုင္း They proved that their love is true❤ Stard Date-25.9.2021 End Dat...
