(Unicode)
"ဖေဖေတကယ်ပဲအဲ့လိုလုပ်ချင်တာလား"
သူ့အသံကအဖျားခတ်တုန်ယင်သွားတယ်ဆိုတာသိပေမဲ့ ပြယုဂ်မထိန်းလိုက်နိုင်။ဒီနေ့ကအေမီနဲ့သူလက်ထပ်ပြီးတဲ့နေ။ရှေ့နေ့တွေ၊သက်သေတွေနှင့်တကွလက်မှတ်ထိုးကာ အိမ်မှာပဲမင်္ဂလာဆွမ်းကျွေးလုပ်လိုက်သည်။ဒါကလည်း'ပကာသနတွေမပါတဲ့လက်ထပ်ပွဲမျိုးလေးပဲလုပ်ချင်ပါတယ်'ဆိုတဲ့အေမီ့တောင်းဆိုချက်ကြောင့်သာ။
ပြယုဂ်သဘောသာဆိုရင် မြန်မာတစ်နိုင်ငံလုံးသိအောင်ကြောငြာပြီး မင်္ဂလာပွဲအကြီးအကျယ်လုပ်ပေးချင်တာ။အဲ့တာမှအေမီမင်းမြတ်ဆိုတဲ့လူသားလေးက အာဏာပြယုဂ်ဆိုတဲ့သူ့အတွက်ဘယ်လောက်အရေးပါလဲဆိုတာလူတိုင်းသိသွားမှာ။သို့သော် အေမီ့သဘောသည်ပြယုဂ်ဆန္ဒဖြစ်တာကြောင့် အေမီသဘောကျသာလိုက်လျောခဲ့သည်။
အခုလည်းဖေဖေ့ရဲ့ဆန္ဒကိုလိုက်လျောပေးရဦးမည်ဖြစ်သည်။'သားကိုစိတ်ချသွားပြီမို့လို့ ဖေဖေသာသနာ့ဘောင်ထဲအပြီးအပိုင်ဝင်တော့မယ်'လို့ဖေဖေကတည်ငြိမ်စွာပြောနိုင်ပေမယ့် ပြယုဂ်ကတော့မတည်ငြိမ်နိုင်ပါ။ဖေဖေနဲ့သင့်မြတ်တာမှမကြာသေးဘူးမလား။အေမီရယ်၊သူရယ်၊ဖေဖေရယ်ပျော်ပျော်ရွှင်ရွှင်နေချင်ပါသေးသည်။သို့သော် တစ်ဖက်ကကြည့်သည့်အခါကုသိုလ်ကိုတားမြစ်သလိုဖြစ်နေပြန်သည်။
"ဟုတ်တယ်သား ဖေဖေ့ဆုံးဖြတ်ချက်ကိုမတားပါနဲ့"
"ဒါပေမယ့်ဖေဖေ..."
"ကဲပါ ဖေဖေ့ကိုတွေ့ချင်ရင်ဘုန်းကြီးကျောင်းကိုလာခဲ့လို့ရတာပဲ ကလေးဆန်မနေနဲ့ ယောင်္ကျားပဲရနေပြီကို"
"မနောက်ပါနဲ့ဖေဖေရာ"
"ဟားဟား"
အခြေအနေကခဏတော့တိတ်ဆိတ်သွားသည်။ဖေဖေကလည်းဘာမှပြောမလာသေးသလို ပြယုဂ်လည်းနှုတ်ဆိတ်နေမိသည်။
ထိုစဉ်...
"မောင်"
နူးနူးညံ့ညံ့ခေါ်သံလေးက ကာကယံရှင်ပြယုဂ်ကိုသာမက ဘေးလူဖြစ်တဲ့ဖေဖေ့တောင်နားဝင်ချိုနိုင်လောက်သည်အထိ။ထိုခေါ်သံလေးနဲ့အတူ အေမီကပြယုဂ်ဘေးတွင်ဝင်ထိုင်သည်။ခုနကမှမင်္ဂလာဆွမ်းကျွေးပြီးထားတာကြောင့် အေမီရောသူပါအဝတ်အစားမလဲရသေးပေ။ခရမ်းရောင်ကိုမှငွေမျှင်လေးတွေပါသည့်ပုဆိုးနှင့် အဖြူရောင်လည်ကတုံးတိုက်ပုံသည် အေမီ့ရွေးချယ်မှုဖြစ်သည်။တကယ်ပါ အေမီမင်းမြတ်လို့ပြောလိုက်တာနဲ့ခရမ်းရောင်ကိုပြေးမြင်မိလောက်သည်အထိ အေမီကခရမ်းရောင်ကိုရူးသွပ်သူဖြစ်သည်။
YOU ARE READING
Proof Of Love
Roman d'amourအာဏာပြယုဂ်+အေမီမင်းမြတ် ဘုန်းမီးနေခ+လွှမ်းဒီရေလှိုင်း They proved that their love is true❤ Stard Date-25.9.2021 End Date-6.12.2021 အာဏာျပယုဂ္+ေအမီမင္းျမတ္ ဘုန္းမီးေနခ+လႊမ္းဒီေရလွိုင္း They proved that their love is true❤ Stard Date-25.9.2021 End Dat...
