(Unicode)
"အားးး ကျွတ် ကျွတ်"
အိပ်ယာနိုးနိုးချင်းတူဖြင့်ထုခံထားရသလိုကိုက်ခဲနေသည့်ခေါင်းကြောင့်နေခညည်းတွားမိသည်။ မနေ့ကတော်တော်သောက်မိသွားတယ်ထင်ရဲ့။ ခေါင်းကြည်အောင်အချိန်အနည်းငယ်ယူပြီးမှမျက်လုံးတို့ကိုသေချာဖွင့်ကြည့်မိသည်။
မြင်လိုက်ရတဲ့အခန်းအပြင်အဆင်ကြောင့်နေခမျက်မှောင်ကြုတ်မိ၏။
'သူဘယ်ကိုရောက်နေတာလဲ'
မနေ့ကအရင်နေ့တွေလိုပဲနေခစိတ်ညစ်ညစ်နဲ့အရက်တွေမတရားသောက်နေခဲ့မိတာ။အဲဒီ့နောက်ပိုင်း memoryတွေပြန်ခေါ်ပေမဲ့ဘာမှရေရေရာရာမမှတ်မိ။
သို့ပေမဲ့...ဝိုးတဝါးပြန်မြင်နေမိတဲ့အရာလေးတစ်ခုကတော့ အာရုံထဲဝိုးတဝါးပဲ။
'စံပယ်တင်မှဲ့လေး'
ဟုတ်တယ် ပန်းနုရောင်ပါးပြင်ပေါ်ကစံပယ်တင်မှဲ့ကလေးကလွဲရင်အရာရာဟာဗလာနတ္တိ။ခက်တာကအဲဒီ့လူဘယ်သူမှန်းတောင်မမှတ်တာပဲ။
အခန်းကိုဝေ့ဝဲကြည့်လိုက်တော့ဟိုတယ်ခန်းလိုလို နားနေခန်းလိုလိုနှင့်အနည်းငယ်သေသပ်သည့်အပြင်အဆင်ဖြင့်အခန်းတစ်ခုဖြစ်နေသည်။
ကျွီ!
"နိုးပါပြီလားဗျ"
တံခါးဖွင့်သံနှင့်အတူကြားလိုက်ရသည့်အသံကြောင့် နေခအကြည့်တို့တံခါးဝဆီရောက်သွားသောအခါ Waiterဝတ်စုံနှင့်ကောင်လေးတစ်ယောက်။ ဒါဆိုBarမှာပဲရှိသေးတာပေါ့။ ဒီBarကနာမည်ကြီးbarဖြစ်တာကြောင့်ကာစတန်မာတွေအတွက်သီးသန့်နားနေခန်းလို VIPခန်းလေးတွေငှားနိုင်သည်။ အဲ့တာထက်သူ့ကိုဒီအခန်းဆီဘယ်သူပို့ပေးတာလဲမေးရမည်။
"ကိုယ့်ကိုညကဘယ်သူအခန်းငှားပေးတာလဲ"
"ဗျာ ကျွန်တော်လည်းသေချာမသိပါဘူးဧည့်သည် အသားဖြူဖြူနဲ့အကိုတစ်ယောက်ပဲ ကျွန်တော်ကဧည့်သည်နဲ့အသိထင်နေတာ"
"အာ... အင်း ရပြီ ကျေးဇူးပဲ"
"ဟုတ်ကဲ့ ဒါကserviceပါခင်ဗျ"
အိပ်ယာဘေးကစားပွဲခုံပုလေးပေါ်သို့သံပုရာရည်ခွက်လေးချပေးကာထိုWaiterလေးလည်းထွက်သွားသည်။ ခပ်ချဥ်ချဥ်အရသာကခေါင်းကိုအနည်းငယ်တော့ကြည်လင်သွားစေတာအမှန်။ထို့နောက် အဝတ်အစားတို့ကိုအနည်းငယ်ပြန်ပြင်ကာဖုန်းယူ၍ထိုအခန်းထဲကထွက်လာခဲ့သည်။
YOU ARE READING
Proof Of Love
Romanceအာဏာပြယုဂ်+အေမီမင်းမြတ် ဘုန်းမီးနေခ+လွှမ်းဒီရေလှိုင်း They proved that their love is true❤ Stard Date-25.9.2021 End Date-6.12.2021 အာဏာျပယုဂ္+ေအမီမင္းျမတ္ ဘုန္းမီးေနခ+လႊမ္းဒီေရလွိုင္း They proved that their love is true❤ Stard Date-25.9.2021 End Dat...
