على صواب، على حق..
كلا !!
أنا تائهة مرمية في دهاليز الضياع، غارقة انا لا مَحال..
وفي خِضم الخِصام والصِّراع و قاب قوسين أو أدنى من حافة الضياع..
إمتد طوق النجاة وهمس لي المنادي بتمتمات
لا تتردد إبحث في داخلك..
إبدأ هنا، الآن، إبدأ من حيث انت...
لاز...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
مسافة طريق كانو وصلو لمكان الحفل لي كان فساحة كبيرة، نزلت إيل سابقة أدريان كتشوف وكتدور راسها فالانحاء بانبهار، هادي اول مرة تحضر حفل من هاد النوع.. زادت بخطوات حتى بانت ليها بوضوح الفرقة الموسيقية لي على المنصة، بلباس كله من اللون الاسود مع اكسسورات كثيرة كل ماكان كان كيبان من اجسامهم كانت مغطياه الوشوم، وكلهم حاطين اقنعة مخيفة مخبية ملامحهم.. كانو كيعزفو موسيقى مزيج بين الروك والميتال هاد الموسيقى لي معروفة بالصخب الشديد والعنف، وواحد منهم كان كيغني بصوت مزعج وكلمات مبهمة خلات الكل يرقص بحماس وهياج ، دورات عينيها كتستكشف المكان الحيوط لي عامرين رسومات وعلامات غريبة ومخيفة منها رأس الماعز، العين، النجمة السداسية، الصليب المقلوب، الهلال المنقوص، وشعارات وكتابات غير مفهومة! الأضواء الخافتة والشموع عطات المكان رهبة وفالوسط كان محطوط تمثال كبير، بلعت ريقها وزادت قربات كتر كتتمعن فالناس لي كانو كيرقصو بجنون حتى ان البعض منهم كان كيدير حركات إباحية مقززة رمقتهم باستغراب ودورات عينيها باش يجيو على زوج رجال كيقبلو ويتلمسو فبعض وبالقرب منهم زوج بنات دايرين نفس شي.. رغم انها فبلاد اوروبي وماشي اول مرة تشوف ناس كتمارس الشذوذ الا انه هاد المرة الأمر كان مختلف والمنظر كان مثير للنفور والاشمئزاز تحطات يد عليها حتى قفزات وغير دارت لقات لاريسا و معاها رالف ظبطات نفسها بصعوبة مخبية خوفها وراسمة على شفافها ابتسامة واجمة..
لاريسا: (رافعة صوتها باش يوصل لإسلام) كيف جاك الحفل؟ إسلام: (سكتات شحال عاد قالت ) مابيهش رالف : ( منين وقف و هو كيتفحصها بتركيز وغير كملات كلامها قرب منها وجرها للوسط) اجي معايا إسلام: (تبعاتو بلا ماتمانع) اوكي !
خداها حتى وقفو قدام التمثال الكبير لي كان عبارة عن رأس معز وجسد انسان مع أجنحة ضخمة و ارجل ديال الحيوان
رالف: (شاف فيها كيحاول يقرا ملامح وجهها وبهدوء نطق) هاد التمتال اسمه "بافوميت" كتعرفيه ؟! اسلام: (دققات النظر فالتمثال لي كان مخيف وجاهدات وهي كتخبي الذعر لي دب فداخلها عاد حولات نظراتها ليه وحركات راسها بالنفي) لا رالف: (ابتسم وغمزها) ماشي مشكل دابا تعرفيه..
لتحقت بهم لاريسا فيديها كاس كبير مداته ل إيل..
لاريسا: خودي ايل: (بامتناع) ماكنشربش لاريسا: (وهي كتتمايل مع الموسيقى) جربي غادي يعجبك هاد ليلة خاصك تديري اي حاجة عمرك جربتها رالف: (حط دراعه على كتف إيل معنقها وقرب حتى بقات كتفصلهم بضع إنشات وزاد مأكد كلام لاريسا) اه انتي هنا عندك كامل الحرية ديري لي جا على بالك (نعت بيديه و بصوت عالي يكاد لايسمع من كثرت الضجيج اردف) شوفي هاد الناس لي هنا كلهم عندهم شِعار واحد ولي هو "الحرية المطلقة".. كلهم هربو من المجتمع المنافق لي مغطي تحت قناع الاخلاق.. (لمعو عينيه بغرابة) حنا هنا باش نتجردو من الاخلاق و من جميع القيود والضوابط بغض النظر عن الوسائل المهم عندنا هو نديرو دكشي لي بغينا ونشبعو الغرائز ديالنا (سكت شوية وزاد ) وحتى انتي بإمكانك تديري نفس شي ماكاينش لي يقول ليك لا ولا يتحكم فيك (زاد وهو كيضغط على كل حرف) انتي حرة، ( زاد قلص المسافة بينهم وهمس فودنيها بهدوء) إيل حرة! (ختم كلامه بابتسامة وانسحب) .. إيل: (بقات ساهية كتشوف فيه حتى قفزات وهي كتحس بشي حد معنقها زفرات بنوع من الارتياح فاش عرفاتو أدريان ورجعات كتشوف قدامها) لاريسا: (رشفت من كاسها وشافت فيهم وهي كتمرر لسانها على شفتها) ماتعرفيناش؟ ايل: ( شارت بيديها وبإيجاز يدل على عدم اهتمامها) هدا ادريان وهادي لاريسا لاريسا: (قربت من أدريان وطبعت على خدو قبلة) متشرفين (حولات نظراتها ل إيل) واش غادي تبقاو هكدا زيدو نشطحو إيل: لا مافياش (شارت براسها) ها أدريان يشطح معك..
