في النفس متسع

>>>>>11<<<<<

فاقت إيمان لي دوزت الليل كله وهي كتتقلب وعقلها كيفكر فالكلام لي قال ليها أحمد ولي خلاها تحلق فالأفق البعيد، صلات الصبح وبدلات ملابسها وزادت جهة إسلام قربات منها بهدوء وغير رفعات الغطا قفزات فاش لقاتها حالة عينيها وقارنة حجبانها..

إيمان: (الحوار بالالمانية) خلعتيني حرام عليك امتى فقتي؟

إسلام: (بحنق) على نتوما تخليو شي حد ينعس فخاطرو؟

إيمان: اش درت ليك انا ؟

إسلام: لا مادرتي والو غير ليل كله وانتي كتقلبي..

ايمان: اوا زدتي فيه ماشي لهاد الدرجة !

اسلام : وكتر (هزات حاجبها) ياك موالفة كتنعسي فماعرفت فين اش جابك عندي ؟ جراو عليك؟

ايمان: (ترمات عليها معنقاها) توحشت ختي مانتوحشكش؟

إسلام: (دفعاتها ) اوف نوضي المرض ..

إيمان: (وقفات) مالك وليتي هكدا ؟

إسلام: (بعصبية) ياكما عاد كتعرفي عليا؟؟ انا كيفما كنت باقيا، وبدلي ساعة بأخرى صباح هدا..

ايمان: (رجعات جلسات لاعنة الشيطان ) ماغاداش معانا للسوق ؟

إسلام: (بنفي) لا

ايمان: علاش؟

اسلام: مابغيتش وسيري بعدي مني راه مشبعاش النعاس ..

ايمان: لا ماغنبعدش وليوم غادي نخرجو مجموعين (حيدات عليها الغطا) كتدوزي النهار كله ناعسة (شدات فيها منوضاها) يلا راه غنتعطلو عليهم..

إسلام: (نترات يدها) طلقي دودودو ماكتقدايش يخخ (دفعاتها وزادت خارجة كتسب وتلعن بأفظع الالفاظ كعادتها) ...

سدات الباب بهدوء ودخلات علات ريدوات وفتحات السراجم تأملات الحالة البيت لي مقلوب رأس على عقب، زفرات بصوت مسموع وزادت جهته مدات يدها بعدات عليه الغطا..

سعد: ( بصوت غالب عليه النعاس) الواليدة اش هاد الفعايل شحال من مرة كنقول ليك ماتدخليش للبيت وانا ناعس ..

عائشة: ششش سكتنا واش بغيتيه يجي هو ويدخل يلقاك باقي ناعس لا انت لا هداك ..

سعد: (مسح على وجهه) الله يعفو عليا من هاد الدار ولي فيها ..

عائشة: اولدي الله يهديك هادي دارك فين عندك منها ؟

سعد: هادي دار جدي انا ماعندي دار ..

عائشة: (خافضة صوتها) صافي سكتنا يسمعك مايدوزش علينا هاد النهار، ونوض الله يرضى عليك اولدي مابغينا صداع تاني على الصباح

(تخطاتو متوجهة للفراش التاني ) عَمر عَمر وفيق خلاص..

عَمر: (تقلب جهة اخرى) واخا واخا هانا غير دقيقة ..
عايشة: (هزات يديها) مابغيتوش تفيقو اوا ضبرو راسكم منكم ليه ...