على صواب، على حق..
كلا !!
أنا تائهة مرمية في دهاليز الضياع، غارقة انا لا مَحال..
وفي خِضم الخِصام والصِّراع و قاب قوسين أو أدنى من حافة الضياع..
إمتد طوق النجاة وهمس لي المنادي بتمتمات
لا تتردد إبحث في داخلك..
إبدأ هنا، الآن، إبدأ من حيث انت...
لاز...
بحلته السوداء وبملامح وجه متعبة جالس متكي راسه على الكرسي وفحضنه طفل ماكيتعداش السنة وفالمقعد لي فجنبه جالسة امرأة سمراء البشرة بشعر اسود مجعد، حاطا يدها على بطنها المنتفخ.. تعلن على وصول الطائرة وهبوطها بسلام فأرض الوطن، بداو الركاب كياخدو أشياءهم وكينزلو واحد بعد الثاني، تحركات من مقعدها مدات يدها ليه باش تاخد الولد امتنع وطلب منها تاخد غير العربة ديال الطفل وتسبقو، وقف بدوره خدا باليزته جارها بيد واليد التانية هاز فيها الطفل لي ناعس وماحسش بشنو كيدور حوله... بعد الاجراءات الروتينية خرجوا لقاعة الانتظار ووقف كيقلب بعينيه وسط الحضور على باه...
_________________________
على طاولة العشاء كانو النساء مجموعين كيتعشاو فهدوء تام كتسودو نظرات نارية بين كل من سهيلة وعائشة..
لالة مرجانة: (شافت فإحسان) فين ضياء علاش مانزلاتش تتعشا؟ احسان: (مدات ليها الخبز) راه قلت ليك مشات مع علي يجيبو طه من المطار.. لالة مرجانة: الله يفكرنا فالشهادة ، هي الحبيب ليوم غادي ينورنا؟ احسان: (بفرحة) ايه عاد تاصلو بيا وقال ليا علي بلي وصل.. عائشة: طول الغيبة هاد المرة توحشناااه احسان: بزاف عاد.. لالة مرجانة: وفين حفيدتي إسلام .. ايمان: حتى هي اميما مشات معهم .. عائشة : اش مشات تدير بالسلامة؟ احسان : انا قلت ليها تمشي يضربها شوية البرد.. عائشة: (بخفوت) يضربها جن زرق.. سهيلة: نعم ماسمعناكش قولتي شي حاجة ؟ عائشة: ها ؟ (ابتسمت بتصنع) قلت ليك تعشاي لا يبرد الدواز ويضرك فالمعدة .. سهيلة: غير بالصحة ماكناكلش المرقة دايرة ريجيم (دارت رجل على رجل وطلعاتها ونزلاتها) كي شفتي كنحافظ على رشاقتي باش ماتخرجش ليا الكرش.. عايشة: (شافت فراسها ودغيا قدات الجلسة وحنحنات بحرج دارت جنبها وشافت فبنتها ومدات يديها قرصاتها حتى قفزات) غير بشوية الهيشة تاكلي جنابك المصيبة يخخخ على تريكة... نسيبة: (بقهر) مادرت والو اماما .. لالة مرجانة: خلي عليك البنت (شارت ليها) اجي حدايا ازينة البنات اجي..
ناضت نُسيبة الضغمة فمها وهي كتنخصص جلسات وسط جداتها وايمان لي حطات يديها وربتات على ظهرها مبتاسمة ليها وكأنها كتقول ليها انا معك وحاسة بيك، رغم ان ظروف كل وحدة كتختالف على الثانية الا انه بزوج كيتقاسمو نفس المعاناة وبزوج كيتعرضو للألم والأذية من أقرب الاشخاص، والألم المعنوي اثاره أسوء وأشد قسوة من الألم الجسدي بمراحل وفأحيان كثيرة ممكن كلمة واحدة خرجت من أفواهنا بقصد او دون قصد تكون فحال السوط وتجلد روح المتلقي وتخلي فنفسه اثار جسيمة لعقود طويلة........
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
