يُناديها عائش.. نرمينا راضي

الفصل الثالث عشر

#يُناديـــها_عائش
#الحلقة_الثالثة_عشر
#نرمينا_راضي
.......

السعيد من راض نفسه على الواقع والتمس أسباب الرضا والقناعة بقضاء الله وقدره حيثما كان.

وبعد دقائق من الفحوصات، دونت الطبيبه"زهرة عواد" بعض الملاحظات عن الحاله ثم وضعت القلم من يدها لتصوب بصرها تجاه هاجر تتأملها قليلاً بحزن قبل أن تخبرها بالنتيجة

اختلست هاجر نظرات التوتر والإرتباك لوالدتها والطبيبه بين الحين والأخر، فشعرت من تغير وجه الطبيبه للحزن والإمتعاض، بأن نتيجة التحاليل ليست جيده.

بادرت والدة هاجر القول سريعًا بخيفةً والتباس

--خير يادكتوره.. التحاليل بتقول ايه؟

تنفست الطبيبه بعمق ثم ابتسمت نصف ابتسامه حزينه قبل أن تقول

-- أنا عارفه إن هاجر بنت قويه ومتدينه وعلاقتها بربنا كويسه.. ومحدش عارف الخير فين.. بس احنا لازم نرضي باابتلاءات ربنا لينا ونكون اقوى منها ونتغلب عليها مهما كان

قاطعتها هاجر قائله بلهفه

-- أنا راضيه بقضاء ربنا بس أرجوكِ قولي فيه ايه!؟

أجابت الطبيبه وهي تشير للتحاليل

-- بصي ياهاجر.. كله بأمر ربنا.. انتي عملتي اللي عليكي واحنا عملنا اللي علينا والشفا بإيده وحده.. انتي في المراحل الأخيره من السرطان خلاص.. والعلاج مش بيجيب نتيجه..للأسف هضطر اقولك ان معدتش في ايدينا حاجه نقدر نقدمهالك.. ربنا معاكي..

ترنحت هاجر في صمت لدقائق مرت عليها كأنها حُقبه من الزمن، أما والدتها فقدت الوعي على الفور ولم تتحمل ماقالته الطبيبه..

أسرعت الطبيبه نحو والدة هاجر لتخرجها من حالة الإغماء، اخرج هاجر من شرودها صورة والدتها مغشية عليها أمامها، صرخت هاجر ببكاء

-- ماامااا.. مامااا قوومي.. ماما بالله عليكِ متسبنيش... ياارب اناا وانتي لااء ياماماااا

طمأنتها الطبيبه قائله بنبره هادئه

-- اهدي ياهاجر.. ماما بخير ياحبيبتي هي بس اغمي عليها وخلاص هفوقها اهو اهدي عشان ماما ما تشوفكيش بالحاله دى وتجيلها انهيار عصبي

مسحت هاجر دموعها بوهن متمتمه

-- انا اسفه ياماما... سامحيني.. من صغري وانا تعباكم معايا بسبب مرضي.. بس خلاص.. هروح عند ربنا وهترتاحوا مني.. خلاص ياماما هريحكم خالص.. مش هيبقى فيه هاجر تاني.. وعرفي زياد ياماما.. انا متأكده انه هيفرح.. انا تعبته معايا كتير وهو من حقه يعيش حياته.. خلاص بح.. هاجر هتريحكم كلكم.. هاجر هتموت خلاص ياماما...

نهرتها الطبيبه بلطف قائله

-- هااجر.. اهدي لو سمحتي.. بلاش الكلام ده.. ماما هتتعب اكتر لو سمعته.. ولا انتي مش خايفه على ماما!