Honey နဲ့ Mommy

(၁၀)

Unicode version
.
.
.

Honey & Mommy

အပိုင်း (၁၀)

ကျုံးဘေးပါတ်ပါတ်လည်က LEDမီးတို့သည်
လှလှပပ လင်းထိန်နေလေ၏။

ချန်းကိုရှေ့ LED မီးရောင်တွေကြား
ရုတ်တရက်ပေါ်လာတဲ့ မမ....!!

ထို LED မီးရောင်တို့က မမ တကိုယ်စာကိုပဲ
ကွက်ပြီး ဖြာကျနေလေသလား...

Jeans ဘောင်းဘီ အနက်ရောင်နဲ့အတူ
V shape T shirt ဖြူဖြူကို ခါးထဲထိုးထဲ့ပြီး
ဝတ်ဆင်ထားတာကြောင့်
တော်တော်လေးသပ်ရပ်ကာ ကြည့်လို့အလွန်ကောင်းလွန်းနေတဲ့ ချန်းကိုရဲ့ မမ...

မမရဲ့ အသားအရေက
အရမ်းကြီး ဖြူလွန်းနေတာမဟုတ်တာကြောင့်
LED မီးရောင်နဲ့တွေ့သွားသောအခါ
ဖြူဥနေသလိုလို ဝါဝင်းနေသလိုလို
အသားအရေမျိုးဖြစ်သွားပြီး မမတယောက်
တားမရစီးမရအောင်ချောမောလွန်းနေတော့သည်။

LED မီးရောင်ကြောင့်ပဲ
ရွှေညိုရောင်ဆံနွယ်တွေက နဂိုထက်အရောင်တောက်သွားပြီး
မမပိုလှသွားစေဖို့ အထောက်အပံ့ဖြစ်ပေးနေကြ၏။

LED မီးရောင်တို့သည် သေသပ်လှပလွန်းတဲ့
မမရဲ့ မျက်နှာပေါ် ဖြာကျနေခြင်းက
မမကို အစွမ်းကုန်လှအောင် ပြုလုပ်ပေးနေသလိုဖြစ်နေခဲ့သည်။

မျက်လုံးဝိုင်းဝိုင်းလေးတို့သည် LED မီးရောင်ကြောင့်
လိုအပ်တာထက်ပိုပြီးတောက်ပနေခဲ့သည်။

ထို LED မီးရောင်တို့က
နှာရိုးလေးတွေကိုတောင်ထိုးဖောက်နေတာကြောင့်
နှာတံချွန်ချွန်တို့သည် နီရဲနေခဲ့သည်။

ထို့အတူ ချန်းကို သိပ်သဘောကျရတဲ့
မမရဲ့ ပိရိသေသပ်တဲ့ နှုတ်ခမ်းလေးတွေဟာလည်း
LED မီးရောင်ကြောင့် နှုတ်ခမ်းနီရောင်ပါးပါးနဲ့အတူ
ရဲရဲနီနေလေတော့သည်။

ချပ်ကပ် သပ်ရပ်နေတဲ့ ခန္ဓာကိုယ်လေးနှင့်အတူ
ချန်းကို ကို လက်ပိုက်ပြီး လာရပ်ကြည့်နေတဲ့ မမ

မမကို မြင်လိုက်ရလို့ ညစ်ညူးနေတဲ့စိတ်တွေက
လေလိုလွင့်စင်သွားခဲ့ပေမဲ့
"ဘာလို့ အရမ်းဆိုးနေရတာလဲတဲ့ "

ချန်းကိုက ဘာတွေဆိုးနေလို့လဲ
ဘာလို့ချန်းကို ကို အကုန်လုံးက ဆိုးတယ်လို့ထင်နေကြတာလဲ ။
တလောကလုံး ဘယ်လိုထင်ထင်ဂရုမစိုက်ပေမဲ့ ...
မမ ကိုတော့ ဒီလိုမထင်စေချင်ဘူး။