Honey နဲ့ Mommy

(၁၂)

Unicode version
.
.
.

Honey & Mommy

အပိုင်း(၁၂)
.
.
.

မေမြို့လမ်း ၆ထပ်ကွေ့ကိုကျော်ဖြတ်လာပြီးနောက်
တရိပ်ရိပ်ပြေးနေတဲ့ကားလေးရယ်
တောင် နံရံတွေမှာ ကုတ်ကပ်ပေါက်နေတဲ့ သစ်ပင်စိမ်းစိမ်းတွေရယ်
‌ချမ်းအေးတဲ့ ရာသီဥတုရယ်....

ဒီလိုဆင်တူတဲ့ အခြေအနေတွေရယ်ကြောင့်
နိုရာ့အတွေးတို့သည် လွန်ခဲ့သောနှစ်နှစ်ဆယ်ခန့်ကို
memory recalling လုပ်ပေးနေသလိုဖြစ်လာပြီး

အတိတ်ကအကြောင်းအရာတို့သည်
စီစဉ်တကျ အတွေးတွေထဲဝင်လာလေတော့သည်။

လွန်ခဲ့သော နှစ် ၂၀ခန့်လောက်က

၂၀၀၄,၂၀၀၅ ပညာသင်နှစ်
အနယ်နယ် အရပ်ရပ်က အဝေးသင်တွေ မန္တလေးမြို့ကို ကျောင်းလာတက်ချိန်လောက်ပေါ့....

November လ အစလောက်‌လား
သေချာ မမှတ်မိပေမဲ့....
မိုးကုတ်မြို့ဆိုတာ ဆောင်းစဝင်တာနဲ့ ခိုက်ခိုက်တုန်အောင်ချမ်းသည်လေ။

မန္တလေးမြို့ကို ကျောင်းသွားတက်ကြမဲ့
ကျောင်းသားတွေ စင်းလုံးပြတ်ငှားထားတဲ့ ကျောင်းကားက
ဟိုင်းလပ်ယာဉ်တစီးဖြစ်သည်။

အဲ့လိုကားတွေပေါ့။
အရမ်းစုတ်တဲ့ကားဆို မူးချက်ကလန်ထွက် ။🤒🤒
(photo credit မောင်ထွန်းဦး မိုးကုတ် )

တစီးကို ဆယ့်နှစ်ယောက်ခန့်သာဆန့်ပေမဲ့
ထိုခေတ်ရဲ့ ထုံးစံအတိုင်း
ဘာမှမဖြစ်ဘူး လိုက်လို့ရတယ်ဆိုပြီး
ဆယ့်ငါးယောက်ကျော်တဲ့ ကျောင်းသားကျောင်းသူတွေဟာ
ငါးပိသိပ် ငါးချဉ်သိပ်သလိုမျိုး ကျပ်ညပ်စွာ လိုက်ပါစီးနင်းခဲ့ကြသည်။

ကားခေါင်မိုးပေါ်မှာ ကျောင်းသားအချို့လိုက်ပါကြပြီး
ကားထဲမှာတော့ ကျောင်းသူလေးတွေပေါ့လေ။