"တောင်တစ်ထွဋ်မှာ Alphaနှစ်ယောက်ရှိလို့မရဘူး"
ကျန်စုန့်ယိတစ်ယောက် စာမေးပွဲတွင်ကောင်းကောင်းလုပ်နိုင်ခဲ့သည်။
အခြေခံအားဖြင့် ကျန်စုန့်ယိက တွေးခေါ်ရသည့် မေးခွန်းများတွင် သူ၏ ကိုယ်ပိုင် ယူဆချက်များကို ထည့်သွင်းနိုင်ခဲ့ပြီး သူ၏ သိုဝှက်ထားသော အတွေးများကို ထိန်းထားနိုင်ခဲ့သဖြင့် အမှတ်ပိုမြင့်မြင့်ရဖို့ မခက်ခဲတော့ပေ။
အခြား အခန်းသုံးဘာသာတွင်လည်း စတင်လေကတည်းကောင်းစွာလုပ်နိုင်ခဲ့သည်။ သူပုံမှန်အတိုင်း ကောင်းစွာလုပ်နိုင်နေသရွေ့အဆင်ပြေနေမည်ဖြစ်သည်။
ထပ်လောင်းအနေဖြင့် ဟွမ်ဖုယိက သူနှင့်အတူ စာမေးပွဲခန်းအတူကျတာဖြစ်ပြီး သူ့အနီးတွင် ထိုင်ရလေသည်။ သူ စောစော စာဖြေပြီးချိန်တိုင်း အကျပ်ရိုက်၍ တွေဝေနေသော ဟွမ်ဖုယိကို မြင်နေရ၏။ နောက်ကျကျန်ရစ်နေပြီး ဆက်၍ အကျပ်ရိုက်နေကာ နောက်ဆုံးမှာတော့ဗလာကျင်းသည့်အမူအရာသို့ပြောင်းသွားလေသည်။ ကျန်စုန့်ယိ၏ စိတ်အခြေအနေမှာတော့ အလွန်ကို ကောင်းမွန်နေလျက်ရှိ၏။
သူ့အတွက် စိတ်အခြေအနေကောင်းနေလေလေ မေးခွန်းများက ကိုင်တွယ်ဖို့ လွယ်လေလေပင်။
နှစ်ရက်ကြာမျှ စာမေးပွဲဖြေပြီးနောက် ပေါ်ဟွိုက်ကိုလည်း နှစ်ရက်ကြာသည့်တိုင်အောင် မတွေ့ရချေ။ ညရောက်သောအခါ သူပို့ခဲ့သည့်messageအတွက် [အင်း]ဟူသော replyကို ပြန်ရခဲ့သည်။
ကျန်စုန့်ယိမှာ ပေါ်ဟွိုက်သည် တကယ် ရိုင်းပျပြီး အေးစက်စက်နှင့် အကြင်နာမဲ့သည်ဟု ခံစားရ၏။
အဲ့ဒီတော့ ကိုယ်ပိုင်စာကြည့်ချိန်ပေးတဲ့နှစ်ရက်အတွင်း သူ့ကို အရင်စပြီး စကားမပြောဘူးပေါ့လေ။ သူ့အမူအရာသည် အေးစက်လည်းမနေ၊ မှောင်မိုက်လည်းမနေပေ။ ဒီအတိုင်း ပျင်းနေတာသာဖြစ်၏။
သူ့မျက်နှာပေါ်တွင်တော့ "ဒီသခင်အိုလေးက နည်းနည်းမပျော်မရွှင်ဖြစ်နေပါပြီ" လို့ ရေးထားသလိုဖြစ်နေသည်။
ပေါ်ဟွိုက်သည် သူ့ဘာကြောင့်မပျော်မရွှင်ဖြစ်နေရသလဲဆိုတာသိသည်။ သို့တိုင် ရှင်းပြဖို့ ရည်ရွယ်ချက်မရှိပေ။ သူ့တွင် တစ်ပါးသူကို မပြောပြလိုသော အချိူ့အရာများ ရှိသည်။အထူးသဖြင့် တစ်ပါးသူက ကျန်စုန့်ယိ,ဖြစ်နေရင်ပေါ့။
أنت تقرأ
Alphaနှစ်ယောက်တွေ့ပြီဆို,တစ်ယောက်ကOmegaဖြစ်ရမယ်|| ဘာသာပြန်
عاطفية" မင်းက ငါ့ရဲ့ ကျန်စုန့်ယိ " ပေါ်ဟွိုက် x ကျန်စုန့်ယိ
