صراع الحب - متوقفة حاليا

الفصل الثامن

متنسوش الفوت ي حبايبى
ربنا يعلم انى بكتب الفصل وسط زنقتى فى الكلية وامتحاناتها وما بين شغلى ف يا ريت تقدروا 💖

_______________________

قصر هارون صفوان

كانت تطالعه بنظرات نارية فبمجرد ان اخذوا مكانهم بالحديقة تركها هو
ليتحدث بالهاتف بعيدا
ومن ملامحه ادركت
انه يحادث حبيبته التى اخبرها عنها
لا تعلم هل تشعر بالغيظ لتركه لها بتلك الطريقة بعدما اصر هو على جلستهم تلك وفى المقابل يتحدث بالهاتف
ام تشعر بالغيظ لانه يحادث تلك الفتاة بالاخص
بينما تجلس هى منزوية وحدها
.
.
.
فارس بعصبية : نادين احنا مش خلاص اتفقنا
اننا هنتكلم بكرة خلاص
نادين بغيظ : انت قاعد معاها دلوقتى صح
انت عاوز تتكلم معايا
بعد ما تكتب كتابك عليها ي فارس
هونت عليك بالسهولة دى
فارس : انتى مين قالك ان النهاردة كتب الكتاب
اكيد الحيوان الى اسمه سامى
حسابه معايا لما اجى بس
نادين : هو دة كل الى يهمك؟
فارس : لا ي نادين انتى كل الى تهمينى دلوقتى
بس صدقينى
انا مش قدامى حل غير الى بعمله دلوقتى دة
لتصرخ نادين به :
فارس انا قاعدة هنا بموت وانت هناك بتتجوز
فارس انت من يوم ما قولتلى
وانا حابسة نفسى فى اوضتى ومبشوفش حد
انت عارف ان انت كدة بتخسرنى صح؟
فارس : نادين ي حبيبتى
عشان خاطرى متقوليش كدة
انتى ممكن بس تدينى فرصة لحد ما اجيلك وافهمك
ووعد لو رفضتى
هلغى كل الى انا بعمله دة وهطلقها
بس اسمعينى وهعملك الى انتى عاوزاه
نادين : ماشى ي فارس

هستناك لحد بكرة
بس صدقنى لو منفذتش وعدك وطلقتها هتزعل جامد ي فارس انت عارفنى
تنفس فارس الصعداء :
انا مقدرش على زعلك ي روح فارس
.
.
وجدته يتحرك باتجاهها
لتشيح بوجهها للجهة الاخرى

فارس : اسف اتاخرت عليكى
حاولت مروج ان تبتسم بمجاملة
دون رمى اى تعليق ولكن كيف يتوقف لسانها
مروج بغيظ : ي بجاحتك ي اخى والله
فارس بصدمة : افندم!
مروج : اصلى مستغربة بصراحة البجاحة دى كلها ازاى تتجمع فى بنى ادم واحد
لسة كاتب كتابك عليا
وكنت هتبوس ايدى عشان نتنيل نقعد فى ام البرد دة وفى الاخر عمال تحب فى الموبايل
ولا كأن فى حمارة قاعدة هنا مستنية سيادتك
ابتسم فارس ساخرا :
هو انت يبنتى لسانك دة ايه مبيتلمش ابدا
وبعدين حد كان قالك البسى قميص النوم الى انتى لابساه دة فى ام البرد الى مش عاجبك
مروج بغيظ : وانتى مالك البس قميص نوم
ولا البس خيش كنت ولى امرى
رفع فارس يديه امامها مشيرا لدبلته
فارس : لا كنت جوزك
اطلقت مروج ضحكة عالية
مروج بسخرية : بس متقولش جوزك والنبى
لحد يسمعك
فارس بعصبية : ممكن نتكلم بجد بقى
عشان انا مش فاضيلك خالص بصراحة
مروج بنبرة استنكار : ما تتكلم وانت حد ماسكك
انا معنديش حاجة اقولها
زفر الهواء بعصبية ليحل ربطة عنقه
علها تسمح لبعض الهواء بالدخول
فارس وقد هدا قليلا :
بصى انا عاوزك تنسى اول مقابلة
كانت بيننا دى خالص
انا عارف انى كنت قليل الذوق
ومكنش ينفع ادخل الدخلة دى
بس احنا ممكن نصلح الى حصل دلوقتى
طالعها فلم يجد منها رد
سوى ملامحها الساخرة
فارس : احنا هنعتبر ان الجواز دة لعبة مؤقتة كدة
هنلعبها انا وانتى مع اهلى واهلك
بس كل واحد هيعيش حياته عادى
مروج : بمعنى؟
فارس : يعنى انا وانتى هنعيش فى نفس البيت
بس هنتعامل كاغراب عادى طول ما احنا بعيد عن اهلى واهلك فاحنا مش مضطرين نتعامل كزوجين
انا هحاول اقنع جدى ان قعدتنا هنا تبقى اسبوع بس وبعدين نروح بيتى فى القاهرة
انا فى شغلى وحياتى عادى
وانتى تكملى السنة الى باقيالك فى الكلية
ها قولتى ايه؟
مروج بسخرية : ما هو نفس الكلام الى انت قولته اول مقابلة بس فرق الاسلوب
ردى زى المقابلة الى فاتت
ان دة هيكون اريح ليا بردو
فارس : خلاص يبقى اتفقنا
مروج : لا متفقناش لسة
بالنسبة لحبيبتك دى الى مش فاكرة اسمها
فارس باستغراب : نادين مالها
مروج : هو ايه الى مالها
اكيد بقى هتغير ومش هتقعد فى حالها وكدة
وانا اصلا لسانى طويل
وشغل البنات دة ماليش فيه
فا يا ريت تاخد بالك منها بعيد عنى
فارس : لا متقلقيش سيبيها عليا
انا هفهمها كل حاجة
وبعدين هى هتغير ليه
كدة كدة دة جواز على ورق
مفيش حاجة تستدعى الغيرة
طالعته بصمت لثوانى
همست مروج لنفسها : انا بس هموت واعرف هى بصتلك على ايه؟
فارس بغيظ : بتبرطمى تقولى ايه
ما هو يا تعلى صوتك ي تسكتى خالص
مروج : ولا اسكت ولا اتكلم انت مش خلاص قولت الى عندك يالا بقى طرقنا وخد البوابة فى ايدك