صراع الحب - متوقفة حاليا

الفصل الاول

نقول بسم الله كدة
انا متحمسة اوى وعاوزة اعرف رأيكوا كلكوا والله ❤️
اتمنى ان شاء الله الفصل يعجبكوا

_______________________________

قصر عائلة المنياوى

يعلو صوت شيرين فى ارجاء غرفتها
باغنية *على بالى*
فتدندن هى معها
هائمة فى عالمها الخيالى التى صنعته مع فارس احلامها و حبيبها منذ الصغر
قاطعها صوت الباب يفتح على مصرعيه
وكأن احدهم على وشك الهجوم عليها
انقبض قلبها
لتجد ابنة عمها وصديقتها الوحيدة عشق
تقف امامها وتطالعها باستنكار :
والله ما حد ما على باله حاجة قدك انتى
لتزفر حور براحة : خضتينى ي عشق
افتكرتك عمتى حرام عليكى
عشق : هى عمتى فاضيالك ولا فاضية لمسخرتك مش بقولك انتى مش حاسة بالدنيا وبالى بيحصل تحت
حور بسخرية : هيكون ايه مثلا الى بيحصل تحت؟
عشق : بيحصل بلاوى ومصايب ي حور
حور : مصايب ايه ي عشق انطقى
لتروى لها عشق ما حدث منذ دقائق بالاسفل
عشق : واد عمى عصمت اتخانق مع واحد من الصفوانية وفتحله راسه لحد دلوقت معرفش ليه
المهم جدى لبس وكان رايح يجتمع عند شيخ الجامع زى كل قاعدة عشان يحكم عليه
قبل ما النار تولع فى البلد
بس فجاة لقينا شيخ البلد والعمدة والصفوانية وكبيرهم داخلين علينا
شهقت حور قائلة : ودول ايه الى جابهم دول مدخلوش بيتنا من ايام جدى الكبير ما كان عايش
عشق : معرفاش ي حور بس قلبى مش مطمن
حور وقد شعرت بالقلق هى الاخرى :
طب عمتى ومرات عمى ميعرفوش جم ليه؟
عشق : امى تحت قاعدة تولول هى والحريم وعمتى عمالة تشخط وتنطر فينا ومطيقاش حد واصل
حور : كل دة حصل
كيف مسمعتكوش يعنى
عشق ساخرة :
وهتسمعى كيف من فرح العمدة الى حواليكى دة
حور : ما انتى عارفة ي عشق
قعدتى تحت ملهاش عازة
ي مرت عمى ترميلى كلمة
ي عمتى تشغلنى فى اى حاجة المهم
مقعدش فاضية ي اشو.......
قاطعتها عشق بضجر : ي تشوفيه يختى عارفة
والله انتوا الاتنين اغبى من بعض
ربنا يوقعكوا فى بعض
وتتجوزوا ونخلص منكوا قادر ي كريم
حور : يسمع من بوقك ربنا ي عشق
عشق : طب قومى معايا دلوقت نشوف عمتى تحت احسن تطلع ضيقها علينا
ونبقى نشوف حكايتك انت وابن العبيطة دة بالمرة
لتضحك حور قائلة : ولما امك تسمعك وانت بتشتميها طيب؟
عشق : بعد الشر تسمع ايه انتى عاوزاها تموتنى قومى بقى
لتطالعها عشق بنظرة تعلمها جيدا
عشق بتنهيدة : لا مش موجود ي حور
اطمنى
ممكن ننزل بقى
ابتسمت حور براحة
و نزلت معها للاسفل
حيث تتجمع جميع نساء العائلة

__________________________

بالاسفل

تبكى"هنية" زوجة عصمت قائلة :
هيعملوا فيك ايه بس ي ولدى
لتصرخ بها سعاد : وطى حسك ي مرة الرجالة هيسمعوكى
هنية بقلة حيلة : ولدى ي سعاد ولدى
زينب : ما خلاص ي هنية قلبتيها مناحة
هو لسة حد جه جمب ولدك
سعاد بنبرة حازمة : الى جاية تنوح وتولول ترجع بيتها احنا مناقصينش
التفتت لهنية محاولة بث الطمأنينة بقلبها : طول ما الكبير موجود فولدك محدش هيلمس شعرة منيه متخافيش ي هنية
احدى النساء : امال تفسرى بايه دخلتهم دى سعاد؟
سعاد : دلوقتى يطلعوا الرجالة ونعرفوا كل حاجة