صراع الحب - متوقفة حاليا

الفصل الثالث عشر

مرت تلك الليلة على البعض بسلام
والبعض الاخر كانت ليلة لا تنسى
استيقظت مروج لتجد فريدة نائمة بجانبها ومن ملابسها التى مازالت ترتديها ووملامح وجهها المرهقة علمت انها سهرت بجانبها طوال الليل
ولكن مهلا اذا نامت فريدة هنا
فاين فارس؟
ذلك المدعو بزوجها
نهرت نفسها بشدة على تفكيرها الذى اوصلها لذلك الاحمق الذى تسبب بكل ما حدث معها بالامس
هى قرررت الا تسامحه ابدا
حتى لو اغرقها بسيل من الاعتذارات
ضحكت بسخرية من نفسها
هل تعتقد حقا انه سيعتذر منها؟
هى متاكدة انه سيلومها لخروجها وحدها
حاولت النهوض دون ان تصدر اى صوت يزعج ابنة عمها
ولكن مع ذلك استيقظت مفرزوعة بمجرد ان احست ان مروج ليست بجانبها
فريدة : مروج
مروج : اهدى انا معاكى اهو
فريدة : حرام عليكى خضتينى
المهم انتى بقيتى كويسة خلاص
وقادرة تقفى على رجلك
لتضحك مروج بمرح : ايه هو انا كان دايسنى قطر وانا معرفش ولا ايه يا فريدة؟
فريدة : بردو بتهزرى
مش هتعقلى ابدا يا مروج
انتى عارفة احنا كنا قلقانين عليكى ازاى يا مروج؟
مروج باستغراب: انتوا دول الى هما مين؟
سألت هذا السؤال بانتظار ان تجيبها باسم شخص واحد
فريدة : انا وطنط ناهد وعمى ومليكة
لتشهق الاخرى بفزع : ينهار ابيض
هو بابا وماما ومليكة عرفوا باللى حصلى
دة تلاقيهم خدوا اول طيارة وجايين على هنا دلوقتى
فريدة : اهدى وترتينى
لا معرفوش ايه الى حصل بالظبط بس انا قولتلهم انك كنتى تعبانة بس ومش قادرة تكلميهم
فاتصلى بيهم عشان يطمنوا
لتزفر مروج بارتياح :طب الحمد لله
كنت هدخل فى مناقشةطويلة وانا مش فيا حيل
فريدة : طب اترزعى بقى يختى
وفهمينى ايه الى خرجك لوحدك
حاولت الاخرى التهرب قائلة : كنت زهقانة من القعدة
عادى يعنى
فريدة بشك : لا يا شيخة ومكلمتنيش ليه نخرج سوا
مروج : لا مانا مش قليلة الذوق اوى كدة
يعنى ابقى عارفة ان جوزك عندك
والله اعلم بتعملوا ايه
واجى اخدك منه كدة عادى
لتقذفها فريدة باقرب شئ منها بعصبية
فريدة : هنكون بنعمل ايه يا سفلة يا قليلة الادب
مروج : انا عارفالك بقى انتى وجوزك دة الى علاقتكوا مش باينلها ملامح ؟
فريدة : وانتى مالك ومالنا يستى
اقولك
قومى روحى كلمى عمى زمانهم قلقانين عليكى
مروج بابتسامة خبيثة : ايوة يلا غيرى الموضوع
قاطعهم صوت رنين هاتف احداهما
وكانت فريدة
مروج : ردى يا حبيبتى
ما معروف مين الى بيتصل ردى
فريدة : على فكرة احنا متخانقين امبارح
بسببك اصلا
فاخرسى خالص
مروج : انتى هتلبسينى مصيبة
انا كنت تايهة معملتش حاجة
فريدة : ايوة ما هو اختفائك دة عملنا مشاكل
واتخانقت مع فارس كمان
وشوية وكنت هتهمه انه قتلك
لتجلس مروج بفضول
مروج : احلفى
لا دة انتى تحكيلى بقى
فريدة : استنى بس اما اشوفه عاوز ايه
الو
فطار؟
لا هنفطر فى الاوضة
عادى مش عاوزين نفطر تحت افطروا انتوا
ايوة مروج صحيت وكويسة
هو لسة فاكر يسأل عليها
قولتلها تكلمهم ايوة
لا مفيش حاجة انا تمام
اوك سلام
مروج ساخرة : يا ساتر عالبوز انا لو مكانه
كنت قفلت فى وشك
فريدة : لازم يتعود على كدة من هنا ورايح
انا اصلا الى خليته ياخد عليا زيادة
لحد ما نسى ان فيه بيننا اتفاق
مروج : طب ها احكيلى ايه الى حصل
فريدة : حاضر يستى هحكيلك