عدنا من جديد 😂♥️
___________________________
همست مروج : فريدة
فريدة : هااا
مروج : الست الى اسمها زينب دى انا مش مرتحالها
فريدة بلامبالاة : ليه مالها؟
مروج : من ساعة ما قعدنا بتبصلنا من فوق كدة ومحدش سمع صوتها خالص
فريدة : كبرى دماغك
مروج : انا مش فاهمة ايه البرود الى انتى فيه دة
هى مش المفروض هتكون حماتك وكدة
فريدة ساخرة : ايوة ايه المطلوب منى بردو
اقوم اخدها بالحضن واقولها ي ماما
انتبهوا لصوت سعاد وهى توجه لهم الحديث
سعاد : اطلعى ي فريدة انتى ومروج فوق مع البنات شوفوا اوضكوا عشان لو عايزين تغيروا فيها حاجة إكدة ولا إكدة على ذوقكوا
فريدة : لا مالوش لزوم خلي.....
لتقاطعها مروج قائلة : ي ريت والله
دة احنا كنا لسة بنتكلم عالموضوع دة
طالعتها فريدة بصدمة
متى تحدثوا؟
ما الذى تنوى عليه تلك الحمقاء؟
اشارت لهم حور ليلحقوا بهم
ولكن مليكة رفضت ان تصعد بصحبتهم
__________________
استأذنت مليكة منهم للذهاب للحمام
تحركت اتجاهه بعد ان دلتها الخادمة
ثم خرجت بعد لحظات
لتجد ذلك الاحمق فى مواجهتها شهقت بفزع
يحيى بابتسامة : سلامتك من الخضة ي قمر
طالعته الاخرى باستنكار
كادت ان تتركه وترحل دون ان توجه له اى كلمة
ليوقفها يحيى قائلا : ايه قلة الذوق دى
مش المفروض تعتذرى
عالى عملتيه قبل ما تمشى
التفتت له مليكة تطالعه بدهشة
كيف تغيرت نبرته فجأة لتلك الجدية
ولحظة........ماذا فعلت هى له؟
مليكة : اعتذر على ايه ان شاء الله
تحولت نظرته مرة اخرى ليرد بمرح :
عشان سرقتى قلبى يرضيكى امشى من غيره يعنى
كان يطالعها بابتسامة بلهاء استفزتها
لترد بغضب لا تعلم سببه : بقولك ايه ي جدع انت
اقسم بالله انت لو ما اتلميت
لابلغ بابا وعمى عنك وشوف هيعملوا ايه فيك
يحيى بنفس الابتسامة البلهاء :
هيعملوا ايه يعنى هيجوزونا مع الباقى
واهو بدل الفرح يبقوا ٣ افراح
مليكة باستنكار : اتجوزتك عقربة ي بعيد
ابعد من وشى قبل ما اصرخ واناديهم
تراجع للخلف فورا
يحيى : خلاص خلاص
دة انتى خلقك اضيق من عينكى
ي شيخة اعوذ بالله
تركها ورحل
ولكنها وقفت مكانها بصدمة من جملته
هل ذلك الابله يرى ان عينيها ضيقتان؟
____________________
ناهد بتردد : بقولك ايه ي ست سعاد
انا ممكن اسالك سؤال وتجاوبينى بصراحة؟
سعاد بترحاب : طبعا ي ناهد اسألى
ناهد : هو فارس ومروج
بعد ما يتجوزوا هيعيشوا فين؟
انا الى اعرفه ان فارس عايش فى القاهرة
بس من كلامك معناه انهم هيقعدوا هنا
سعاد بابتسامة : لا هيعيشوا فى القاهرة
بس اول شهرين هيقعدوهم ويانا هنا فى الدوار
تهللت اساريرها بسعادة فهى لا تريد لابنتها ان تعيش وسط عائلة تحمل الكره والعداوة لوالدها وعائلتها فهى حتى الان لم تعرفهم جيدا
لاحظت سعاد سعادتها لتعلق قائلة : بس حتى لو هيعيشوا هنا متخافيش على بتك ي ناهد
هنشيلوها فى حباب عينينا كانها بتنا واكتر
طالما دخلت البيت دة بموافقة الكبير وبقيت شايلة اسم عيلة المنياوية يبقى بقت واحدة منينا
ناهد بتوتر : انا مقصدش حاجة ي ست سعاد والله
لتقاطعها سعاد بابتسامتها التى تبث الطمأنينة فى قلب كل من حولها : دة حقك ي ناهد
دى بردو بتك ولازم تطمنى عليها
وانى بقولك اها ريحى قلبك ومتخافيش عليها
ناهد بابتسامة : ربنا يخليكى ي ست سعاد
أنت تقرأ
صراع الحب - متوقفة حاليا
Ngẫu nhiênعائلة كبيرة تتكون من عدة احفاد وكبيرهم " عبدالحميد المنياوى" الامر الناهى فى كل شئ بينما يعيش ابطالنا فى طرق متفرقة فهل سيجمعهم القدر معا؟
