صراع الحب - متوقفة حاليا

الفصل الخامس

طبعا اسفة عالتأخير
ثانيا انا مش هقدم حجج ولا اعذار المرادى
بس حوار ان الفصل يوم السبت دة بيعملى مشاكل كتير
فانا عاوزة اغير يومه الصراحة عشان اريحكوا واريح نفسى

_______________________

استعادت فريدة ثباتها لتجلس فى الكرسى المواجه له محاولة ترتيب افكارها قبل ان تتحدث
فريدة : انا مش هلف وادور فى الكلام
عشان وقتى ووقتك
مراد : ي ريت
فريدة : عاوزاك تكون عارف انى موافقتى عالجوازة دى لسبب واحد بس عشان يونس
مراد ببرود : انا مسألتكيش اصلا وافقتى ليه؟
فريدة باستنكار : غريبة
امال حضرتك جاى تقعد معايا ليه؟
مراد : حلو السؤال دة بس معتقدش الاجابة هتعجبك
كانت فريدة تضغط على يديها من شدة الغضب
حتى كادت ان ترحل وتترك ذلك المغرور
فريدة : انا مش عاوزة اسمع منك اسباب انا هقولك الى عندى
وافقت بقى موافقتش دى حاجة راجعالك
اومأ لها مراد لتكمل حديثه
فريدة : الجواز هيكون قدام الناس حقيقى
بس بينى وبينك مش هيبقى اى حاجة
غير انه جواز على ورق
تذكر مراد حديثه مع فارس منذ عدة ساعات ليضحك هو الاخر ساخرا دون ان تلاحظه فريدة

فريدة : يعنى اولا هننام فى نفس الاوضة فى البداية بس طبعا انت فى مكان وانا فى مكان
ثانيا انا مش مستنية منك اى حقوق سواء مهر او شبكة حتى لو والدى طلب فكل حاجة هترجعلك تانى بعد الجواز
ثالثا ودى الاهم شغلى هيفضل زى ما هو ومفيش حاجة هتتغير
تغاضى مراد عن جملتها الاخيرة ليتحدث بجدية هذه المرة
مراد : موافق
تنهدت فريدة بارتياح
ولكن قاطعها بنبرة خبيثة جعلتها تطالعه بخوف : بس بشوية شروط كدة
فريدة : شروط ايه؟
مراد :اول حاجة حوار ننام فى مكانين مختلفين دى انسيها
فريدة باستنكار : افندم يعنى ايييييييييه
هنام جمبك؟
مراد بنبرة باردة ومستفزة : انتى هتنامى جمب حد غريب يعنى
مانا هبقى جوزك ووالله لو معترضة اوى كدة
انا اوضتى مفيهاش غير كرسى صغير لو عجبك ابقى نامى عليه معنديش مانع
اومأت فريدة موافقة على مضض
مراد : تانى حاجة احنا عندنا فى العيلة من صغرنا وجدى معودنا ملناش دعوة بمشاكل ستات العيلة
هما احرار مع بعض
حتى هو مبيدخلش غير لو حصلت حاجة كبيرة
واحنا بيتنا ماشاء الله فيه ٤ وانتى هتبقى الخامسة
ف مش عاوز ارجع الاقيكى متخانقة مع حد فيهم ولا غلطانة فى حد وخصوصا امى وعمتى
فريدة باستنكار : لا والله
ليه معنديش لسان ولا معنديش كرامة
هما لو معاملتهم حلوة فانا مش هاجى جمبهم اما لو حد داسلى على طرف فمش هعمل اى اعتبار لحد
مراد بابتسامة : هو انتى حمقية اوى على طول كدة
انا مقولتش تتهانى وتسكتى اكيد بس حاولى تعدى ولو حصل حاجة كبيرة قوليلى يستى
فريدة : هحاول بس موعدكش
مراد : يبقى اتفقنا

___________________

صمت قليلا ليجمع شتات افكاره
فارس : بصى انا عارف ومقدر
ان الظروف الى احنا اتحطينا فيها كانت غصب عننا
بس انتى لازم تعرفى
ان الجواز دة هيكون جواز على ورق وبس
مش جواز حقيقى
انا وافقت عالجوازة دى عشان ارضى جدى بس مش اكتر زى ما انا متأكد انك وافقتى عشان والدك بردو فانتى ممكن تعتبرى ان الجوازة دى مجرد عقد اتفاق ما بينا مش اكتر ووقت ما تحبى تنهيه عمرى ما هقف فى طريقك بس انا مقدرش انهيه عشان جدى مش هيسمحلى بمعنى اصح
لم يجد منها رد فظن انها موافقة على ما قاله
ليكمل حديثه دون اى مراعاة لمشاعرها
فارس : انا عارف ان سنك صغير وممكن خيالك يصورلك حاجات مستحيل انها تحصل
عشان الجواز دة مش هيكمل اصلا
عشان انا فيه واحدة فى حياتى
وبحبها جدا وعاجلا ام اجلا هتجوزها
ظلت ساكنة كما هى لم تعلق على حديثه