صراع الحب - متوقفة حاليا

الفصل الثامن عشر

_______________________________

خرجت عشق من المجلس
بملامحها المتشفية
انتصارا لكرامتها
تحت انظار جميع النساء ببهو القصر

لتصرخ هنية بجزع
وقد فهمت من ملامحها ما حدث :
عملتيها يا بت زينب
مديتى يدك على ولدى
الهى تنقطع يدك دى
اشوف فيكى يوم
انتى وولادك يا زينب

صاحت بها امال بغضب :
جرى ايه يا هنية؟
ميبقاش ولدك الى غلطان
وتيجى انتى بكل عين بجحة
تلومى على عشق

هبت زينب هى الاخرى مدافعة :
يا شيخة ربنا ياخدك انتى
والتعبان والحية الى شبهك دول
يكش نرتاح من خلقتكوا وشركوا

عشق ببرود :
تنقطع يد ولدك النجسة الاول
بعد لمستنى يا خالة هنية
و بدل ما انتى قاعدة
عمالة تعددى وتدعى علينا
كنتى ربيه الاول

جلست هنية ارضا تبكى و تلطم صدرها وتولول
تحت انظارهم جميعا

امرت سعاد قائلة : خدى عشق
واطلعوا على اوضتكوا يا حور

اذعنت حور على الفور
لتقترب من عشق وتسحبها معها للاعلى

اردفت سعاد بحسرة :
هتفضلى تحصدى شر اعمالك فى ولادك يا هنية
يا ريت تعقلى بعد الى حصل
وتهدى ولدك
عشان اى غلطة تانية الكبير مش هيرحمه

صاحت فرحة بغيظ :
ما خلاص يا عمة انتوا كلكوا هتطلعوا فيها
الغلطان قاعد جوة فى المجلس
روحوا عاتبوه لو تعرفوا
انما امى ملهاش صالح

_______________________________

بالمجلس

الكبير : من هنا ورايح
رجلك متعتبش باب القصر دة
كل شغلك هيكون فى اراضي ابوك
اما اشغالنا احنا ملكش اى حق فيها
واياك المح خيالك قدامى حتى

هب ايمن دون ان يطالعهم
ليتحرك للباب الخارجى للمجلس
وقبل ان يخرج اوقفه جده قائلا :
عاوزك تقعد مع نفسك وتحسبها صوح
وهتعرف انك انت الغلطان
انى بقولك الكلام دة
عشان متأكد انك هتطلع من الباب دة
وانت حاقد وغضبان
منينا كلنا حتى ابوك واخوك

صمت لبرهة مكملا :
مترميش اللوم على حد غيرك يا ايمن
انت الى غلطت وهو دة عقابك
عند المنياوية وكبيرهم

ابتسم ايمن بتهكم دون ان يلتفت له
وفتح الباب وخرج منه كالاعصار

_______________________________

جلس يونس امامها
على احدى الركنيات الموجودة بالحديقة
لتضمد له جراحه الناتجة من نزاعه
مع ايمن