صراع الحب - متوقفة حاليا

الفصل الرابع عشر

والله يا جماعة زى ما انتوا بتزعلوا انى بتأخر
فانا كمان زعلانة جدا من التفاعل الى قل دة
وعلى الفصلين الى فاتوا بالذات

__________________________

قصر الكبير

حور : فيه ايه يا عشق
ما هو عريس زى اى عريس من الى بيتقدمولك
مالك مكبرة الموضوع ليه؟
عشق : انتى بردو مش فاهمانى يا حور
حور : طب فهمينى يا بت عمى
لتتحدث عشق بتوتر : انى متأكدة ان جدى موافق
ومن ناحية تانية امى هتسود ايامنا لو عرفت
ومراد لسة معرفش كمان
ومن ناحية تالتة لو حصل ورفضته علاقتى بفرحة هتبوظ
وبالنسبة بقى للمصيبة الكبيرة انتى متخيلة انى هعيش مع عمتى هنية فى بيت واحد وانا متأكدة اصلا انها مش موافقة
صرخت حور بعصبية : عشق
التفتت لها عشق
حور : شيلى كل دول من دماغك
دلوقتى
دة قرارك انتى
ولو وافقتى انتى الى هتشيلى الليلة كلها
ولو رفضتى محدش هيقدر يلومك
دلوقتى انتى متخيلة نفسك مع ايمن دة ولا لاء؟
ردت الاخرى على الفور : لا
حور : امال محيرة نفسك ليه؟
عشق : انتى عارفة لو كان عادل
كنت هوافق على طول
مكنتش هفكر فى كل دة
بس ايمن دة لا
حور : بصراحة انى مقدرش الومك
عشان انى كمان مبرتاحلوش
وكلنا عارفين انه عصبى ولسانه طويل
وابن امه كمان
دى حتى فرحة دايما تقول انها بتحب عادل اكتر منه وانه مش حنين عليها
عشق : بس فرحة هتزعل منى دة مهما كان اخوها
وعمى عصمت وجدى يا حور
كدة هعمل مشاكل فى العيلة
حور بعصبية : متعصبنيش يا عشق
يعنى انتى هترمى نفسك عشان رضاهم عليكى
وانتى مين قالك ان جدى موافق
كل الكلام الى قاله دة وشايفاه موافق؟
انتى هبلة يا عشق
عشق : معرفاش بقى
انى هستنى مراد يرجع من السفر
واشوفه هيقول ايه
_______________________

رن الهاتف الخاص بغرفة فريدة ومراد
مروج : ايه يبنتى اختفيتى فين وسبتينى لوحدى...
قاطعتها فريدة : مروج انا عاوزة ارجع مصر
مروج بقلق : لا اله الا الله
عمل فيكى ايه
مراد بيك لا تتركنى هيك
انطقى
ضحكت فريدة بعلو صوتها
فريدة : يا مروج حرام عليكى متضحكنيش
انا متعصبة ومتضايقة
مروج : والله بتكلم بجد
اصل دة يوم ما يعمل حاجة
هتبقى حاجة كبيرة اكيد
فريدة بعصبية : اتخانقنا يستى
مروج : ودة ليه ان شاء الله؟
فريدة : شايف انى غلطانة
عشان رديت على جوزك فى وجوده
وانا مش شايفة انى غلطانة
وفى الاخر سابنى ونزل
عشان ست كرستين هانم اتصلت بيه
قال ايه مش فاضى عنده شغل
مروج بعصبية : تانى
انثى الضفدع دى تانى
فريدة : سيبك منها دلوقتى وركزى معايا
انا بجد زهقت وعاوزة ارجع مصر
مروج ساخرة : ايوة والمطلوب منى ايه
اقوم اجهز شنطتى ونهرب انا وانتى منهم
يعنى يا فريدة؟
فريدة : وانا قولت نهرب يا غبية انتى؟
مروج : اومال هنرجع ازاى من غيرهم يعنى
وبعدين انا حرمت من الى حصلى
ورجلى مش هتعتب باب الاوضة دى غير ورجلى على رجله خلاص
فريدة بخبث : لا والله ودة من ايه دة ان شاء الله
مروج : لا بلاش النبرة دى والنبى
كل الموضوع انى خايفة على نفسى مش اكتر
لتضحك فريدة قائلة : هحاول اصدقك
بس مقولتليش
فارس عمل معاكى ايه؟