UNICODE//
ညည့်နက်နေပေမဲ့ မီးရောင်ဖွေးဖွေးဖြင့်ခြံဝန်းတစ်ခုလုံးလင်းထိန်နေသည်မှာနေ့အလား။
ချိန်းအိမ်ထဲရောက်တော့ဖုန်းပြောနေတဲ့မေ့မေ့အသံကိုကြားနေရသည်။
"ဟုတ်တယ်မမ သေချာချန်ပေးထားတယ်"
"......"
"အရောင်လေးကညီမလေးနဲ့ဆိုလိုက်တယ်"
"......"
"ဒါဆိုကုန်တိုက်မှာမတင်တော့ဘူး ညီမလေးဆီကိုပဲ တိုက်ရိုက်ပို့လိုက်တော့မယ်..ရပါတယ်ဒီလူနဲ့ဒီလူကိုအားနာနေစရာမလိုပါဘူး.."
ဖုန်းပြောနေရင်းသူ့ကိုမြင်တော့ နေဦးဆိုတဲ့သဘောနဲ့ လက်ကာပြသည်။ ထို့နောက်ထိုင်နေဟုဆိုကာ လက်ညှိုးနဲ့ဆိုဖာပေါ်ကို တဆက်ထဲညွှန်ပြသည်။
ချိန်းခြေလှမ်းတွေရပ်ပစ်ပြီး ဧည့်ခန်းကဆက်တီဆီသို့ မျက်နှာမူသည်။ထို့နောက်ခြေလှမ်းလာပြီး ဆက်တီရဲ့ဘေးခုံမှာဝင်ထိုင်သည်။
"ဒါဆိုလဲ ဒါပဲနော် မမဖုန်းချလိုက်တော့မယ်"
ပြောပြီးသူ့ဘက်ကိုပါ တစ်ခါတည်းကြည့်လာသည်။
မေ့မေ့မျက်နှာကိုသူ တည်ပြီးကြည့်လိုက်လျှင်...
"သားကိုမေမေကခုမှတွေ့ရတာဆိုတော့ မေမေ့ဆီမှာသားကိုမေးစရာတွေရှိနေတယ်...သားဘာတွေလုပ်နေတာလဲ ချိန်း"
ချိန်းမျက်နှာကရှုတည်တည်နှင့်ဘာမှပြောမလာတော့ သူမကပဲဆက်၍...
"ချိန်း..သားကိုမေမေပထမဆုံးပြောချင်တာက သားလောင်းကစားပါ ဝါသနာပါနေပြီလား ဟင် ပြောပါဦး..သားကိုဆိုးတယ်ကောင်းတယ်လို့မေမေတို့ ဝင်မပြောဘူးဆိုတာသားကိုဂရုမစိုက်တာမဟုတ်ဘူး...သားကိုမေမေတို့ကလွတ်လပ်ခွင့်အပြည့်ပေးထားပြီးသား သားရဲ့လူငယ်ဘဝကိုမေမေတို့ကဝင်ပြီးမစွက်ဖက်ချင်လို့ သားပျော်ရာလုပ်ပါစေဆိုပြီးမေမေတို့ကလွှတ်ထားပေးတာ သားဘိုးဘိုးကလည်းသားကိုချုပ်ချယ်ရင်မကြိုက်ဘူး သားကိုဆူရင်မကြိုက်ဘူး ဒါပေမယ့်မေမေကတော့ပြောရမှာပဲငါ့သား"
ဆက်တိုက်ပြောပြီးမောသွားဟန်ဖြင့်ခဏရပ်ပြီးမှမေးလာသည်။
YOU ARE READING
Because of You
Romanceပြောင်းလဲခြင်းတွေဟာဘယ်အချိန်ကတည်းကစတင်ခဲ့တာလဲ...။ ကိုယ့်အတွက်ကတော့ မင်းနဲ့မှ...။ ချစ်မိပြီဆိုလျှင်...။ ေျပာင္းလဲျခင္းေတြဟာဘယ္အခ်ိန္ကတည္းကစတင္ခဲ့တာလဲ...။ ကိုယ့္အတြက္ကေတာ့ မင္းနဲ႔မွ...။ ခ်စ္မိၿပီဆိုလၽွင္...။
