UNICODE//
"ပုံဆောင်ထွက်ခဲ့ကွာ"
"မင်းဘာလာလုပ်ပြန်တာလဲ..."
"မင်းကရော အဲ့ရေချိုးခန်းကြီးထဲမှာပဲထာဝရနေသွားတော့မလို့လား"
ဟိုအရင်တုန်းကတော့ ကိုယ့်အခန်းထဲကိုဆိုမလာချင်တာလိုလို ဘာလိုလိုမလို့ စိတ်ထဲမှာ ကသိကအောင့်ဖြစ်ခဲ့ရတာပါ။ယခုများတော့...။
ချိန်း ရေချိုးခန်းတံခါးရှေ့မှာ တောက်တဲ့လိုကပ်နေသည်။ပုံဆောင်ရေချိုးနေတုန်းရောက်လာပြီး ဘယ်ကိုမှမသွားတော့ပဲ သူ့အခန်းထဲမှာပဲဟိုလျှောက်သည်လျှောက်လုပ်နေသည်။
"ငါမင်းကိုမမြင်ဖူးတာမှမဟုတ်တာ"
"မရဘူး..အင်္ကျီလှမ်းပေးမှာလား...မင်းဒီအခန်းထဲကခဏထွက်မှာလား ဒါပဲပြော"
"ဟားးးပြဿနာပဲ လူကိုနှာဗူးများထင်နေတာလား"
ပုံဆောင်မမြင်နိုင်တဲ့တံခါးတစ်ဖက်မှာ ချိန်းခေါင်းကိုပွတ်လိုက် ခါးထောက်လိုက် ကျွတ်သတ်လိုက်နှင့် ရေချိုးခန်းတံခါးကိုစိုက်ကြည့်နေသည်။
"မင်းရှိနေတာကို ငါဘယ်လိုထွက်ရမလဲ ပြီးတော့ခါးမှာတပတ်တစ်ထည်ပဲပတ်ထားရတာကွ..ချမ်းနေပြီဟ"
"အဲ့ဒါထွက်လာခဲ့ပါလား ငါမကြည့်ရင်ပြီးတာပဲကို"
ပုံဆောင် ချိန်းပြောတာကို ကြားပြီးထွက်လိုက်ရမလို အင်္ကျီပဲဆက်တောင်းနေရမလို။ကြည့်တာကပြဿနာမရှိ တကယ်လို့ ဒီပုံစံနဲ့သာထွက်သွားပြီး နှစ်ယောက်သားကထိမိငြိမိသွားကြရင် အနည်းဆုံးဟိုထိဒီထိနဲ့လက်လေ့ကျင့်ခန်းလောက်တော့ဖြစ်သွားကြမှာ။ပုံဆောင်ဘာလုပ်ရမှန်းမသိတော့ပဲ ရေစိုနေတဲ့ခေါင်းကိုလက်ဖြင့်ပွတ်ချလိုက်ပြီး...၊
"ချိန်း ဟိုဘက်လှည့်နေ ငါထွက်လာပြီနော်"
"လူကိုအဲ့လောက်တောင် ယုံရလားကွာ...စိတ်ချမင်းကိုလုံးဝမထိဘူး.."
ချိန်းပြောလည်းပြော ဟိုဘက်ကိုပါတစ်ခါတည်းလှည့်ထားလိုက်သည်။
"ထွက်ခဲ့တော့"
ပုံဆောင်ရေချိုးခန်းတံခါးကိုလှပ်လိုက်တော့ ချိန်းပြုံးလိုက်သည်။သူ့ကိုတွေ့ရဖို့အရေးက လွယ်မနေခဲ့ပါ။ဟိုအရင်ကတည်းက သူကအပြင်ထွက်တတ်တဲ့သူသိပ်မဟုတ်တော့ ကိုယ့်မှာ သူ့ကိုတွေ့ရဖို့အရေးဆို သူ့အိမ်မလာလို့ကမရ။
YOU ARE READING
Because of You
Romanceပြောင်းလဲခြင်းတွေဟာဘယ်အချိန်ကတည်းကစတင်ခဲ့တာလဲ...။ ကိုယ့်အတွက်ကတော့ မင်းနဲ့မှ...။ ချစ်မိပြီဆိုလျှင်...။ ေျပာင္းလဲျခင္းေတြဟာဘယ္အခ်ိန္ကတည္းကစတင္ခဲ့တာလဲ...။ ကိုယ့္အတြက္ကေတာ့ မင္းနဲ႔မွ...။ ခ်စ္မိၿပီဆိုလၽွင္...။