UNICODE//
"ငါ့ညီကို တကယ်ကို အားလည်းနာပါတယ် ကျေးဇူးလည်းတင်တယ်"
လူကလည်းအသံနောက်မှာ တစ်ခါတည်းပါလာသည်။သူလည်းထရပ်လိုက်ပြီး...၊
"ကိစ္စမရှိပါဘူး ကိုရဲတို့ရောက်ပြီဆိုတော့ ကျွန်တော်ပြန်တော့မယ်"
"နေပါဦး"
"နေပါဦးသားရယ်"ဆိုပြီးပါလာတဲ့အန်တီတစ်ယောက်ကပါပြောလာသည်။
"အန်တီက မိုးထိမြင့်မားရဲ့အဒေါ် ဒေါ်လေးလေးမြင့်မား၊ပြီးတော့ သားအန်တီနဲ့ကလည်းမိတ်ဆွေတွေလေ၊သားလေးကိုတော့ မတွေ့ဖူးဘူး မခမ်းနဲ့ ဆူးရင့်ကိုတော့အန်တီသိတယ်သားလေးကိုတကယ်ကျေးဇူးတင်ပါတယ်နောက်မှဘဲ သားအန်တီမြတ်တို့ဆီကိုလာဦးမယ် သားရယ်ပြန်ထိုင်ပါဦး ဧည့်ဝတ်တောင်မကျေရသေးဘူး"
အန်တီကသူ့ကိုနှုတ်ဆက်ပြီး ကိုရဲကတော့သူ့ညီနားရောက်သွားသည်။
"ညီငယ် မင်းဘာဖြစ်လို့ ငါ့ကိုမပြောတာလဲ ဟမ်.."
မြင့်မားကဘာမှဆက်မပြောတော့ ကိုရဲကချည်းဒိုင်ခံပြောရင်းဆူတော့သည်။
"ဒီလောက်နေမကောင်းဖြစ်တာကို မသိရဘူး"
"ဦးထွန်းသာမပြောရင် ငါတို့သိလိုက်ရမှာတောင်မဟုတ်ဘူး ပြီးတော့ စက်ဘီးစီးသွားတာစက်ဘီးပြန်ပါမလာဘဲ ကားငှါးစီးလာပြီးကားထဲကတောင်ဆွဲထုတ်ရတယ်တဲ့"
"ပုလင်းတောင်ချိတ်ရသေးတယ်"
စကားပြောလိုက်တော့သူ့အသံကအက်ရှနေသည်။
ပုံဆောင်ကတော့ ဘာမှမပြောဘဲဒီတိုင်းလေးပဲရပ်နေသည်။ပြန်လည်းမထိုင်တော့ဘဲ ပြန်ဖို့အရေးဘယ်လိုဘယ်ပုံပြောရမလဲဆိုတာသာ ခေါင်းထဲမှာ အချက်ပေးနေသည်။အန်တီကသူ့ကိုကြည့်ပြီး...၊
"အဲ့ခွေးစုတ်လေးဂြိုလ်မွှေတာလေ၊လေဆိပ်ကနေ ကားကိုလည်းဇွတ်ကိုမောင်းလာရတာ၊တကယ်ကိုပြန်မပြောနားမထောင်ဘဲ သူလုပ်ချင်ရာလုပ်သွားတာ"
အန်တီကပြောရင်းနဲ့ မြင့်မားနားကိုရောက်သွားပြီး နားရွက်ကိုလိမ်ဆွဲသည်။
"အားးနာတယ်နာတယ် အန်တီလေးကလေ လူမမာကိုလည်းလိမ်ဆွဲတာပဲနော်"မြင့်မားကခေါင်းကိုလက်ဖြင့်ကာလိုက်၊စောင်းလိုက်လုပ်ရင်း လက်ချောင်းတွေနဲ့ သူ့အန်တီလေးလက်ကိုဆွဲဖယ်သည်။
YOU ARE READING
Because of You
Romanceပြောင်းလဲခြင်းတွေဟာဘယ်အချိန်ကတည်းကစတင်ခဲ့တာလဲ...။ ကိုယ့်အတွက်ကတော့ မင်းနဲ့မှ...။ ချစ်မိပြီဆိုလျှင်...။ ေျပာင္းလဲျခင္းေတြဟာဘယ္အခ်ိန္ကတည္းကစတင္ခဲ့တာလဲ...။ ကိုယ့္အတြက္ကေတာ့ မင္းနဲ႔မွ...။ ခ်စ္မိၿပီဆိုလၽွင္...။
