وبعد ما النور اتقطع حسّيت بإحساس غريب ان أنا عريان وجسمي بارد
الله ايه دة أنا فين ؟؟؟
أنا في المستشفى 😳
ايوة وفي غرفة العمليات والدكتور عمال يصرخ في طقم الممرضين
وهما بيعملوا ليه ضربات بجهاز الكهرباء عشان اتنفس
وأنا قاطع النفس في غرفة العمليات
الله أمال ايه المشرحة اللي انا كنت فيها دي ؟؟؟
فجأة لاقيت نفسي في نفس الغرفة اللي كنت فيها من شوية
ودخل نفس الاتنين اللي اخدوا جثة وطلعوا بيها
وجم وقربوا على اللي جمبي واخدوه
وبصوا عليه وقالوا لسه دوره مجاش
سيبوه لما نشوف ها نعمل فيه ايه
وأنا قاعد جمب جثتي
فجأة لاقيت واحد قاعد جمبي وبيقولي انت خايف مش كدة ؟؟؟
انت مين وازاي شايفني
أنا شايفك عشان أنا زيك ؟؟؟؟
مش فاهم
اقولك انت دلوقتي بين عالمين
لا انت صاحي ولا انت ميت
😳😳
ايوة ما تستغربش
عالق في منتصف الطريق
لا منك موت ولا منك عايش
اصبر وما تستعجلش ها تعرف مصيرك قريب
الله يعني أنا موت وانت كمان ميت ؟؟؟
ما اقدرش اقولك غير كدة لأن دة أقرب وصف لحالتنا الغريبة دي
طب انت هنا من زمان
مش فاكر أنا هنا بقالي فترة لكن مش عارف اد ايه ؟
طب ايه المكان دة
دي المشرحة
وبنعمل هنا ايه ؟؟
مش عارف
كل اللي اقدر اقولك عليه اسكت واتفرج وبس متحاولش تلفت انتباه الممرضين اللي بيدخلوا علينا
اشمعنى هما ها يعملوا ايه اكتر من اللي حصلي ؟؟؟
لا دول يقدروا يقطعوا جثتك حتت صغيرة
اسكت واهدى كدة
حاضر بس تقدر تقولي جثتك فين انت كمان ؟؟
جثتي مش موجودة هنا جايز تكون في مكان تاني لكن أنا مش عارف هي فين ؟؟
ربنا يعطرك فيها اكيد في حته قريبة من هنا ...
فجأة لاقيت نفسي طرت فوق المكان اللي كنت فيه ووصلت للسما وشوفت النجوم بعيني وكنت حاسس ان روحي خفيفة جدا وبتتحرك بحرية وبدأت أقرب من شخص ملامحة ما كانتش باينة لغاية ما بدأت اشوف مين دة الله الله دة أبويا اللي مات من سنين ....
واول ما قربت منه زقني جامد وقالي لسه بدري ايه اللي جابك دلوقتي لسه معادك مجاش ارجع لمكانك
فجأة لاقيت نفسي بدأت اتنفس واحس بالاكسچين داخل وخارج من صدري وأنا سامع اللي حواليه في
غرفة العمليات وكل اللي حواليا بيقولوا الحمد لله فاق فاق
ومش قادر افتح عيوني ولا افوق
وبعد كدة حصل
وللحديث بقية ....
#Rehab
أنت تقرأ
قصص رعب حقيقية قصيرة من واقع حياتي الشخصية ( متجددة)
Horrorقصص من الواقع الحقيقي الذي نعيش فيه ولكنها قصص مرعبة فمن يملك قلب يتحمل الخوف يدخل للقراءة وللعلم كل قصصي يا تعرضت لها شخصيًا أو نقلتها من أفواه أصحابها اتمنى لكم قراءة ممتعة .
