قد سردت في الجزء الأول عن بعض الأشياء الغريبة التي حدثت معي شخصيًا وفي هذا الجزء استكمال لبعض الأشياء التي حدثت مع زوجي وليس معي فقط ففي يوم كان زوجي نائمًا ومستغرق في النوم
وجدته مرة واحدة استيقظ وأخذ ينادي بإسمي بصوت عالي وهو مضطرب فهرولت إليه وسألته
في ايه مالك بتزعق ليه ؟؟؟انت مش كنت نايم تعبان ايه اللي صحاك دلوقتي الوقت لسه بدري !!!
فوجدته ينهج وعلى جبينه بعض من قطرات العرق وقال لي بالحرف الواحد في حد حط ايده على ضهري
ازاي مش فاهمة يعني ايه ؟؟
في حد حط ايده على ضهري وكانت زي كف الايد بس سخنه
؟؟؟😳😳
قلت له : انت بتتكلم بجد ؟؟
هو في الكلام دة هزار انتِ عارفة ان نومي خفيف وأي حاجة بتحصل بحس بيها وبصحى على طول
طب متقلقش صلي على النبي واستعيذ بالله من الشيطان الرچيم ونام
وقومت بالطبطبة على جسده لعله يهدأ وينام مع قراءة بعض من آيات القرآن الكريم
وبعد ذلك بيومين وجدت زوجي ينادي يا ماما تعالي سيبي اللي في ايديك وتعالي
قلت له ثواني بغسل المواعين
فأجاب سريعًا قولتلك سيبي اللي في ايديك وتعالي بسرعة
فهرولت اليه لعل هناك امرًا
فقال لي زوجي الحبيب ضعي يدك هنا
فوضعت يدي على مكان ما في كنبة الانترية
فوجدتها ساخنة فاستغربت ورددت
انت جايبني عشان احط ايدي على الكنبة في ايه
قالي يعني مش عارفة ؟؟؟
قلت : لا
قالي زي ما يكون حد كان قاعد هنا بقاله فترة الكنبة بتغلي !!!
فقلت عادي مين كان قاعد جمبك من الولاد
قالي مفيش
مفيش ازاي !!!
بقولك مفيش امال انا ناديتك ليه !!!!
فكان رد فعلي كالآتي
قوم من هنا ووضعت يدي على المكان الساخن وبدأت اقرأ قرآن بصوت عالي وبعد ذلك ذهبت للمطبخ احضرت ماء وقرأت عليه قرآن وقمت برش المكان بالماء البارد الذي قرأت عليه المعوذتين والاخلاص وآيه الكرسي وآخر آيتين من سورة البقرة
وعزمت على أن اقوم باستبدال هذا الانترية بآخر ولكن ما حدث بعد ذلك كان اغرب .
يتبع .........
#Rehab
أنت تقرأ
قصص رعب حقيقية قصيرة من واقع حياتي الشخصية ( متجددة)
Horrorقصص من الواقع الحقيقي الذي نعيش فيه ولكنها قصص مرعبة فمن يملك قلب يتحمل الخوف يدخل للقراءة وللعلم كل قصصي يا تعرضت لها شخصيًا أو نقلتها من أفواه أصحابها اتمنى لكم قراءة ممتعة .
