النهاردة هاكمل معاكم الحكاية اللي بدأت اكتبها وكنت وصلت في الجزء الاول والثاني ان انا سمعت حد بينادي عليه بصوت عالي وطلعت وما لاقتش حد وولادي بيقولوا ماما وبردوا ما لاقتش حد واللي زاد موضوع ان زوجي حد حط ايده على ضهره وايده كانت سخنة وما كانش حد معاه في الأوضة
والأغرب ان احلامه كلها بيجري وراه جن وعفاريت وكلاب سودة وديما اصحية من النوم مفزوع واهديه والاسوء اني بقيت كل ما اشغل سورة البقرة وابخر البيت الدنيا تقوم ما تقعدش البيت يولع حريقة وبدأت اشوف خيالات بنفسي مع اني مش بشوف اصلا وديما ما بخافش لان بابا الله يرحمه كان بيقولي ما عفريت الا بني ادم يعني احنا اصل كل حاجة وحشة في الدنيا وان الناس وظلمها لبعض بقت اسوء من الجن نفسه يمكن الجن بيهرب من بعض البيوت اللي ما يقدرش يتعايش فيها
المهم كمان بقيت اشوف كأن في حاجة بفرو بتنط من فوق الباب بتاع اوضتي وساعات بتجري بسرعة قوي في الارض وما بلحقش اشوفها كويس وكل ما اجي ابص تاني ما الاقيش حاجة لغاية ما في يوم النور اتقطع عندي كان في اصلاحات وشغلت الشمعة ولاقيت خيال حاجة كبيرة واقفة على باب الاوضة بصراحة قولت الدنيا ليل والشيطان شاطر ودي وسوسة شيطان واستعذت بالله منه وقريت أذكاري
وعديت الموقف قولت الخوف بيخلي كل شئ ممكن في عقل الإنسان ودي حاجة طبيعية وعديت الموقف
أنت تقرأ
قصص رعب حقيقية قصيرة من واقع حياتي الشخصية ( متجددة)
Terrorقصص من الواقع الحقيقي الذي نعيش فيه ولكنها قصص مرعبة فمن يملك قلب يتحمل الخوف يدخل للقراءة وللعلم كل قصصي يا تعرضت لها شخصيًا أو نقلتها من أفواه أصحابها اتمنى لكم قراءة ممتعة .
