أنا المدعو حامد أحكي قصتي مع شبح البيت القديم تعالوا شوفوا حكايتي ايه مع البيت دة
من زمان وأنا صغير كنت بروح لبيت جدي مع بابا وماما في كل آخر أسبوع نقعد معاه شوية وأشوف عمي وعمتي وكنت بنزل ألعب مع أخواتي في الشارع
وولاد الحتة كورة وفي مرة أنا شوطت الكورة شوطة جامدة وللأسف الكورة دخلت البيت القديم المهجور اللي جمب بيت جدي وبقاله سنين محدش سكن فيه وكل ولاد الحتة بيخافوا من البيت دة فقعدوا زعلانين مني وقالوا الكورة ضاعت خلاص ومش ها نعرف نكمل الماتش ، فقلت لا ما ضاعتش أنا هادخل أجيبها من جوة البيت .
رد عليه واحد من صحابي وقالي إياك تفكر تدخل تجيبها دة البيت مسكون بالعفاريت ومحدش بيقدر يهوب ناحية البيت دة ويا عم في داهية الكورة خلينا نجيب واحدة تانية خلاص ميهمكش
قولت أنا مبخافش وهادخل يعني هادخل ربنا الحافظ لينا وفعلا سميت الله وقولت اعوذ بكلمات الله التامات من شر ما خلق ونطيت دخلت البيت وقولت السلام عليكم ورحمه الله وبركاته يا أهل الدار أنا جاي اخد كورتي وماشي في سلام لا ضرر ولا ضرار
اسمحوا لي اخد كورتي
فجأة رد عليه صوت لولا سلامك سبأ كلامك لاكلت لحمك قبل عضامك
انت جاي هنا تزعجنا !!!
أنا بصراحة ما كنتش متوقع اسمع اي صوت او أشوف اي بني ادم فدورت على الصوت ما شفتش حاجة فقلت أنا جاي في سلام ادي كورتي هاخدها ومش هادخل هنا تاني وانا من جوايا مهزوز شوية ولولا تربيتي على اني ما اخافش غير من الله سبحانه وتعالى ما كنتش قدرت ادخل بقلب جامد البيت دة وفجأة لاقيت ملاية بتتحرك كأن حد لابس الملاية وقالي مستني ايه مش لاقيت كورتك اياك اشوفك تدخل هنا تاني أنا صاحب المكان وعارف لو ازعجت منامي هاعمل فيك ايه؟؟
من غير ما تقول انا في حالي وانت في حالك وهالعب بعيد متقلقش بس ليه سؤال
اسأل عايز ايه ؟؟؟
انت مين وكينونتك ايه ؟؟؟
أنا صاحب البيت اللي مات هنا وفضلت روحه متعلقه عايشه في البيت بعد ما موت مخنوق من الغاز واتكتب عليه العيشة هنا لوحدي واي حد بيدخل البيت بأذيه لولا سلامك كنت أذيتك ....
مسكت نفسي شوية وسألته بقلب جامد
طب ومين فتح عليك الغاز وموتك ؟؟؟
انت يهمك في ايه ؟؟؟
كنت عايز اعرف يمكن اقدر اساعد روحك ترقد في سلام ....
كان ليه قريب عايز يموتني عشان يورثني ففتح عليه الغاز بعد ما شربني منوم وموت مخنوق 🥺
ومتسألش تاني كفاية كدة وامشي وقتك خلص خلاص
استنى بس أنا شايفك طيب وعايز اساعدك بجد
يعني انت مش خايف مني ؟؟؟
لا مش خايف قولي قريبك اتقبض عليه وعرفوا انه السبب في موتك
للاسف لا محدش قدر يعرف الموضوع دة
طب وهو فين دلوقتي ؟؟؟
هو حاول كذا مرة يجي البيت وكنت بطلع اخوفه عشان ما يدخلش بيتي لا حي ولا أنا ميت
بس لازم ياخد جزاته قولي عنوانه وتليفونه
ها تعمل ايه ؟؟؟
استنى بس اديني تفاصيل ازاي الاقيه وانا لازم اجيب لك حقك واريح روحك اللي بتتعذب دي
خلاص انا هامشي دلوقتي وارجع لك تاني بعد ما اشوف هاعمل ايه
سلام
#Rehab
أنت تقرأ
قصص رعب حقيقية قصيرة من واقع حياتي الشخصية ( متجددة)
Horrorقصص من الواقع الحقيقي الذي نعيش فيه ولكنها قصص مرعبة فمن يملك قلب يتحمل الخوف يدخل للقراءة وللعلم كل قصصي يا تعرضت لها شخصيًا أو نقلتها من أفواه أصحابها اتمنى لكم قراءة ممتعة .
