#مقابلة_مع_المارد
تبدأ قصتي لما جيت في يوم وسندت على الكنبة قولت أريح شوية وما لحقتش أنام صدقوني أنا ما كنتش نايمة كنت حاسة بكل حاجة حواليا وفجأة لاقيت مارد طلع لي وقالي تعالي انضمي ليه عايزك معايا وقعد يلف حواليا وأنا لا إرادي قولت له ابعد وشاورت له بإيدي يبعد فبص لي وقالي مش ها تقدري عليه يا تيجي في صفي يا هانهي حياتك أو أخليها جحيم ومش ها تقدري تقاوميني
قولت له بدون تردد الصمدية في قلبي والقرآن حاميني وبدأت عيونه توسع وشفايفه تكبر ووشه يطول ويخوفني بكل الطرق وأنا متنحه ومذهولة من شكله ومسكت نفسي وقولت له ما تقدرش وبدأت اقوله اسلم وتعالى طائع وانه لبسم الله الرحمن الرحيم الا تعلو عليّ وآتوني مسلمين وبدأ يصوت ويصرخ ويقولي اسكتي اسكتي بقولك اسكتي وبدأت اقول الصمدية والمعوذتين وهو صوت صريخه كان ها يصيبني بالصمم والطرش وفجأة حسيت بسخونة عالية قوي في جسمي كله وفضلت اقرأ قرآن لغاية ما اختفى فجأة وأنا فتحت عيني فجأة لاقيت جسمي مولع وسخن واللي اكد لي اني ما كنتش بحلم لاقيت كف ايدي عامل نفس الحركة اللي كنت بعملها لاقيتها مرفوعة في وش حاجة كانت قدامي وجسمي احمر قوي والجو نار واللي حصل بعد كدة اكدلي انه كان معايا في نفس الأوضة كان في ريحة مميزة قوي في نفس غرفتي وكنت شماها معاه وانا محدش دخل ولا رش اي عطر من ولادي وما عنديش الريحة دي اساسا وعرفت من يومها إن قدري اتحدد ولازم عليه اقاوم الجن الغير مسلم ودي كانت البداية واللي حصل معايا بعد كدة كان اكبر واصعب ودة هابقى احكيلكم عليه بعد كدة بس اللي عرفاه وفهماه ان المارد دة مسني وساب علامة في جسمي بتخلي اي جن معدي بيبقى عايز يجي يمسني
وإن أنا بقيت مركز جذب للجن والسحرة عشان اساعدهم في حاجات أنا لغاية دلوقتي مش مقتنعة بيها وهابقى احكيهالكم بعد كدة ودائما للحديث بقية
يتبع .....
#Rehab
أنت تقرأ
قصص رعب حقيقية قصيرة من واقع حياتي الشخصية ( متجددة)
Horrorقصص من الواقع الحقيقي الذي نعيش فيه ولكنها قصص مرعبة فمن يملك قلب يتحمل الخوف يدخل للقراءة وللعلم كل قصصي يا تعرضت لها شخصيًا أو نقلتها من أفواه أصحابها اتمنى لكم قراءة ممتعة .
