كلنا عارفين إن في حاجة اسمها خدمة مع بعض الناس
ولو مش عارف تعالى أقولك
الخدمة دي بعض من الجان بيبقوا تحت أمر الانس
وبيقوموا بأعمال خير لعلاج بعض الناس الممسوسين أو بالبلدي اللي راكبهم جن زي ما بيقولوا أو شاربين أعمال وقالبة حياتهم
المهم كنت بكلم واحدة صاحبتي وفتحت السيرة دي وقولت لها
عايزة اروح لشيخ يكون بيعرف يطلع الجن أو يعالج بالقرآن متعرفيش حد ؟؟؟
آه اعرف وشيخ بن حلال قوي وأنا شخصيًا بتعامل معاه من زمان ولا بياخد أبيض ولا أسود لكن لو حبيتي تهاديه حاجة من عندك يعني تديله هدية ودي تبقى منك انت مش مجبرة عليها خلاض اديله
بس ما قولتيش عايزة لمين ؟؟؟
لوحده صاحبتي تعبانة قوي ونفسي اساعدها وفي كرب كبير
ومش عارفة اعمل لها ايه ؟؟؟
خلاص استني كدة ادي يا ستي رقم تليفونه خدي كلميه وقوليله انك من طرفي 010.......
تمام خلاص هاتصل بيه
السلام عليكم ورحمه الله وبركاته
الشيخ .....
وعليكم السلام ورحمه الله وبركاته
أيوة أنا
مبدئيًا أنا ....... من طرف .......
اهلا وسهلًا
لو سمحت أنا عايزة اقابلك ممكن
تمام خلاص بكرة الساعة سبعة بإذن الله
آه عارفة المكان وهاكون هناك قبل الموعد
وعليكم السلام ورحمه الله وبركاته
ها قالك ايه ؟؟؟
اداني موعد بكرة الساعة سبعة بالليل في بيته الدور الأرضي عاملة استراحة وبيستقبل فيه الناس والحالات
آه عارفاه ما اصلي روحتله كذا مرة هناك
ربنا يسهل ويجيب الشفا
يا رب
تاني يوم روحت للشيخ وبصراحة كنت قلقانة جدا
وفجأة لاقيته بيقولي متخافيش أنا عارف انك قلقانة
فبصيت له جامد قوي ازاي عرف
ابتسم وقالي متقلقيش واي سؤال أنا تحت امرك
دخلت وقعدت وقولت له انت عرفت منين أنا بفكر في ايه ؟
عايزة الصراحة
آه
عرفت من قرينك اصله حبوب قوي وتعامل مع قريني بحب
ماشاء الله اصل انت معاكِ خدمة طيبة
خدمة ايه😳
معاكِ حاجات بتحبك وبتحب قاعدتك الحلوة وقرايتك للقرآن ولسماع صوتك وانت بتدعي وتطلبي من ربنا كل حاجة نفسك فيها وكمان بيساعدوكِ
بيساعدوني ازاي ؟؟؟
يعني مثلا انت بتعرفي تقرأي قرآن وتعالجي بيه الناس المريضة ؟؟؟
صح والا لا ؟؟؟؟
ايوة صح بس انت عرفت منين ؟؟؟
ارجع اقولك من قرينك
هو بيقولي كل المعلومات وكمان هو في صفك ديما وبيحاول يعرفك حاجات كتيرة قوي ويرشدك طول ما انتِ ماشية
ممكن توضح اكتر ؟؟؟؟
يعني لو عايزة تروحي مشوار وفجأة تلاقي كذا حاجة بتقولك متروحيش المشوار دة يعني مش لاقية بلوزتك مثلا وتلاقيها اختفت تدوري على طرحتك وتقعدي تلفي عليها في البيت كله ودة مثلا فاهماني
ايوة فاهماك ومستغربة قوي كلامك
انا ديما بمشي بإحساسي في كل حاجة في دنيتي
فاهمك وعارف والله
انت معاكِ نور حاجة حلوة جواكِ بتوريكِ الحاجة الصح من الغلط وربنا كريم قوي قوي
ها ما قولتيش عايزة تعرفي ايه تاني ؟؟؟
عايزة اعرف ايه علاقتي بالقطط والحيوانات بشكل عام ؟؟؟؟
ما أنا قولتلك انت انسانة روحانية عشان كدة بتحسي بالحيوانات على طول وتفهميهم
ايوة فعلا ببقى عارفة القط عايز ايه عطشان أو جعان من غير ما حد يقولي وبقول دي فراسة مني مش اكترأو استنتاج ....
لا يا ست الكل دي مش فراسة دي حاجة فيكِ انتِ بتجذب الحيوانات ليكِ بتخليهم بيحبوكِ ويحبوا قاعدتك جمبهم ودة بسبب قوة الجذب اللي عندك وفي روحك اصلك بني ادمة طيبة قوي وحبوبة وكلك نور وايمان ومعنديش ليكِ كلام تاني خلي علاقتك مع ربنا وبس زي ما انتِ ماشية وديما ساترها عليكِ بسبب كدة
ربنا يعملك كل خير ويجعل الخير في ايدك ويجيب الشفاء على ايديكِ
طب يعني انا مش فيه حاجة ؟؟؟
مين قال كدة
انتِ فيكِ خير وحب وحنان ورحمه بالبني ادم والحيوان بتخلي حياتك احلى واجمل
انت يا مدام مش محتاجة حاجة مني بالعكس أنا اللي محتاج منك دعوة حلوة ليه ان ربنا يكرمني ويعملي كل خير وافضلي اعملي الخير وارميه البحر لانه بيقعد لك ويقعد لاولادك من بعدك صدقيني عمري ما شفت حد نقي زيك قبل كدة ربنا يحفظك بحفظه
اسيبك في رعاية الله
مع السلامة
ودي كانت نتيجة قاعدتي مع الشيخ (ع)
واعترف لكم بسر انا ما كنتش رايحة اعالج حد بالقرآن
لا كنت عايزة اكتشف أنا ايه
فيه ايه وروحي فيها ايه والحمد لله لاقيت الاجابة على اسئلتي
ومشيت وأنا مقررة حاجة اني اساعد اي حد عايز مساعدة لله فقط
ودي كانت بدايتي في الرقية الشرعية لكل حد محسود أو ممسوس وربنا يقدرني على فعل الخير ديما .
#Rehab
أنت تقرأ
قصص رعب حقيقية قصيرة من واقع حياتي الشخصية ( متجددة)
Horrorقصص من الواقع الحقيقي الذي نعيش فيه ولكنها قصص مرعبة فمن يملك قلب يتحمل الخوف يدخل للقراءة وللعلم كل قصصي يا تعرضت لها شخصيًا أو نقلتها من أفواه أصحابها اتمنى لكم قراءة ممتعة .
