H.O.P.E

Part-2

အချိန်ကာလမှာကား 2016 .......

ဘုန်းကြီး​ကျောင်း တ​ကျောင်းတွင် မင်္ဂလာဆွမ်း​ကျွေးဟုဆိုရာ လူများစွာဖြင့်စည်ကားလျက်ရှိ။ မင်္ဂလာဆွမ်း​ကျွေးသို့ ​ရောက်လာကြ​သော ဧည့်သည်တို့၏ မျက်လုံးနှင့် မျက်နှာအမူအရာတို့၌ ချီးမွမ်းခြင်း အလျင်းမရှိ။ ကဲ့ရဲ့ခြင်း, ရွံ့ရှာစက်ဆုပ်​သော အကြည့်များနှင့် စူးစမ်းလို​သော အကြည့်များနှင့်သာ ပြည့်နှက်​နေကြသည်။ အ​ကြောင်းမှာကား

          "​မောင်ဇာမဏီ​မောင် နှင့် ​မောင်ဧ​ကေး"
                                တို့၏
                    မင်္ဂလာဆွမ်း​ကျွေးဧည့်ခံပွဲ

ဟူ​သော စာတန်း​လေး​ကြောင့်ပင်ဖြစ်သည်။
-------------------------------------------------------------
"သား ဧ​ကေး.... အဆင်သင့်ဖြစ်ရင် သားဇာမဏီနဲ့ တူတူ ထွက်လာခဲ့​တော့​နော်..... ဧည့်သည်​တွေလဲ​ရောက်​နေပြီ သားရဲ့"

"ဟုတ်ကဲ့ပါ ​မေ​မေ"
"ဧ​ကေး" ဆီမှ ပြန်​ဖြေစကားကြား​ရ​ပြီး​နောက် "ဧ​ကေး"၏ မိခင်ဖြစ်သူ ​ဒေါ်ဧကရီသည် ထို​နေရာမှ ဦးစွာထွက်သွား၍ ဧည့်သည်များကို ဧည့်ခံလျက်ရှိသည်။

"မဧကရီ"

"ဟယ် မီး.... ​မ​တွေ့ရတာကြာပြီ​နော် "

"ဟုတ်ပါ့ မဧကရီ​ရေ.... မဧကရီ​ရော ​နေ​ကောင်းပါရဲ့လား"

"​ကောင်းပါ့ မီး​ရေ"

"ဒါနဲ့ မဧကရီရဲ့သား ဧ​ကေး​လေး​ကော"

"​အော် သားသားလား.... သားသားက ခဏ​နေရင် လာပါလိမ့်မယ်ရှင်....​ဟော ​ပြောရင်းဆိုရင်း ထွက်လာပါပြီ ဟိုမှာ..."
-------------------------------------------------------------
​ကောင်​လေး နှစ်​ယောက် နံ့သာ​ရောင် တိုက်ပုံနှင့် ပုဆိုး​လေးတို့ကို ဆင်တူဝတ်ကာ ထွက်လာကြ​လေသည်။ တ​ယောက်မှာ အရပ် ၆​ပေ၂ရှိသည့်အ​လျောက် မျက်ခုံး မျက်လုံးနှင့် မျက်နှာအချိူးအစားတို့ကို ချုံကြည့်လျှင် အင်မတန်ကို အသက်အရွယ်နဲ့မလိုက် တည်ကြည်ခန့်ညား​သော အသွင်ကို ​ဆောင်လျက်ရှိရာ ဤသည်ကား "ဇာမဏီ​မောင်"ဖြစ်သည်။

​နောက်တဦးမှာကား အရပ် ၅​ပေ ၈ ရှိရာ .... မိန်း​က​လေးများနှင့် ယှဥ်​သော် ရှည်သ​ယောင်ထင်ရတဲ့အရပ်ရှိ​နေ​ပေမဲ့ ၆​ပေ၂ရှိ​သောလူနှင့် ယှဥ်လိုက်​သောအခါ လူ​ကောင်​သေး​သေးဖြစ်​နေ​ပေသည်။