H.O.P.E

Part-14

မိုး​တွေ အရမ်းသည်း​နေ​သော်ငြားလည်း
​ဇာမဏီ​မောင် ပြန်မလာ​သေး၍ ဧ​ကေး၏ စိုးရိမ်မှုတို့သည် အတိုင်းထက်လွန် မြင့်တက်လျက်ရှိ​နေသည်။

လျှပ်စီးများ နှင့် မိုးကြိုးများ​ကြောင့် ​ကြောက်လန့်စိတ်ဖြစ်​ပေါ်​နေမိ​သော်လည်း  ဇာမဏီ​မောင့်အ​ပေါ် စိုးရိမ်ကြီးစိုးမှုက အနိုင်ယူသွား​နေပြန်သည်။

ထိုစဥ်တွင်

"ဒုန်း ဒုန်း ဒုန်း!!!!!!"

အခန်းတံခါးအား ဆက်တိုက်ဆိုသလို ​ထု​နေ​သော​ကြောင့် ဧ​ကေးတ​ယောက်အခန်းထဲမှ ​နေ၍

"ဘယ်သူလဲ....​မောင်လား"

​မေးသံကို ပြန်မ​ဖြေပဲ တံခါးအား ဆက်လက်ထု​နေရာ

"ဒုန်း ဒုန်း!!!! ​​ပိုး​ရေ ကို့ကို  အခန်းတံခါး လာဖွင့်​ပေးပါဦး ပိုး​ရေ ​အေ့"

​ဇာမဏီ​မောင့်အသံကြားသည်နှင့် တပြိုင်နက် ဧ​ကေးအခန်းတံခါးကို သွားဖွင့်​​ပေးလိုက်ရာ တကိုယ်လုံး မိုး​ရေများဖြင့် စိုရွှဲ​နေ​ကာ အရက်နံ့​တွေဖြင့် မွှန်ထူ​နေ​သော ဇာမဏီ​မောင်အား ​တွေ့လိုက်ရ​တော့​လေသည်။

"ဟင်...​မောင်....ဘယ်လိုဖြစ်လာတာလဲ တကိုယ်လုံးလဲ စိုရွှဲလို့ပါလား "

" ဟီးဟီး....ပိုး....ကို့ရဲ့ ပိုး​လေး.... ဘာလို့ကိုယ့်ကို အကြာကြီးပစ်ထားတာတုန်း ပိုးရဲ့...​အေ့...ကိုက ပိုးကို လွမ်း​နေတာ"

ကိုယ်ချစ်ခင်မြတ်နိုးရပါ​​သော လူ၏နှုတ်မှ တခြားသူတ​ယောက်ကို လွမ်းဆွတ်​နေ​ကြောင်း ​ပြော​နေ​သော​ကြောင့် ဧ​ကေး စိတ်မ​ကောင်းဖြစ်​နေမိသည်။

ပိုးနန်းဖြူဆိုတဲ့ မိန်းက​လေးက သိပ်ကိုကံ​ကောင်းတယ်....​မောင်ရဲ့ မူးပြီးအသိစိတ်ကင်းလွတ်​နေတဲ့အချိန်ကာလမျိူးမှာ​တောင် ​မောင့်ကိုလွှမ်းမိုးနိုင်စွမ်းရှိ​နေတာ....

မင်းကို အားကျမိတယ် ပိုးနန်းဖြူ။

အ​တွေးများသည် ဇာမဏီ​မောင်၏ ကြီးမား​လေးလံ​နေ​သော ခန္ဓာကိုယ်ကြီး ဧ​ကေး​ပေါ်ပြုတ်ကျလာ​မှသာ ရပ်တန့်သွားမိသည်။