H.O.P.E

Part-6

ဧ​ကေးတ​ယောက် မနက်က မြင်​တွေ့ခဲ့ရတဲ့ မြင်ကွင်း​ကြောင့် အ​တော်​လေးစိတ်​ထွေပြား​နေခဲ့သလို ဝမ်းနည်း​နေမိတယ်။

ကမ္ဘာ​ပေါ်မှာ အမုန်းဆုံးလူသားနဲ့ အမုန်းဆုံးလုပ်ရပ်​တွေကိုပြပါဆိုရင် ငါ့ ​​​ဖေ​ဖေနဲ့ ​အိမ်​ထောင်​ရေး​ဖောက်ပြားမှုဆိုတဲ့ လုပ်ရပ်ကို ငါပြရလိမ့်မယ်။

တပါးသူမိသားစု မျက်ရည်​ပေါက်ကြီးငယ်ကျမှ ​နေသာထိုင်သာရှိတဲ့ မိန်းမပျက်​တွေကိုလဲ ငါမုန်းတယ်​ မောင်။

ဒါ​ကြောင့်မို့လို့ ​မောင်လဲ ငါ့အ​ပေါ်အဲ့လို မလုပ်ဘူးလို့ ငါယုံကြည်ထားတယ်။ ငါ့ကို ကြိုက်သ​လောက် မုန်းနိုင်တယ်​ ​မောင်။ တခု​တော့ရှိတယ် ငါ အမုန်းဆုံးလူသားလုပ်သွားတဲ့ လုပ်ရပ်မျိူး ​မောင် မလုပ်မိဖို့ ငါ ​မျှော်လင့်တယ်။

-------------------------------------------------------------

ဇာမဏီ​မောင် တ​ယောက် ရုံးဆင်း​တော့ ​ပေါ့ပါးလန်းဆန်းပြီး တက်ကြွတဲ့​ခြေလှမ်း​တွေနဲ့ အိမ်ပြန်လာခဲ့တယ်။

"Knock Knock"

တံခါး​ခေါက်သံကြားလို့ နာရီကြည့်မိလိုက်​တော့ ဧ​ကေးတ​ယောက် ​မောင် ပြန်လာပြီဆိုတာ သိပြီး တံခါးသွားဖွင့်​ပေးလိုက်တယ်။

"​မောင် ပြန်လာပြီလား....ထမင်းစား​တော့မလား ​မောင်"

ဧ​ကေး မျက်နှာမြင်လိုက်သည်နှင့်တပြိုင်နက် ဇာမဏီ​မောင်တ​ယောက် ရုတ်ချည်းမျက်နှာက ခက်ထန်သွားကာ

"​မောရတဲ့ကြားထဲမှပဲဗျာ....-ီးလိုပဲ စကား​တွေမနားတမ်း​ပြော​နေတာ.... ​ရုံးကပြန်လာရင် ​ရေအရင်ချိူး​နေကြဆိုတာ ခင်ဗျားမသိလို့လား"

ဧ​ကေး တ​ယောက် ပြုံး​ပျော်​နေတဲ့မျက်နှာက​နေ ချက်ချင်း ခက်ထန်သွားပြီး  စကားကို ​အော်ဟစ် ​ပြောဆိုတဲ့ ​မောင့်ကို ​ကြောင်ကြည့်ရင်း

"မဟုတ်ပါဘူး ​မောင်ရဲ့ ....ငါက ​မောင် ဗိုက်များဆာ​နေပြီလားလို့ပါ"

"​စောက်​ရေး မပါတာ​တွေ ​ပြော​မ​နေစမ်းပါနဲ့ဗျာ....ရွံဖို့​ကောင်းတယ်"

"........"

"ဒါနဲ့ ​နေပါဦး ....ခင်ဗျားက ကျူပ်ပုံမှန်လုပ်​နေကြ အလုပ်​တွေကိုလဲ ​မေ့တယ်.... ကျူပ်​ဝေယာ​ဝစ္စ​တွေကိုလဲ ​မေ့တယ်ဆို​တော့ ခင်ဗျား​ခေါင်းထဲ ကျူပ်အပြင် တခြား ဘယ်လင်ငယ်ရှိ​​နေ​သေးလို့လဲ ​ပြောစမ်းပါဦး"