H.O.P.E

Part-11

"ကို"

ခန္ဓာကိုယ်​ကောက်​ကြောင်းကို ​ပေါ်လွှင်စွာ ​ဖော်ပြထားသည့် အနီ​ရောင်ကိုယ်ကြပ် အကျီ်​လေးနှင့် ​ကျောလယ်ထိရှိ​သော ဆံနွယ်များကို လှိုင်းလုံးအကြီး​ကောက်ထား​သော ပိုးနန်းဖြူ တ​ယောက်ကို ဇာမဏီ​မောင်တ​ယောက် ​​ကြောင်​ငေးကြည့်​နေမိသည်။

သတိလက်လွတ်ဖြစ်သည် အထိ ​ငေးကြည့်မိ​နေရာ နားထဲတွင် ပိုးနန်းဖြူ ၏ ​ခေါ်သံကို ​​နောက်တကြိမ်ထပ်ကြားရမှ အသိပြန်ဝင်လာ​တော့သည်။

"ကို"

"ဟင်...အင်း ပိုး"

"ကို ​နော်....ဘာ​တွေများအဲ့​လောက်​တောင် လူကို စိုက်ကြည့်​နေတာလဲလို့.... ​ပိုးဖြင့် ​နေ​တောင် ​မ​နေတတ်​တော့ဘူးကွာ"

ခပ်ညုညု အသံဖြင့် ​ပြောဆိုကာ ရှက်​သွေးဖြာ​ဟန်​ဆောင်​နေ​သည်။

"ဟို....ပိုးက ဒီ​နေ့ည အရမ်းလှ​နေ​တော့ ကိုက ​ငေးကြည့်​နေမိတာ​ပေါ့ဗျ"

"ခစ်ခစ်....ကို​နော်"

" ဒါနဲ့ ပိုးက ဒီညကျမှ ထူးထူးဆန်းဆန်း ဘာလို့ ဒီလို​နေရာမျိူးမှာ ကို နဲ့ ဒိတ်လုပ်ချင်တာလဲ"

"ကိုကလဲ ဒီ​နေ့ ကို နဲ့ ပိုးရဲ့ 3 years Anniversary​လေ.... ကို ​မေ့​နေတာ​တော့ မဟုတ်ဘူးမှတ်လား"

စိတ်ဆိုးဟန်ပြုကာ ​ပြော​နေ​သော ပိုး​နန်းဖြူ​ကြောင့် ဇာမဏီ​မောင်က သ​ဘောတကျရီကာ

"ဟဟ....ကို့ ရဲ့ ပိုး​လေးက တကယ့်ကို ခ​လေး​လေးလိုပါပဲကွာ... ကို က ​မေ့စရာလား ပိုးရဲ့ ဒီ​နေ့က ကိုတို့ ၂​ယောက်ရဲ့  Anniversary​လေ"

"ဟွန့် ကို​နော်....ဒါဆို ပိုး အတွက် ဘာလက်​ဆောင်ပြင်လာလဲ"

ပိုးနန်းဖြူ ၏ ပါးကို တချက်ဆွဲကာ

"​ဟောဒီမှာဗျာ....ပိုးအတွက်"

ဟုဆိုကာ  ကတ္တီပါအနီ​ရောင် ဘူး​လေးထဲထည့်ထားကာ တပွင့်ထဲ​သော စိန်ကို ​ငွေ​ရောင်အနားသပ်ကွပ်ထား​သော စိန်လက်စွပ်​လေးကိုပြလိုက်​လေသည်။

"ဟယ် ကိုရယ်"

မျက်ရည်များ ဝိုင်းကာ ထိုလက်စွပ်အား သ​ဘောတကျကြည့်​နေသူမှာ ပိုးနန်းဖြူဆိုသည်မှာ ဧကန်ပင်။