يوسف وقف بسرعة قاطع نور : يا زوله هوووووي .. اسمعوا هنا انا ما عزمتا ايي زول ، اي زول يدفع حق..
قاطعتو و جريتو من يدو : د.شاهندا جايه اوعك تقول شي غبي
يوسف : يازوله شاهندا شنو ، تعزموا عشرين نفر على حسابي ليه النفيدي انا؟
= يوسف ، شاهندا وراك ما تتغابى
يوسف بهدوء : شاهندا !!
= اي
يوسف : جايه !
= إتجاهنا
يوسف : ريما !
= اقسم بالله جد ، احنا طلبنا للكل طعمية
ابتسمتا بخباثة : ما عدا انا و نور طلبنا شاورما ههه ..اما شاهندا فطلبنا ليها معانا عشان وشك قدامه و كده
يوسف بإتسامة ملانه غيظ للكل : بالهنا عليكم اتهنوا ، هذا من فضل ربي
د.شاهندا : د.يوسف
يوسف استجمع قواه و بهدوء اتلفت ناحيته : اهلاً
د.شاهندا : كنت جاية اشكرك ، كرم منك تعزم الكل على حسابك
يوسف : اصلا يعني زي ما قولتي انا كريم ، ف دا ولا ايي حاجة حتى لو كانوا كم و عشرين نفر حا يفلسوا اقصد اكيد مح يفلسوا بي يعني ..!
د.شاهندا : واااااو ، شكلو المال الفي يديك ما حقك
يوسف : لا حقي والله
لكزتو : كلامك صح ، المال الفي يدو فعلا ما حقو و على طول صارف ههه
نور : صح على طول
يوسف : عندي نواحي تانية غير الكرم ، لو تديني فرصة اقرب حاتعرفي
لكزتو بعد نطا
يوسف : ااا اقصد اكيد زي ما قالوا ، اي زي ما قالوا
د.شاهندا : اوكي د.يوسف
يوسف قاطعه : يوسف ، بلاش رسمية احنا زملاء هه
د.شاهندا بضحكة : زي ما تحب يااا يوسف
يوسف : شوفتي يوسف طالعه منك حلوة كيف ؟♡
نور بهمس : هدي يا عممم
د.شاهندا : ههه ،يلا سي يووو
ولفت بتخبتر و مشت بتمايل تنقش تنقش تنقش ..
___
*ملحوظه
شاهندا: الاسم التاني ليها كيم كارديشيان المستشفى اتوقع عرفتو شكلها عامل كيف .. المستشفى كلو حتى المرضى و بذات يوسف مريضين بيها و يوسف يعتبر مريض مستعصى العلاج 🙂💔
____
نور : هيي كفاك حاتريل بعد ده
= يعرفوك واقع
