~ ريما~
فتحنا الباب ، حسيت طلال إتجمد شديت على ذراعو .. عاين لي نظرات بتقول " ما عايز اخش " ..
_ حا نخش سوا تمام !؟
هز راسو " لا"
_ انا معاك و جنبك حانخش سوا يلا اخطي خطوة واحدة بس
ضغط على يدي شديد حسيت أصابعي حا تتكسر من مسكتو .. رفع رجلو بتردد ختت رجلي و هو عمل زي لغاية دخلنا جوة .. عاين للغرفة مسافة قبل يلف و يرجع مسكتو من ذراعو و رجعتو تاني .. مرر يدو في حلقو و انفاسو أتصاعدت .. عرفتو حايخش في حالة هلع مشيت عليه بسرعة و بديت اتكلم معاها ..
= غرفتك حلوة " ما رد لي و اخد وضعيت الركوع و لسه انفاسو بتتصاعد .. ختيت يدي في كتفو ، مسكت يدو عشان يطمن و ما يحس إنو وحيد .. ضغط على يدي و هو بنفس الوضعية .. حنت لمستواه لغاية عيوني جات في عيونو ..
= هنا كنت بتلعب و إنت صغير ؟
بتعلثم و تردد و بصوت خفيت : اي
= دي كلها غرفتك براك ؟
هز راسو : طارق .. معاي طارق
= وين سريرو ؟
_ ما بنوم الا معاي ، واحد
= سريركم واحد !؟
هز راسو و بتنهد : نحنا .. واحد
= انتو واحد صح !♡
هز راسو ورفعو لفوق ، وقف بإستقامة و ضغط على راسو ..
إترددتا شوية قبل اسألو : وين طارق ؟
سكت شوية قبل يقول : مات
فتح اول ذرارة في القميص و ضغط على صدرو .. ختا يدو في حافة الباب عايز يطلع وقفتا قدامو ، رجعتو لورا : طلال الصورة الفي الحيطة حقتك و لا حقت طارق
طلال : زحي لي امش
= ما حاتمشي الا تجاوبني
مسك قلبو واشر بيدو : ريما انا تعبان خليني امش ما قادر اتنفس زحي
= جاوبني وامش
_ على شنو ؟
= الصورة الفي الحيطة تبع منو ؟
_ طارق
= اخدها متين ؟
_ السبت شهر تسعة كان عيد ميلادو و انا الصورتو
= بكاميرتك ؟
_ حقت صحبي
= طارق كان شبهك ؟
رفع اصبعو : نحنا واحد
= مشتاق ليه ؟
هز راسو و هو تاكل بكل ثقلو في الباب عشان يتوازن
= طيب ليه ما بتقعد في الغرفة مش كنتوا بتقعدو هنا ؟
_ امي
