قبل ما تبدوا تقروا التفاعل كل ما ليهو ماشي ناقص هل انا زعلتكم في حاجة ؟ هل الايك بكلف وبياخد منك مجهود ؟ بكتب الرواية بكل حماس لمن اشوف في الاعدادات عدد القروا البارت و عدد الاتفاعلوا بزعل والله .. كونك تتفاعل معاي و تكتب لي تعليق حلو انت كده بتحفزني و بتشجعني .. فما تبخلوا علي بتشجيعكم 💙💙🌻
_____________
من صدمتي نطيت من السرير زي الكنغر .. انا و ميساء عاينا ليها بدهشه .. ما مصدقين ابدًا إن سندس رابح شخصيًا و أخيرًا بعد رفض العرسان عن بُعد .. توافق ، لا و تسمح لواحد يصل البيت !!
ميساء بدهشه : السمعتو ده صح ولا اضاني بقت تقيلة ؟
انا عاملة كده 😳😳😳
سندس بإستغراب : مالكم يجماعة ؟ محسسني قولت لي شيء غريب !
ميساء : هو في غرابة أكتر من البتقولي ده ؟ بجد كده قولتي يجي !!
سندس بإستغراب : وين الغرابه في كده !
ميساء : ريما ! 😳
أتحسست حرارة سندس بيدي : مافي حمة
زحت يدي من جبهتا : يا جماعة !!
= كدي عيدي القولتي تاني
سندس : عايزاني اغير راي ولا شنو ؟
انا+ ميساء في ذات اللحظه : لالالالا خلاص
سندس ضحكت : يلا كلمي
= اكلم منو ؟
_ صهيب !
= اقول لي شنو ؟
_ قولي ليهو تعال
= يجي وين ؟
سندس : شارع النيلين 😒
ميساء : قهوة بمزاج اليييييييلة 💃👏
= إنت السكر أبقى لينا دواء 💃
سندس عاينت لينا بشفقة مسافة : عوضني عوض الصابرين يارب ، بتي و اختي الاتنين !!
قبل تطلع اديتها زغرودته لمت البيت كلو .. شغلنا اغاني ورقصنا عليها انا وميساء .. أنس جا جاري و ما قصر حتى ماما زينب ما قصرت وربتا معانا ولا بت العشرين عيلة تموت في الفارغة🤣💃 الدنيا ما كانت سايعه فرحتي اخيرًا اخييييرًا حا أعرس اخيرًاااااا .. ضربت لي نور فديو كول حكيت ليها الحصل كلو ، كان واخده وضعيه الصدمة ووشها قالب الوان .. ساهرنا لغاية ١ص بنخطط انا و هي .. ألبس فستان و لا عادي .. أتمكيج كيف ، اسرح كيف ..الخ خططنا لكل تفاصيل اليوم ده من أصغر تفصيلة لأكبر تفاصيلة ..نومتا مبسوطة أو بالأصح مرتاحة صحيت بدرييي مشيت المستشفى قبل الطير زاتو .. بجد البايرة لمن تقوم كعبة .. كنت شغالة بنمرة مية .. نشاط و طاقة و بوزع في إبتسامات بلا أسباب ..كل الأيام السبقت الجمعة كانت مشحونة طاقة .. وكل شيء أتحضر في اليوم ده كنت حريصه علي و مشرفة عليه إشراف شخصي ..ما عايزه اي تفصيلة ولو صغيرة تعكر صفو اللحظه .. نور كانت حاضرة اللحظات .. سندس كانت مسؤولة عن العشاء و المقبلات و الحلا بغض النظر عن إني كنت مستغربة تصرفاته و كيف إتغير رأيها بين ليلة و ضحاها ..بس ما حبيت انكد و أصدع بي إكتفيت بعيش اللحظه وبس .. أحيانًا في التغاضي التعافي .
