الرجاء ترك تعليق لطيف أو إنتقاد بناء بعد الإنتهاء من القراءة
~ متابعة ممتعة♡~
________________
**
طلال طلع مع نور برا و هو ماسكها من يدها .. قعدوا برا في جنينة المستشفى ، طلال كان ماسك قشة بلعب بيها بأصابعو و نور جنبو قاعدة في صمت .. بطرف عينو عاين ليها و مسح دموعها بأطراف أصابعو ..وبنبرة ملانه حنان قال ليها : أنا جنبك ما تخافي ♡
لاح شبح إبتسامة على وش نور : إنت ليه ضربتو كف ؟
طلال : حسيت إنك عايزه تعملي كده ..
_________
~ مساءً في مكالمة هاتفية ~
نور : بعد بكرة عاملين لمة في البيت بعد صلاة الجمعة طوالي
= السبب ؟
_ إحتفالاً بطلال اللي قرر يعيش معانا، بابا فرحان شديد جاب خروفين بدل واحد ، شكلو عازم السودان كلو
ضحكت : حليييلك حليييلك و كما قال انوس "سوف ترين نجوم النهار "
ضحكت : انا لمن حسي شوفتا شعاع ، المهم كلمي سوسو و باقي المِلة الجمعه كلها معانا
_ عُلم و ينفذ ..
اتلفت إتجاه ميساء اللي كانت ماسكة تلفونها : نور عازمكم الجمعه عندها
ميساء زحت التلفون من أذنها : عندهم شنو ؟
= كرامة لأخواها
ميساء هزت راسها بسعادة ، رجعت أتكلم مع نور
= أدهم أخبارو شنو ؟
_ أهلو جونا قبيل عملو جووطة و قومها و قعدها ، طلبوا مننا نعتذر قال غلطنا في حق ولدهم !!
= ما تقولي لي إعتذرتوا !؟
_ أكيد لا إنت مجنونة ! المهم إنفصلنا رسمي قدام أهلي و أهلو ، أدهم عمل فيلم و هدد طلال ، و طلال يعجبك في شغل المحامة قال ليهو العملتو في اختي عادي أسجنك بيه ..أدهم كجبان خاف و فورًا إتسحب وبس ده الحصل
= ما زعلانة علي !؟
_ منو المفروض يزعل على التاني يا ريما !؟
= ايوة بس ..يا نور إنتِ بتحبي بصراحة لمن شوفتك قالعة الدبلة و نهاية البينكم كده بسهولة ، إستغربتا ما إتوقعت تصرف زي ده منك إنتِ ..!!!
شالت نفس : أدهم ده طلع من نفسي يا ريما بسبب عمايلو ، بجد كنت بحبو و كان غالي علي لكن بيدو خسر مكانتو عندي .. هونتا عليهو بعد الحصل ما كلف روحو إعتذار حسيت روحي رخيصة عندو ..رخيصة أكتر مما كنت أتصور كرهت نفسي شديد ، عاينت للمراية لقيت واحدة هبلة قدامي ماشه وجادعة كرامتها وراها .. جارية ورا واحد ولا بيفهمها و لا بيقدرها ولا بحترمها ولا عامل ليها حساب حتى ..أدهم ده كرهني في نفسي فاهمه يعني أيه واحد يخليكي تكرهي نفسك !؟ إنتِ عارفة لمن جانا البيت إفتكرتو عايز يراضيني لكن مع الأسف جاي يخلق مشكلة عشان ننفصل بيها .. القرار ده كان المفروض أخدو من بدري الوقت إتاخر لكن احسن من يفوت
