الرجاء وضع تعليق لطيف او إنتقاد بناء بعد الإنتهاء من القراءة
~ متابعة ممتعة ♡~
______
**
نور : إنتِ ليه حابس نفسك في الماضي ؟ طلال دا قضاء و قدر ، ربنا أراد كده ما ذنبك
طلال : بس انا كنت السبب !
نور : كنت السبب في شنو ؟ الشاحنة هي الدخلت فيكم احمد ربنا إنك عايش
طلال : بس هي ماتت !
نور : قدره كده ، يومها جاء سواء كانت معاك يوم الحادث أو في بيتهم بين أهله كانت حا تموت ، عاجباك الحالة الإنت فيها دي ؟ قافل على نفسك و حارمه حتى مننا !!
طلال : انا خايف عليكم
نور : خايف علينا من شنو يا طلال ؟
طلال : مني
نور : إنت ما عرزائيل إنت بني آدم الموت و الحياة ما بيدك !
طلال بزهج : قفلي على الموضوع ما لي خلق اتكلم في
نور : تمام ، راحتك ..
وصلوا الصالة ..
طلال : افردي وشك شوية ما تنزلي كده
نور : طلال انا عايزاك تعيش بينا ، ما عايزاك تمش بمجرد ما بابا يجي انا محتاجاك " مسكت يدو"
ضغط على يدها وهو بعاين برا ، شال نفس و باس راسه : إن شاءالله ، إنتِ ما تزعلي نفسك
نور : طول ما إنت معاي انا مح أزعل
طلال : ما ماشي مكان نور ما ماشي
نور : كل مرة بتقول كده و بتمش
طلال : نور ما وقتو
اتلفتت منو الناحية التانية بزعل
طلال : نور حبيبتي ، ما تزعلي لو سمحتي إبتسمي شوية و بس تخلصي اضربي لي
= ما جاي معاي ؟
_ ما بعرف زول جوة ، حا أكون قريب بس تخلصي أضربي لي بجي باخدك ..
نور نزلت وريما كانت واقفة ليها في الباب ..
___
ريما : قولت أجي القاك قاعدة !!
نور : تقولي شنو بس ! يلا نخش ..
لاقينا أخت العروس واقفة برا بتتكلم بتلفون سلمنا عليها وباركنا ليها .. قعدتنا في تربيزة شوية بعدها قومنا باركنا لرحاب
رحاب : لو ما جيتو كنت حازعل
= و نحنا نقدر على زعلك كمان ؟
نور : دي شنو العروس المييتة دي ما تقومي تهزي شوية يابت
رحاب بضحكة : والله ميتة من الفستان تقيل يااخي
