عزيزي القارىء الرجاء قراءة الكابشن المرفق عند نهاية الحلقة ♡
~ متابعة ممتعة ~
______
**
~ في مكالمة هاتفية ~
=سيبي كل الفي يديك و تعالي لي انا ما بقدر اجيك ، حارسل ليك لوكشين تعالي لي هناك
_ ليه حصل شنو ؟
= حصلت مصيبة ، اتخفّي كويس يلا مع السلامة
_____
" صوت ضرب الباب "
= ايوة
_ اخش يا عمو ؟
= اي خشي ياريما ..
دخلت لقيتو بطبق في المصلاية : حرمًا ان شاءالله
= جمعًا ، ها عندك شنو ؟
_ سوسو اقصد ماما طلبت مني نتلاقى قال موضوع مهم
= كلمتي طلال ؟
_ لا لسه يدوب انا فاصله منها
رفع صوتو : طلال ، يا طلال
صوت جاي من الحمام : اي يا ابوي
= خلصت و لا لسه ؟
طلع من الحمام و رغوة صابون الحلاقة مالية دقنو ، عاين لي و رجع نظرو لابوي : بحلق في دقني
عم وجدي : ام ريما قالت ليكم تجوها ضروري
طلال عاين لي : ما كلمتني !
= ضربت ليك ما بترد ، فضربت لي انا و هسي مستنيانا رسلت لي لوكشين نتلاقى فيه
طلال : ليه في شنو ؟
= ما عارفاها لكن صوتها ما بطمن و كانت متوترة شديد
طلال : طيب اخلص حلاقة و اجهز
عم وجدي : احلق بعدين روحك سَلَبة في الحلاقة
" سلبة =حبل"
طلال : يعني يا ابوي امشي بي نص محلوق و نص لا !
= طيب جيب انا بحلق ليك
طلال عاين لي بإستنكار : نعم !
عم وجدي : ما تخاف هي شاطرة في الحلاقة طوالي بتحلق لي
طلال : لا بدبر نفسي شكرًا
عم وجدي عاين لي : كان اتكلتي عليه حاتطلعوا من هنا العصر ..
= طلال ما تناقش براهو صوت امي موترني ..
زحيتو و خشيت الحمام ، مسكتا مكنة الحلاقة قلعها مني : بتصرف انا شكرًا
شلتها منو : اقعد قولت ليك
قعد و هو متخوّف مني : متأكدة انك بتعرفي ؟
رفعت دقنو : هسي انت من الصباح في الحتة دي بس ؟
طلال : دايرها وزنة قايلة الموضوع ساهل !
