**
دق الباب تلاتة دقات متسارعة ، شاب طويل ، فاتح البشرة ، نحيل ، مشى فتحو .. كان واقف بميول و خاتي يدو في خصرهُ و اليد التانية تاكل بيها في الحيطة ، رفع راسو اول ما سمع صوت الباب بتفتح .. دخل طوالي و عيونو بتسطر المكان .. صاحبو مشى وراهو بعد ما قفل الباب بطرف رجلو ..
= وينا ؟
مسح دقنو : خشت الحمام ..
قعدوا في الجلسة القريبة من المطبخ المفتوح في الصالة .. البيت شوية جايط ، قطع ملابس مجدعة هنا و هناك .. طلعت من الحمام و هي بتتأمل في المكان .. تلاتة غرف و سلم بأدي لصالة طويلة .. بيبان الغرف ملونة بالتدرجات الهادية من الالوان " اصفر ، ازرق ، احمر " البيت ك كل مطلي الابيض و النيلي الهادي ، الرمادي .. تنسيق الالوان حلو ، اثاث البيت حديث و جديد كأنهُ مشتري امس .. ثريا متدلية في الصالة ( حاينزل كومنت )
البيت بشبه سيدو لحد كبير نفس هدوء الالوان و نفس الروح ..
وصلت لعندهم و قعدت و هي حانية جسمها لقدام و شابكة يدينها ، بهزة راس قالت و عينها على طلال القاعد مقاصد ليها: كيف الوضع ؟
طلال : كلو تمام
وزعت نظراتها في البيت : المخبىء الجديد صح ؟
طلال بتنهيدة : المتوفر !
خلفت رجهلها و ربعت يدينها : و حافضل اتخبى من مكان لمكان كده لمتين ؟ انا ما بحب الجُبن
طلال عاين ليها مسافة : جديع الكلام ما حبابو !
ريما : طلال انا مليت ! اسبوع وانا متخبية في بيتكم و يا عالم حاقعد هنا كم اسبوع تانين !
طلال : كلهم كم يوم لغاية ما جدودك اعمام امك يصلو
طلعت نفس بزهج و سكتت ..
ختى يدينو في رجلينو واستعدا للقومها : داير مني حاجة تاني يا طلال ؟
طلال : تسلم يا ابو حميد
احمد " صاحبهُ" : طيب استأذن انا
ريما كانت ماسكة تلفونها في الوقت الكان طلال بودع فيها احمد و بتكلم معاها .. طلال جا قعد و شغل التلفزيون ..
ريما : حانقعد برانا يعني ؟
عاين ليها مسافة قبل يرد و عينو فيها : لا جاي زول تاني اطمني
ريما : جاي منو ؟
قام و اتجه لفوق : بس يجي بتعرفي
= طلال
عض على شفايفو ببؤس قبل يتلفت يرد ليها : نعم ريما !
_ انا جعانة
_______________
~ في منزل رابح ~
جات نازلة بسرعة شايله شنطة كبيرو في يدها ، قلعت التلفون من يد ميساء اللي بادلتها بنظرات غيظ ، و قبل ميساء تقول اي شي سندس قاطعتها مستعجلة و مسكتها من يدها : قومي حاتمشي تقعدي مع ريما
