الشمس شارفت على الغروب معلنة عودة من آذاب العشاق عشقاً وهم يتأملونه ليلاً، انه القمر، ربما لم تكن عتمة الليل موحشة لتلك الدرجة، مهما كان ليلك معتماً فبالتأكيد يوماً ما سوف ينير إليك قمرٌ ما عتمة ليلك تلك، صعدت همس إلى منزل عمها خليل ثم طرقت الباب ففتحت إليها زوجة خليل ثم قالت بعدما تجهمت فقد كانت تكره تواجد همس برفقة ابنها
-أفندم
-جدو جلال قالي أحاول اقنع شهاب انه ينزل معانا في العشا ده.. شهاب جوا؟
-شهاب مهينزلشي، انا حاولت معاه، تفرجي إيه انتي عني؟
-بس يا طنط..
قاطعها صوت خليل القادم من الخلف حين قال
-سيبيها تدخل هي اللي هتعرف تجنعه
-هحاول أقنعه والله ياعمو
-ادخلي يابتي ادخلي
ابتسمت همس ثم أقبلت على الداخل وسط نظرات زوجة عمها الحارقة لكنها لم تبالي لها، ذهبت إلى غرفه شهاب ثم طرقت الباب واقبلت قائلةً
-اللي واحشني
-نورتي ياهمس
-مالك في ايه؟
-مفيش، شديت مع بابا من شوية بس
-ايه حصل طيب؟
-عايزني انزل اقعد معاهم تحت وانا مش عايز كدا
-انا جيالك عشان نفس الموضوع
-الله يسترك ياهمس سيبيني في حالي انا مش عايز هو بالعافية!
-اه بالعافية انت مش اي حد ده انت البشمهندس شهاب عمران انت بتقول ايه لازم تكون حاضر تحت
-لأ يا همس وجودي اصلا ملوش لزمة
-يرضيك بنت عمك تبقى قاعده كدا لوحدها؟، افرض حد عاكسني يعني؟
-محدش يقدر اصلا
-عشان خاطري يا شهاب تنزل معايا، لو ليا غلاوة عندك
زفر هو بضيق ثم قال
-وجودي ملوش لزمه ياهمس انا كدا كدا مش شايف حاجة ومش هقدر أشارك في اي حاجة كلامهم عن الشغل انا مش هكون عارفه عشان مش بشتغل معاهم مش هعرف اجاريهم في الكلام ولأني مش حابب ده برضو
تنهدت همس وبدون تردد أمسكت يده ثم قالت
-وجودك فارق يا شهاب، متحاولش تقلل من قيمة نفسك.. انا لو الكل موجود تحت مش هكون محتاجة غيرك، انت بس واتمنى تفهم ده!
ابتسم هو ثم قال
-حاضر ياهمس
-هتنزل تقعد معانا بجد!
-أيوا
-انت احلى واحد في الدنيا اصلا، هستناك تحت
-اتفقنا
كادت ان تنهض إلا أنه أمسك يديها فنظرت إليه فقال
-عشانك انتي بس.. خليكي عارفه ده
ابتسمت همس ثم ربتت على يده وقالت
-انا هنا برضو عشانك انت بس.. عن اذنك
ترك هو يديها فرحلت من الغرفة تحاول السيطرة على نبضات قلبها المتسارعة، قابلها خليل فقال إليها
-هياچي؟
-هيجي يا عمو متخافش.. عيب عليك ده انا همس
ضحك خليل ثم قال
