مساء اليوم التالي...
استعد الجميع لذلك الحفل الصغير الذي سيقام بينهم لأجل شهاب وهمس وكان الجميع في غاية السعادة وبالطبع عدي عائلة قاسم ولكن تلك المرة لم يستطيع ضياء ان يختلف عن عائلته كثيراً فقد كان حزيناً ومهموماً على عكس العادة.. أقيم عقد القران سريعاً وبسعادة غمرت الجميع..
-بارك الله لكما وبارك عليكما وجمع بينكما في خير
تُبعت تلك الجملة بالزغاريد والتهاني وعلت البسمة وجوه الجميع فمالت همس على شهاب قائلةً
-كدا رسمي بقيت متدبس فيا
-احلى تدبيسه في العمر
ضحكت همس ثم أخرجت هاتفها وقالت
-لازم نوثق اللحظة دي
-هتعملي ايه؟
-هنتصور اكيد
-وهو انا شايف عشان أتصور ياهمس اتنيلي
-الموضوع بسيط خااالص
وضعت همس يديها على وجنته بلطف ثم أدارت وجهه إليها حتى تستطيع التقاط تلك الصورة فأخبرته بإن يبتسم فلبى هو طلبها ثم ابتسم فإبتسمت هي الأخرى ثم التقطت تلك الصورة بسعادة.. على مقربة منهم كانت سبيل توجه جميع نظراتها نحو ضياء الواقف بمفرده على عكس العادة فقررت الحديث معه قليلاً حتى تعلم ما حل به فإقتربت منه قائلةً
-يعني هو اللي بيتچوز ده مش صاحب عمرك وولد عمك؟!
-إيوا اكيد
-امال مش واجف معاه ليه؟
-عادي
-ايه ده اللي عادي يا ضياء مش عوايدك في ايه
-مش حابب اتكلم يا سبيل
كان يتحدث دون النظر إليها مما آثار تعجبها لكنها حركت رأسها بتفهم وتركته بيأس فتأملها هو وهي ترحل بحزن لكن ما باليد حيلة!
¬|¬|¬|¬|¬|¬|¬|¬|¬|¬|¬|¬|¬|¬|¬|¬
افترق كل من همس وشهاب عن الباقية وجلسوا وحدهم في منزل خليل كالعادة لكن تلك المرة كانت مختلفه.. تبتسمت همس ثم قالت
-تصدق بقى انا نفسي حد يفتح بوقه ويقول نص كلمة علينا.. والله لأوريه
-أساساً محدش يقدر لأنك بقيتي مراتي خلاص
-حصل.. حاجة حلوة مش كدا
-حلوة جدا
لامس شهاب وجنته قليلاً ثم سألها قائلاً
-بت ياهمس هو انا دقني طولت؟
ضحكت هي ثم نظرت إليه وقالت
-سيكا.. بس شكلك حلو يعني
-لا مش بحبها كدا.. هو النهارده ايه؟
-النهارده التلات يا سيدي
-وهنسافر امتى؟
-يوم الخميس
-طب فل اوي.. ابقى فكريني اروح للحلاق قبل ما نسافر
-حلاق وانا موجودة!.. والله عيب
ضحك شهاب ثم قال
-وانتي كنتي شغاله في صالون حلاقة ولا مش واخد بالي ولا ايه
-لا بس بصفتي مراتك هتولي شؤونك بقي
-بس ياهمس اتنيلي
-طب والله ما حد حالقلك دقنك غيري ايه رأيك بقى!
-عايزه تبدأي حياتنا الزوجية بحلاقة دقني!!
ضحكت همس مجدداً ثم توقفت عن الضحك بصعوبة وقالت
-ايوا يا هوبة سيبني العب
-تلعبي ايه يابنتي انتي عبيطة ولا ايه.. السعادة جابتلك عته؟
-ايه سر الاعتراض يعني مش فاهمة
