كانت هدير تجلس في انتظار شقيقها غسان لتخبره بما اخبرتها به والدتها، عاد غسان فإقتربت هدير منه ببسمة خبيثة ثم قالت
-بجولك ايه ياخويا
-مش فاضيلك يا هدير
-الموضوع مهم جوي
زفر هو بضيق ثم نظر إليها قائلاً
-خير
ازدادت بسمتها الخبيثة ثم قالت
-ألا جولي ياخويا انت مناويشي تتچوز؟
-اتچوزت!
-إيوا.. بصراحه إكده انا شايفه البت همس مناسبة ليك جوي ومعتقدش ابوها هيرفض ده انت ولد اخوه
نالت الفكرة استحسانه فقال
-افرضي ابوها موافجش؟
-چدك هيوافج والكلمة الأخيرة له برضك
-تصدجي عندك حج يا هدير
-شوفت بجي.. والبت حلوة وچميلة ومننا وعلينا برضك
-هفاتح ابوكي في الموضوع دِه
-اتفجنا.. فُوتك بعافية
-الله يعافيكي
ابتعدت هدير عنه والبسمة ترتسم على وجهها فتلك هي الطريقة الوحيدة التي سوف تستطيع بها تفريق همس عن شهاب..
¬|¬|¬|¬|¬|¬|¬|¬|¬|¬|¬|¬|¬
أثناء سير كل من شهاب وهمس كانوا يتبادلون الحديث حتى رن هاتفها فتوقفت همس عن السير واخبرت شهاب بأن يتوقف فتوقف هو الآخر وامسكت همس هاتفها.. دق قلبها عندما رأت اسم المتصل فهو لم يكن سوي بلال!، ترددت في للإجابة قليلاً لكنها في النهاية أجابت قائلةً
-اهلا بلال عاش من سمع صوتك
تعجب شهاب عندما لاحظ انها تحادث رجل ما لكنه قرر الصمت حتى تنتهي بينما قال بلال
-ايه اخبارك؟
-كويسة الحمد لله.. انت عامل ايه؟
-كويس جداً.. المهم انا متصل بيكي عشان أقولك حاجة ضرورية جداً
-خير يارب
-عازمك على خطوبتي كمان يومين
اتسعت عينيها على الفور مما سمعت فكيف تخطاها بتلك السرعة!!، اغرورقت عيناها بالدموع لكنها قالت
-الف الف مبروك.. اوعدك اني هحاول اجي
-معندكيش فضول تعرفي مين العروسة؟
-ياترى مين؟
-غادة عرفان
ضحكت هي بسخرية فقد كانت تلك أقرب الأصدقاء إليها لكنها قالت
-بجد!! .. دي غادة دي حبيبتي اوعدك اني هاجي هو انا هلاقي احسن منكم ولا ايه.. لايقين على بعض اوي صحيح الطيور على أشكالها تقع.. الف مبروك
-الله يبارك فيكي ياقمر.. هستناكي بقي
-وانا هاجي اكيد بس تسمحلي اجيب خطيبي معايا
ازداد تعجب شهاب مما قالته وبادله بلال ذلك التعجب ثم قال
-انتي اتخطبتي !
-ايوا ايوا بس معلش مقولتلكش عشان كانت عائلية كدا بس إن شاء الله هعزمك على الفرح بقى انت وغادة قلبي
-طيب تمام تنورونا انتوا الاتنين
-بنورك يا بلال.. يلا مع السلامه بقى اشوفك قريب
-سلام
أغلق بلال الخط فتنهدت همس تنهيدة عميقة وقال شهاب بغيرة ملحوظة
-مين ده وخطيبك ايه ده كمان
-تعرف يا شهاب.. مشكلتي اني بثق في الناس بسهولة
